2-Mavzu. Elektr energetika tizimlari va ular holatlari haqida umumiy ma’lumotlar

O’zRda elektr energiyani ishlab chiqarish va iste’moli balansining ssenariysi (MVt.soat)

Balansning tashkil etuvchisi	2010 y., amalda	2015 y.	2020 y.
1. EE iste’moli	50747,0	56000,0	64900,0
2. EE eksporti	1164,0	900,0	1800,0
3. EE ishlab chiqarish shu jumladan:	51911,0	56900,0	66700,0
3.1. «O’zbekenergo» DAK shu jumladan 3.1.1. IES 3.1.2. GES 3.1.3. NQTE	50057,0 43508,0 6549,0 -	52315,0 46568,0 5746,0 -	62115,0 53442,0 8352,0 321,0
3.2. Blokstansiyalar	1834,0	4585,0	4585,0

Elektr energiya balansini ushbu jadvalda keltirilgan darajada bo’lishini ta’minlash elektr stansiyalarida qo’shimcha, samarali bloklarni o’rnatib, ishga tushirish, mavjudlarini modernizatsiyalash, qo’shimcha elektr tarmoqlarini qurishni nazarda tutadi.
2015 yilgacha bo’lgan vaqt davomida issiqlik energetikasi sohasida Navoi IESni 478 MVt quvvatli bug’-gaz qurilmasi (BGQ)ni o’rnatish hisobiga kengaytirish, Toshkent issiqlik elektr markazini 3 ta 27 MVt quvvatli gaz-turbina qurilmasi (GTQ)ni o’rnatish hisobiga modernizatsiyalash, Tollimarjon IESni 2 ta 450 MVt quvvatli BGQni o’rnatish hisobiga kengaytirish, Toshkent IESni 370 MVt quvvatli BGQni o’rnatish hisobiga modernizatsiyalash, Angren ko’mir havzasini modernizatsiyalash orqali YAngi-Angren IESning 1-5 bloklarini butun sutka davomida ko’mir yoqishga o’tkazish bo’yicha investitsiya loyihalarining bajarilishi ko’zda tutilgan.
Gidroenergetika sohasida esa, ushbu vaqt davomida modernizatsiyalash ishlarini amalga oshirish hisobiga CHorbog’ GESning quvvatini 45 MVtga, Toshkent GESlari kaskadining quvvatini 8,3 MVtga, Quyi Bo’zsuv GESlarining quvvatini 2,5 MVtga oshirishga oid investitsiya loyihalari bajariladi.