2-мавзу. ҲАракатлар стратегияси ўзбекистон миллий

Kоnsеpsiya (lоt. concertio – мажмуа, тизим) – 1) бирор соҳага оид қарашлар, тамойиллар тизими, факт ва ҳодисаларни туШуниш, англаш ва изоҳлашнинг муайян усули, асосий нуқтаи назар; 2)адабиётда – бирор асарнинг асосий ғояси. Умумий тарзда бирор бир танланган тараққиёт йўлини чуқурроқ тушуниш ва англаш мазмунини беради. Бизнинг устувор вазифамиз “Кучли жамиятдан – кучли фуқаролик жамияти сари” консепциясини амалга оширишдан иборат. Шу мақсадда жамоатчилик назоратини амалга оширишнинг самарали механизмларни ишлаб чиқиш, жамиятимизда маҳалла институтининг роли ва аҳамиятини янада кучайтириш, ҳуқуқ ва ваколатларини кенгайтириш, шунингдек, моддий-техника базани мустаҳкамлаш бўйича чора-тадбилар ишлаб чиқилди.
2. Ўзбекистон Республикаси Ҳаракатлар стратегияси 5 та устувор йўналишлари.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси тасдиқланди. Ҳаракатлар стратегиясининг биринчи устувор йўналиши бу, давлат ва жамият қурилишини такомиллаштиришга йўналтирилган демократик ислоҳотларни чуқурлаштириш ва мамлакатни модернизация қилишда парламентнинг ҳамда сиёсий партияларнинг ролини янада кучайтиришга қаратилганлиги билан аҳамиятлидир. Яъни давлат бошқаруви тизимини ислоҳ қилиш, давлат хизматининг ташкилий-ҳуқуқий асосларини ривожлантириш, давлат хизматлари сифати ва самарасини ошириш, жамоатчилик назорати механизмларини амалда татбиқ этиш, фуқаролик жамияти институтлари ҳамда оммавий ахборот воситалари ролини кучайтиришга эътибoр қаратди.
Ҳаракатлар стратегиясида қонун устуворлигини таъминлаш ва суд-ҳуқуқ тизимини янада ислоҳ қилишга йўналтирилган дастур бу иккинчи йўналиш ҳисобланади. Яъни суд ҳокимиятининг чинакам мустақиллигини ҳамда фуқароларнинг ҳуқуқ ва эркинликларини ишончли ҳимоя қилиш кафолатларини мустаҳкамлаш, маъмурий, жиноят, фуқаролик ва хўжалик қонунчилигини, жиноятчиликка қарши курашиш ва ҳуқуқбузарликларнинг олдини олиш тизими самарасини ошириш белгилаб берилди. Унинг муҳимлиги Шунингдек суд тизимини ислоҳ қилиш, юридик ёрдам ва ҳуқуқий хизматлар сифатини тубдан яхшилашга йўналтирилганлиги билан аҳамиятлидир.