2-Mavzu: Shaharni funksional hududlarga ajratish. Shahar hududi balansini hisoblash

Shahar hududining balansi.

Shahar hududi binolar, inshootlar, ko‘chalar, ko‘kalamzorlar bilan band. Shahar maydoni yoki uning bir qismini bo‘linishini tahlil qilish uchun maydon bo‘yicha hududning bo‘laklari ko‘rsatilgan yoki umumiy maydondan protsent nisbatlarda ko‘rsatilgan jadval tuziladi. Bunday jadval hudud balansi deyiladi.

Shahar hududi balansi-turli funksional vazifaga ega bo‘lgan hududning nisbatini tavsiflovchi ko‘rsatkichlar tizimga aytiladi. Hudud balansi kattaligi, maydonning bo‘linishi bo‘yicha bir vazifaga ega bo‘lgan ob’ektlarni solishtirishga va loyihaning yaxshi, yomon tomonlarini baholashga yordam beradi. Hududning berilgan balansi natijasiga ko‘ra, ayrim mintaqalarning kattaligini hisoblash mumkin.

Loyihalash me’yorlari texnikaviy ko‘rsatmalarda mavjud shu singari ob’ektlarni tahlil asosida tuzilgan shaharning turli elementlari va funksional mintaqalari uchun tavsiya etilgan hudud balansi keltirilgan.

Har bir muayyan shaharning o‘ziga xosligi har xil mintaqalar ko‘rsatkichlarining qiymatini aniqlab beradi. Ammo har bir tizim ichidagi elemntlarning taqribiy qiymati loyihachi ma’lumotnomasi «Shaharsozlik» da keltirilgan ma’lumotlarga ko‘ra qabul qilinishi mumkin.