2-Мавзу: Харакатдаги мулкни баҳолашда харажат ёндашувининг қўлланилиш ва чекловлари

Харажатларни хисоблаш усули. Харажатларни хисоблашнинг қуйидаги усуллари муқобил сифатида қўлланилиши мумкин: ресурс; ресурс-индексли; базиси ндексли; базис-компенсацион; олдин қурилган ёки лойихалаштирилган ўхшаш объектлар қиймати хақида маълумотлар банки асосида.
Ресурс усули – ресурсларнинг (харажатлар элементлари) тарифларида ва жорий (прогноз) нархларда хисоблаш материаллар, махсулотлар, конструкциялар (жумладан, мехнат ишлаб чиқариши жараёнида қўлланиладиган қўшимча конструкциялар)га эхтиёжлардан, шунингдек, масофалар хақида маълумотлар ва қурилиш жойига уларни етказиб бериш усуллари, технологик мақсадлар учун энергия ташувчилар сарфи, қурилиш машиналарининг эксплуатация вақти, уларнинг таркиби, ишчиларнинг мехнат харажатлари кабилардан келиб чиқиб амалга оширилади.
Ресурс-индекс усули – бу ресурс усулининг қўлланиладиган ресурслар учун индекслар тизими билан уйғунлашувидир.
Қиймат индекслари (нарх, харажат) – ресурслар номенклатураси бўйича қиёсланадиган жорий (прогноз) қиймат кўрсаткичларининг базавий қиймат кўрсаткичларига нисбати билан аниқланадиган нисбий кўрсаткичлар.
Базис-индекс усули – индекслар ёрдамида нархнинг базис даражасидан нархнинг жорий даражасига нисбатан сметанинг моддалари бўйича харажатларни қайта хисоблаш.
Базис-компенсатсион усул – смета нархларининг базис даражасида хисобланган ресурслар тарифи ва нархи ўзгариши билан боғлиқ қўшимча харажатларни хисоблаш билан аниқланадиган қийматларнинг йиғиндисини топиш. Шуни ёдда тутиш жоизки, иқтисодий вазият барқарорлашгунга қадар
ва мутаносиб бозор тузилмалари шакллангунга қадар смета қийматини хисоблашнинг устувор усуллари сифатида ресурс ва ресурс-индекс усули
этироф этилади. Амалий фаолиятда экспертлар смета қийматини хисоблашнинг базис-индекс усулидан анча оммавий тарзда фойдаланишади.