2-мавзу. Мактабгача таълим педагогикаси фанининг мавзуси, услубияти ва баркамол инсонни тарбиялашдаги ўрни

Суҳбат методи. Суҳбат аниқланиши керак бўлган масалаларни
ойдинлаштириб олиш мақсадида, олдиндан тузилган режа асосида ўтказилади.
Суҳбат якка тартибда ҳамда жамоа тарзида олиб борилади. Суҳбат болалар
ҳаётининг у ёки бу воқеа- ҳодисалари тўғрисидаги қизиқишлари, тасаввурлари, мулоҳаза ва муҳокамаларни аниқлаб олишга бевосита ёрдам беради. Суҳбатдан метод сифатида фойдаланишда, албатта, унинг мақсади ва режасини аниқлаб олиш керак бўлади. Суҳбат методи жараёнида интервью олиш ҳам муҳим саналади. Ўринли, мантиқан юксак жавоблар ёки ноаниқ жавоблар магнит тасмасига ёзиб олинади ва таҳлил этилади.
Ҳужжатларни ва болаларнинг ишларини ўрганиш. Болалар ишларини
ўрганиш илмий тадқиқотнинг асосини ташкил этади. Тадқиқотчи педагогик
ҳужжатларни ўрганиш орқали ўрганилаётган объект тўғрисидаги ҳар хил
маълумотларни билиб олади. Бунга мактабгача тарбия муассасалари мудирлари, тарбиячиларнинг режалари ва ҳисоботлари, болалар боғчаси
тарбияланувчиларнинг расмлари, лой ва пластилиндан ясалган буюмлар ва шу кабилар киради. Масалан, болалар анча илгари чизган расмларини қараб чиқиш, таҳлил қилиш, болаларга берилган топшириқларнинг қай даражада
мураккаблашиб борганини аниқлаш ҳамда улар билан кейинги олиб бориладиган ишларни белгилашга ёрдам беради.
Педагогик эксперимент таълим жараёнига педагогик янгиликларни
киритишдир. Педагогик эксперимент ёрдамида илмий фаразларнинг
ишончлилиги текширилади.
Табиий эксперимент ва лаборатория эксперименти педагогик
экспериментнинг асосий турлари бўлиб, улар кўпгина ишларни ўз ичига олади.
Табиий эксперимент шароитида янги иш режалари, дастурлари, дарсликлар
адабиётлар ва одатдаги иш режаларини бузмай туриб текширилади. Педагогик эксперимент — бу ҳам кузатиш, лекин у педагогик жараённинг ўтиш шароитларини мунтазам ўзгартириш муносабати билан махсус ташкил этилади.
Лаборатория иши ҳам илмий тадқиқотнинг анча қатъий шакли ҳисобланади.
Қуйидагилар педагогик экспериментнинг босқичлари ҳисобланади:
Экспериментни режалаштириш — эксперимент ўтказиш ва натижаларни
шарҳлаш. Экспериментни ташкил этиш ва ўтказиш тартиби белгиланган режага қатъий амал қилган ҳолда олиб борилиши керак.
Шарҳлаш босқичида маълумотлар йиғилади ва қайта ишланади.