2. Miynet bazarınıń islew mexanizmı Miynet bazarınıń túrleri: olardıń segmentlerge ıdırawı hám maslasıwshılıǵı

1.Kárxanada miynet processin shólkemlestiriwdiń baslanǵısh faktorların analizlew: óndiris tipin, onıń kólemlerin, texnologiyalıq processler, mashina, mexanizm hám ásbap-úskenelerdiń ózine sáykes ózgesheliklerin, miynetti mexanizaciyalaw, cexlar, uchastkalar, jumıs orınları hám usı sıyaqlılardı birlestiriw dárejesin anıqlawdan ibarat.
2.Jumısshılar miynetiniń quramalılıǵın analizlew: kásip-mamanlıq dárejesine qoyılatuǵın talaplar hám onıń óndiris talaplarına muwapıq keliwi; xızmetker kásip qánigeliginiń keńligi hámde kásiplerdi waqtınsha orınlap turıw hám miynet háreketin ózgertiw múmkinshiliklerin anıqlaw.
3.Jumısshılar miynet bólistiriliwi hám kooperaciyasın analizlew: óndiris processiniń operaciyalarǵa bóliniwi; ayırım operaciyalardı ayrıqsha zárúrligine hám irilestiriw yamasa klassifikaciyalaw dárejesine baha beriw; ulıwma óndiris processi dúzilisinde ayrıqsha operaciyalardı orınlawshı jumısshılar ortasındaǵı baylanıstı úyreniw; miynet buyımların tasıwǵa hám operaciyalar aralıq turıp qalıwına waqıttıń jumsalıwı; ayırım óndiris operaciyaların birge qosıp orınlap turıw yamasa bólimlerge bóliw, sonday-aq xızmetkerlerdiń óz funkcionallıq wazıypalarına kiretuǵın jumıs penen bántligin, jumıs razryadları hám isshilerdiń bir-birine sáykes keliwin anıqlaw.
4. Mashinalar hámde ásbap-úskeneler jumıs waqtınan paydalanıwdı analizlew: smena ishinde jumıs waqtınıń biykar jumsalıwın hámde olardıń sebeplerin anıqlaw; óndiris procesindegi “riskli orınlar”dı anıqlaw, bunda miynet jumsalıwınıń kóp bolıwı yamasa isshilerdiń úlgermewi sebepli ayırım operaciyalardı orınlawda keshigip ketiwi, keyingi operaciyalarda biykar turıp qalıw hám kútip qalıwı, sonday-aq miynet hám óndiris intizamınıń buzılıwı aqıbetinde birden-bir óndiris processiniń dawamlılıǵında úzilisler júz beredi. Jumıs waqtınan paydalanıwdı analizlewde jumıs penen bántliktiń bul túrine sáykes kelmeytuǵın itimallı jumısılardı orınlaw waqtı da, ásbap-úskenelerdiń jumıstı passiv túrde gúzetip turıw waqtı (bul miynet funkciyaların birge qosıp orınlaw ushın rezerv sıpatında qaraladı), úskenelerdi sazlawdı hám jobadan tısqarı remont jumısların ámelge asırıwdı kútiw qatnası menen isshilerdiń biykar turıp qalıw waqtı da esapqa alınadı.
5.Kárxanada qollanılatuǵın miynetti shólkemlestiriw formaların analizlew: jumısshılar miynetin bólistiriw hám kooperaciyası jaǵdayına baha beriw analizlewdiń juwmaqlawshı basqıshı esaplanadı. Bul analizge tómendegi baǵdarlar kiredi: cexlar, uchastkalar, jumıs túrleri, ayırım operaciyalar boyınsha jumısshılar sanı hám kásip-mamanlıq dúzilisin úyreniw hámde orınlanıp atırǵan jumıslar, miynet funkciyaları hám orınlawshı-isshilerdiń kásip-mamanlıǵı jaǵınan sáykes keliwin anıqlaw; orınlanatuǵın jumıslardıń miynet jumsalıw dárejesin esapqa alǵan halda jumısshılardı óndiristiń ayırım uchastkalarına hám jumıs orınlarına jaylastırıwdı analizlew; kásipler, miynet funkciyaların birge qosıp alıp barıw hámde kóp stanoklı xızmet kórsetiwdi ámelge asırıw múmkinshiliklerin anıqlaw; miynetti brigada usılında analizlew múmkinshilikleri hám maqsetke muwapıqlıǵın úyreniw; miynet sharayatların jaqsılawdıń tiykarǵı baǵdarların úyreniw hám basqalar.