2-labaratoriya ishi

2-labaratoriya ishi .
FIZIK HODISALAR
1.Parafin (sham)ni suyuqlantirish.
Ro`zg`orda ishlatiladigan shamdan 2 sm qirqib oling. Sham bo`lakchasini chinni kosachaga solib spirt lampasida qizdiring. Suyuqlangan shamni sovuting. Sodir bo`lgan hodisalarni izohlang.
2.Osh tuzini suvda eritish va eritmani bug`lantirish.
Osh tuzidan bir choy qoshiqda oling va uni stakandagi ozroq miqdoridagi suvda erishini kuzating. Hosil bo`lgan eritmadan chinni kosachaga quyib spirt lampasida aralashtirib turib qizdiring. Kosachada tuz kristallari hosil bo`lishi bilan qizdirishni to`xtating. Sodir bo`lgan hodisalarni tushuntiring.
3.Etil spirit, sirka kislotaning (suyultirilgan eritmasining), efirning bug`ni hidlash yo`li bilan farqlash.
Bu moddalarning probirkalardagi namunalari bug`ni hidlab ko`ring va farqlang. (Noma’lum moddalarini hidlash qoidalariga qat’iy amal qiling!)
3-labaratoriya ishi.
KIMYOVIY HODISALAR
1.Qog`oz, spirt, gaz, gugurt cho`pining yonishi.
Gugurtcho`pini yoqing va uning yordamida qog`oz bo`lakchasini, spirt lampasi piligini, gaz gorelkasini o`t oldiring. Alangani kuzating. Qanday hodisa yuz berganini izohlang.
2.Mis plastinkasi yoki tolasini spirt lampasi alangasida qizdirish.
MIs plastinkasi yoki tolasining tashqi ko`rinishiga e’tibor bering. Plastinkani (tola) qisqich bilan ushlab spirt lampasi alangasida qizdiring.hosil bol`gan qora dog`larni qog`oz ustiga qirib oling.yana qizdiring va qora dog`larni qirb oling. Bu jarayonni bir necha marta takrorlang. Mis bilan hosil bo`lgan qora rangli moddani taqqoslang. Sodir bo`lgan hodisani tushuntirib bering.
3.xlorid kislotaning bo`r, marmar, ohaktoshga ta’siri.
Bo`r, marmar yoki ohaktoshning no`xatdek donalaridan 2-3 bo`lak olib, probirkaga soling v abo`lakchalarni ko`Madigan qilib xlorid kislota eritmasidan quying (53-rasm). Probirkadagi suyuqlikka tegmaydigan qilib, yonib turgan cho`p tushiring. Sodir bo`lgan hodisalarni izohlang.
4-labaratoriya ishi.
ODDIY VA MURAKKAB MODDALAR
1.Minerallar, tog` jinslari, metalar va metallmaslar namunalari bilan tanishish.
Berilgan maxsus to`plamdan yorliqlar yopishtirilgan idishlar ichidagi minerallar, tog` jinslari, metal bo`lakchalari, metallmas namunalari bilan diqqat bilan tarnishing. Ularning tashqi ko`rinishi, rangiga e’tibor bering.
Ularni oddiy va murakkab moddalar guruhlarga ajrating.
2.Oddiy moddalarni metal va metallmaslarga ajratish.
Oddiy moddalar guruhiga o`tkazgan idishlaringizdagi moddalarni metal va metallmaslarga ajrating. Ularni qaysi xossasi asosida ajratib olganingizni tushuntiring.