2-mavzu: O’zbekistonda ta’lim tizimini modernizatsiyalash jarayonlari va uning huquqiy-me’yoriy asoslari Zamonaviy ta’lim tizimiga qo’yiladigan asosiy talablar. Ta’lim muassasasi menejmenti. Tarbiya nazariyasi va tarbiya turlari Reja

2-mavzu: O’zbekistonda ta’lim tizimini modernizatsiyalash jarayonlari va uning huquqiy-me’yoriy asoslari
Zamonaviy ta’lim tizimiga qo’yiladigan asosiy talablar. Ta’lim muassasasi menejmenti. Tarbiya nazariyasi va tarbiya turlari
Reja:
1. Boshqaruv (menejment) tushunchasining mohiyati. Boshqaruvchi shaxs – rahbar kompetentligi.
2. O’zbekiston Respublikasining ta’lim tizimini boshqarish organlari. Mahalliy davlat hokimiyati organlari va ularningrespublika ta’lim tizimini boshqarishdagi o’rni va roli. Ta’lim muassasasi direktorining vazifalari
3. Tarbiya ijtimoiy hodisa sifatida. Tarbiya nazariyasi va tarbiya jarayonining mohiyati, mazmuni, maqsadi va vazifalari, o’ziga xos xususiyatlari, qonuniyatlari va tamoyillari. Milliy va umuminsoniy qadriyatlarining o’ziga xosligi va tarbiyadagi o’rni.
4.Tarbiyaning umumiy metodlari. Ijtimoiy ongni shakllantirish, ijtimoiy xulqni shakllantirish, rag’batlantirish va jazolash, o’z-o’zini tarbiyalsh metodlari.
5. Tarbiya turlariga umumiy tasnif. Aqliy tarbiya. Jismoniy tarbiya. Mehnat tarbiyasi. Nafosat tarbiyasi. Ekologiya tarbiya. Iqtisodiy va huquqiy, g’oyaviy-siyosiy tarbiya. Fuqarolik tarbiyasi


Tayanch so‘z va iboralar:boshqaruv, menejment, rahbar, avtoritar, liberal, demokratik, rahbar shaxsi, rahbarlik kompitensiyasi, tarbiya nazariyasining mohiyati, tarbiya jarayonining mazmuni,tarbiya jarayonining umumiy mohiyati, tarbiya jarayonining natijasi, axloqiy tarbiya, axloqiy tarbiya, jismoniy tarbiya, ekologik tarbiya, estetik tarbiya,tadbirkorlik tarbiyasi, toleranlik tarbiyasi, fuqarolik tarbiyasi


Boshqaruv –“(MENEJMENT)” tushunchasining mohiyati.
Boshqaruv – bu qadimgi san’at va eng yangi fandir. Boshqaruv sohasidagi mutaxassislar fikricha, boshqaruv siyosiy, iqtisodiy texnologik, ijtimoiy va axloqiy tizimlarning qismi bo‘lib, o‘zining yo‘nalishi, tamoyillari, uslublariga ega. Boshqacha qilib aytganda, boshqaruv jiddiy ilmiy-uslubiy asosga tayanadi. Har bir fan bilimlar majmui bo‘lib, jamiyat va tabiatdagi xodisa va qonunlarni anglab tushuntirishga harakat qiladi.
Fan sifatida boshqaruv yangi murakab xodisalarni aniqlashga, tabiatdagi tartib, qonunlarni ochishga xarakat qiladi. Nazariya uchun tadqiq obyektni har tomonlama ta’riflab berish emas, balki yangi bilimlar shakllanishini ta’minlash uchun uning aloqalarini, asosiy xususiyatlarini o‘rganish, umumiy qonuniyatini aniqlash muhimdir.