2. Makroiqtisodiyot fanining tadqiqot usullari. “Resurslar- tovarlar va xizmatlar” hamda “daromadlar –xarajatlar”ning doiraviy oqimi modeli

9- Mavzu: Davlat byudjeti. Soliqlar

Reja:

1. Davlat byudjetining mohiyati va funksiyalari.

2. Davlat byudjeti daromadlari

3. Davlat byudjeti xarajatlari.

4. Soliqlarning turlari va funksiyalari.

5. Davlat byudjetining soliqlarga ko’ra tarkibi.Soliq yuki.

6. O’zbekiston Respublikasida soliq siyosati va soliq islohotlarining asosiy yo’nalishlari.
1. Davlat byudjetining mohiyati va funksiyalari.
Davlat o’z iqtisodiy funksiyalarini bajarishda moliyaviy manba sifatida davlat byudjetiga tayanadi.

Davlat byudeti mamlakat moliya tizimining markaziy unsuri bo’lib makroiqtisodiy barqarorlikni ta’minlashda muhim rol o’ynaydi.

Davlat byudjeti moliyaviy balans sifatida ikki qismdan iborat bo’lib, bu qismlarni sodda qilib daromadlar va xarajatlar deb atash mumkin.

Davlat byudjeti daromadlari soliq va soliq bo’lmagan tushumlar hisobiga shakllansada, makroiqtisodiy tahlilda u soliqlar hisobigagina shakllanadi deb qaraladi.

Davlat byudjeti xarajatlari tarkibida iqtisodiyotga xarajatlar, markazlashgang investitsiyalarni moliyalashtirish, ijtimoiy himoya, ijtimoiy soha, davlat boshqaruv va sud idoralarini moliyalashtirish moddalari mavjud.

Davlat byudjet xarajatlarini (davlat xarajatlari va transfert to’lovlari) ko’paytirish yoki qisqartirish orqali mamlakat iqtisodiyotiga aralashadi. Davlat tomonidan tartibga solishning bevosita usullari yoki byudjet siyosati tovar va xizmatlarning davlat xaridi, YAIMni taqsimlash va qayta taqsimlash, ijtimoiy dasturlarni ishlab chiqish va amalga oshirish, davlat byudjetining daromadlar va xarajatlar qismidagi mutanosiblikni ta’minlash, ishlab chiqaruvchilarga moliyaviy yordam shakllarini ko’rsatish, baholar ustidan nazorat o’rnatish, eksport va import qilinadigan tovarlarga kvotalar o’rnatish va shuningdek, mamlakat aholisini himoya qilish maqsadida olib borilayotgan chora-tadbirlar majmuasidan iborat.

Davlat tomonidan ko’rsatiladigan moliyaviy yordamlar dotatsiya, subvensiya va subsidiya shakllarida olib boriladi.

Subsidiyalar – bu, pul yoki natura ko’rinishidagi yordam turi bo’lib, byudjet va byudjetdan tashqari fondlardan ko’rsatiladi. Subsidiyalar bevosita va bilvosita bo’lishi mumkin. Bevosita subsidiyalarga kapital qo’yilmalar, ilmiy tadqiqotlar, kadrlarni qayta tayyorlashga ajratilgan mablag’lar kirsa, bilvosita subsidiyalarga soliq imtiyozlari, imtiyozli shartlarda kreditlar berish, pasaytirilgan bojxona bojlari va boshqalar kiradi.

Bundan tashqari davlat aholini davlat transfertlari ko’rinishida himoya qiladi.

Bozor iqtisodiyoti sharoitida ko’p qirrali soliqlar tizimidan foydalaniladi. Aholi davlat byudjetiga har oyda olgan daromadlariga qarab daromad solig’i to’laydi, korxonalar esa olgan foydasiga qarab foydadan soliq to’laydilar. SHu kabi juda ko’p mavjud soliq turlaridan oqilona va ilmiy asosda foydalanish orqali davlat soliq siyosatini, soliq stavkalari miqdorlarini va imtiyozlari turlarini aniqlaydi va shu bilan butun makroiqtisodiy vaziyatga ta’sir ko’rsatadi. Soliqlarni o’zgartirish orqali investitsiyalar va jamg’armalar rag’batlantiriladi.

Davlat byudjeti mablag’lari hukumatning daromadlarni va resurslarni qayta taqsimlash funnksiyasin bajarishi uchun imkoniyat yaratadi.

Ҳудудларни комплекс ва мутаносиб ҳолда ижтимоий-иқтисодий жиҳатдан ривожлантирилиши, хорижий инвестицияларни фаол жалб этилиши, кичик бизнес ва хусусий тадбиркорлик ривожланишини рағбатлантирилиши 2016 йилда Давлат бюджети даромадлар қисми прогнозини 101,3%га бажариш имконини берди.

Солиқ юкини камайтириш ва солиққа тортиш тизимини соддалаштириш, солиқ маъмурчилигини такомиллаштириш бўйича чора-тадбирларнинг да­вом эттирилиши ва иқтисодиётдаги ижобий таркибий силжишлар натижасида иқтисодиётдаги солиқ юки ЯИМга нисбатан 2015 йилдаги 21,3%дан 20,6%га пасайди.

Давлат бюджети даромадлар қисмининг ижроси 2016 йилда қуйидагича тузилишга эга булди:

• 
  Давлат бюджети даромадлар қисмида тўғри солиқлар улуши 2015 йилдаги 24,1%дан 24,0%гача ёки ЯИМга нисбатан мос равишда 5,1%дан 4,8%гача камайди;
  
•