2 маъруза: доришунослик режа

 
1-расм. Дориларни тайёрлаш жараёни 
 
Дорининг шакли махсус ишланиб, беморга бериш учун қулай ҳолга келтирилган 
бир ёки бир неча дори моддалардан иборат. 
Ўсимлик хом-ашёсидан таъсир этувчи моддаларни ажратиб олиш ва уларни ёт 
(балласт) моддалардан қисман тозалаш мақсадида мураккаб ишлов бериш йўли билан 
гален препаратлари (рим врачи Гален шарафига шундай ном берилган), масалан, 
настойкалар, экстрактлар, спирт олинади. Неогален препаратлар янада тоза бўлиб, 
таркибида балласт моддалар деярли йўқ. Шунинг учун улар фақат ичилмай, инғекция ҳам 
қилинади (масалан, адонизид, лантозид ва бошқалар). 

---

Дорихона
 – дори тайёрлаш, уни сақлаш ва беморларга ёки даволаш муассасаларга 
тарқатиш билан шуғулланадиган фармацевтик муассаса.
Дорихонада қуйидаги ишлар бажарилади: 
1. Врач рецепти бўйича дори тайёрлаб берилади. Бундан ташқари, рецептсиз бериладиган 
дори, санитария-гигиена ва беморларни парвариш қилиш буюмлари, минерал сувлар, 
дезинфекция ва дезинсекция воситалари, боғлаш материаллари, кўзойнаклар, хирургик 
асбоблар ва бошқа тиббий буюмлар ҳам сотилади. 
2. Аҳоли ўртасида санитария - гигиена билимини кенг тарғиб қилиш ва дори-дармонлар 
тўғрисидаги маълумотларни оммалаштириш билан шуғулланади. 
 
2-расм. Дорихона 
Дорихоналар 2 асосий типга бўлинади: 
1. Ёпиқ типдаги ёки касалхоналар ва бошқа даволаш муассасалари қошидаги 
дорихоналар. Уларда шу даволаш муассасасида даволанаётган беморлар учун врач ёзиб 
берган рецепт бўйича дори тайёрланади ҳамда бу муасасалар барча тиббиёт анжомлари 
билан таъминлаб турилади. 
2. Очиқ ёки хўжалик ҳисобидаги дорихоналар. Уларда аҳолига врач рецепти 
бўйича дори тайёрлаб берилади ва рецептсиз турли дори-дармонлар ҳамда тиббий 
буюмлар сотилади (очиқ савдо йўли билан). 
Касалхона ва поликлиникалар қошида аҳолини дори-дармон, санитария-гигиена 
буюмлари билан таъминловчи дорихона пункти ташкил этилади. Бундан ташқари, кўчма 
ва уй дорихоналари ҳам мавжуд. Уларда фақат биринчи тиббий ёрдам кўрсатиш учун 
зарурий материаллар бўлади. 
Дорихоналарда қуйидаги хоналар ажратилади: