2-мавзу. Трактор ва Қхм ни синовлари таснифи. Дастлабки ва давлат синовлари

2-мавзу . Трактор ва ҚХМ ни синовлари таснифи. Дастлабки ва давлат синовлари

Дастлабки синовлар давомида машина макет намуналарини лаборатория-тадкикот синовлари ўтказишдан максад:

• 
  мавжуд машинани параметрлари(конструктив тузилишни, жойлашув (компановка)ни, агрегатлаш схемасини, янги материаллар ишлатишни ва х.к.)ни асослаш ва такомиллаштириш;
  

• 
  машиналар туркумини ва тракторга янги жихозлар ўрнатишни асослаш;
  

• 
  машинани ишлаб чикиш техник топширик(ТТ) ва агротехник талаблар(АТТ)га қўшиш учун техник талабларни ишлатиб кўришдан иборат бўлади.
  

Тракторнинг тажриба намуналарини дастлабки синовлари икки боскичда ўтказилади. Биринчи боскичдаги максад тракторни техник вазифада кўрсатилган параметрларга мос келишини аниклаш бўлса, иккинчи боскичда максад тракторни машиналар туркуми ва технологик жихозлар билан ишлаши самарадорлигини бахолаш ва қабул синовларига тайёрлигини аниклаш бўлади. Дастлабки синовларни тракторни ишлаб чикарадиган ташкилотнинг аттестациядан ўтган синов бўлими ўтказади, яъни бу синовлар корхона синовларидир. Синов дастури машинанинг фойдаланиш шароитига иложи борича кўпрок якинлаштирилади.
Машинанинг ресурс(захира) синовларини маромига етказиш(доводочные испытания) синовлари хам дейилади. Унинг максади машина конструкциясини ТШ талаблари даражасига етказиш ва киритилган ўзгартиришларни машина кўрсаткичларига таъсирини бахолаш хисобланади.
Маромига етказиш синовларини ишлаб чикарувчи корхона ўтказади. Бу синовлар натижаларига кўра аникланган камчиликларни йўкотиш, функциогнал сифатни яхшилаш, ишчанликни (пухталикни) ошириш максадида, машина конструкциясига ва унинг алохида элементларига ўзгаришлар киритилади.
Маромига етказиш синовлари тезлаштирилган стенд синовлари ёки полигон, лаборатория - дала, эксплуатацион-фойдаланиш синовлари бўлиши мумкин. Даврий киска муддатли синовларнинг максади машинани тайёрлаш сифатини такрор текшириш ва ишлаб чикариш камчиликларини кўрсатиб бериш хисобланади. Бу синовлар тайёрловчи корхона томонидан 60 ва 480 соатлик дастурлар бўйича ўткизилади.