2-мавзу: маъмурий ҳУҚУҚ субъектлари

Мустақил ўқиш учун адабиётлар:

• Erkin Xojiyev, To’qin Xojiyev. Ma’muriy huquq. Darslik. – T.: “Fan va texnologiya”, 2008. – 608 b.
• Ma’muriy huquq: Darslik / X.T. Odilqoriyev, I.Ismailov, N.T. Ismailov va boshq.; prof. X.T. Odilqoriyev va B.E.Qosimovning umumiy tahriri ostida. – T.: O’zbekiston Respublikasi IIV Akademiyasi, 2010. – 640 b.
• Хамедов И.А., Хван Л.Б., Цай И.М. Административное право Республики Узбекистан. - Т.: Konsauditinform – Nashr – 2012.

Семинар машғулоти учун топшириқ:

• Давра шаклида “фуқаронинг ҳуқуқий мақоми”, “фуқаронинг маъмурий-ҳуқуқий мақоми”, “фуқаронинг маъмурий ҳуқуқ лаёқати”, “фуқаронинг маъмурий муомала лаёқати” тушунчаларининг ўзаро нисбатини мисоллар асосида ёритинг.

Муҳокама қилинг.

• 1. Маъмурий ҳуқуқ субъектининг моҳияти нимадан иборат?
• 2. Фуқароларнинг маъмурий ҳуқуй лаёқатининг ўзига хос хусусиятлари нимада? Фуқароларнинг маъмурий ҳуқуқ лаёқати ҳажми ва мазмуни қандай омиллар билан боғлиқ?
• 3. Фуқароларнинг ўзини-ўзи бошқариш органлари маъмурий ҳуқуқ субъекти ҳисобланадими? Фикрингизни қонунлар билан асосланг.

• 4. Вазирлик ва давлат қўмиталарининг мақомини маъмурий ҳуқуқ субъекти сифатида очиб беринг. Фикрингизни иккита вазирлик ва давлат қўмитаси мисолида асосланг.
• 5. Жамоат бирлашмаларининг маъмурий-ҳуқуқий мақомининг ўзига хос хусусиятлари нимада?

Муҳокама қилинг.

• Тошкент шаҳридаги нодавлат “Profi Education” ўқув маркази инглиз тилини ўқитиш бўйича Буюк Британия фуқароси Raymond Murphy ни юқори малакали кадр сифатида 10 ой муддатга ишга жалб қилди. “Profi Education” ўқув маркази раҳбари Ташқи меҳнат миграцияси масалалари агентлигидан фуқаро Raymond Murphy ни Ўзбекистон Республикасида меҳнат фаолияти билан шуғулланиш ҳуқуқини берувчи рухсатнома ва меҳнат фаолияти ҳуқуқига эгалик тасдиқномаларини олди.

• Фуқаро Raymond Murphy орадан 2 ой ўтгач “Platon” нодавлат ўқув марказида ҳам меҳнат фаолиятини олиб бора бошлади. Бундан хабар топган Ташқи меҳнат миграцияси масалалари агентлиги мазкур ҳолатни қонунчилик талабларини қўпол равишда бузиш деб топиб Буюк Британия фуқароси Raymond Murphy га берилган рухсатнома Агентлик қарорига кўра бекор қилинди.
• Мазкур ҳолатга ҳуқуқий баҳо беринг.