2-маъруза. Компютер тармоқларининг стандарт технологиялари

Симсиз локал тармоқлар. Ҳозирги пайтга келиб симсиз локал тармоқлар, симли локал тармоқларга қўшимча локал тармоқлар сифатида қаралмоқда. Бошқача қилиб айтганда симсиз локал тармоқлар симли, яъни кабелли локал тармоқлар билан рақобатлашувчи тармоқлар эмас.
Симсиз локал тармоқларнинг кўпгина афзал томонларини яққол кўриш мумкин. Уларни ўрнатиш ва модификациялаш, яъни янгилаб туриш жуда ҳам осон, бунда катта-катта ҳажмли кабелларга ва уларни улаш учун зарур бўлган қурилмаларга эхтиёж бўлмайди. Симсиз тармоқларнинг яна бир афзаллиги, унда фойдаланувчиларнинг кўчиб юриш имкониятининг (мобильность) борлигидир.
Симсиз тармоқ технологиялари 802.11 стандарти хисобланган WiFi технологияси мисолида куриб чикамиз. 802.11 стандарти симсиз локал тармоқларининг икки хил топологияси мавжуд:
1.BSS – базавий ёки асосий хизматлар тўплами кўрсатиладиган тармоқ (Basic Servis Set). Бу тармоқда базавий станция, барча фойдаланувчилар учун мўлжалланган станция (уланиш нуқтаси, антенна ёки коммутатор) бўлмайди. Фойдаланувчилар, яъни тармоқдаги компьютерлар - ўзларида ўрнатилган симсиз тармоқ адаптерлари ёрдамида, ўзаро бевосита ахборот алмашинадилар (5-расм). BSS тармоғига кириш учун - тармоққа уланиш муолажасини бажариш керак.

5-расм. BSS топологияли тармоқлар.
STA₁, STA₂ – станциялар (компьютерлар, яъни фойдаланувчилар, серверлар, коммутаторлар ёки маршрутизаторлар).
2. ЕSS – кенгайтирилган (қўшимча) хизматлар тўплами қўрсатадиган тармоқ (Extended Servis Set – ЕSS). Бу тармоқ тақсимланган муҳит билан бирлаштирилган бир нечта BSS тармоқлардан иборат бўлади. (6-расм)

6-расм. ЕSS топологияли тармоқлар.
AP (Access Point) – уланиш нуқтаси.
DS (Distribution System) – тақсимланган тизим.
DSS (Distribution System Service) – тақсимланган тизим хизмати.