2-мавзу: соғЛИҚҚА Қарши жиноятлар мавзуси юзасидан казуслар

3-МАВЗУ: ҲАЁТ ЁКИ СОҒЛИҚ УЧУН ХАВФЛИ ЖИНОЯТЛАР МАВЗУСИ ЮЗАСИДАН КАЗУСЛАР


1-Казус
1. Металлургия заводида ишловчи И.нинг ҳамкасблари у тушликка чиққан вақтда унинг иш вақтида киядиган махсус бош кийимини яшириб қўйишди. Тушликдан қайтган И. бош кийимини жойида йўқлигини кўриб, ёнида ишлаётган ҳамкасбларига қараб: “Мени нарсамни рухсатсиз олган одамни ўлдираман” деб пўписа қилди.
Казус бўйича саволлар:
1. И.нинг ҳаракатлари бўйича юридик таҳлил қилинг
2. И.нинг ҳаракатларига ҳуқуқий баҳо беринг.


2-Казус
2. Тери таносил касалликлари шифохонасида рўйхатда турган ва даволанётган С. фоҳишалик билан шуғулланар эди. Натижада у ўзи билан жинсий алоқада бўлган К.га таносил касаллигини юқтирди. Шу куннинг ўзида С. Ф. билан ҳам жинсий алоқада бўлди, лекин бу касаллик Ф.га юқмади. С.нинг ёнидан қайтган К. хотини билан жинсий алоқада бўлди ва таносил касаллигини хотинига юқтирди.
Казус бўйича саволлар:
1. С.нинг ҳаракатларини юридик таҳлил қилинг ва ҳуқуқий баҳо беринг.
2. Қилмишга баҳо беринг ва квалификация қилинг.
3-Казус
3. Т. таниши Р.га жинсий алоқада бўлишни таклиф қилди. Р. ўзида ОИТС касаллиги борлигини ва бу касаллик Т.га юқиб қолиши мумкинлигини айтди. Т. бунга қарши эмаслигини ва Р. билан жинсий алоқада бўлишни ҳохлаётганлигни айтди. Р. Т. билан жинсий алоқада бўлди. Т.га ОИТС касаллиги юқмади.
Казус бўйича саволлар:
1. Р.нинг ҳаракатларини юридик таҳлил қилинг ва унинг ҳаракатларига ҳуқуқий баҳо беринг.
2. Қилмишга баҳо беринг ва квалификация қилинг.


4-Казус
4. Тунги соат 23.30ларда туғруқхонага оғир аҳволдаги бемор келтирилди. Беморни олиб келган шахслар шаҳарга узоқдан меҳмон бўлиб келганликларини, врачдан унга зудлик билан ёрдам кўрсатиш лозимлигини, аёлни ва туғиладиган болани сақлаб қолиш лозимлигини айтди. Навбатчи-врач аёлнинг шу туманда рўйхатда турмаганлигини айтиб, эрталабгача кутиш лозимлигини ва бош врачнинг розилиги билангина беморга ёрдам бериши мумкинлигини айтиб, унга ёрдам кўрсатмади. Натижада бемор орадан 2 соат вақт ўтгач ҳаётдан кўз юмди ва унинг ҳомиласи ҳам нобуд бўлди.
Казус бўйича саволлар:
1. Навбатчи-врач.нинг ҳаракатларини юридик таҳлил қилинг ва унинг ҳаракатларига ҳуқуқий баҳо беринг.
2. Қилмишга баҳо беринг ва квалификация қилинг.
5-Казус
5. К.нинг ота-онаси қизининг танлаган йигити яхши йигит эмаслигини, К.ни ўша йигитга турмушга чиқишига қарши эканлигини ва унинг розилигисиз ўзлари танлаган йигитга турмушга беришини айтишди. К. бунга рози эмаслигини айтиб, “Мени кимга турмушга берсанглар ўша одамни ўлдираман” деб қасам ичди.
Казус бўйича саволлар:
1. К.нинг ҳаракатларини юридик таҳлил қилинг
2. К.нинг ҳаракатларига ҳуқуқий баҳо беринг.