2. Kar’eraga menejer aurasi va avtoritetining ta’siri. A. Maslouning ehtiyojlar ierarxiyasi va kar’era masalalari. Kar’erani amalga oshirish shartlari

Kuchsiz ta’sirga ega bo’lgan rahbarlar:

• 
  o’zini baholay olmaydigandek his etadi;
  
• 
  ta’sir etish jarayoni bo’yicha taassurotga ega bo’lmaydi;
  
• 
  uning atrofdagilarga ta’siri juda kam;
  
• 
  sharoitga qarab kiyinishni bilmaydi;
  
• 
  tashqi ko’rinishi ishonchli bo’lmaydi;
  
• 
  o’z fikrini ravon ifoda eta olmaydi;
  
• 
  o’ziga ishonchsizlikni his etadi;
  
• 
  boshqalar bilan yaxshi shaxsiy munosabatda bo’lmaydi;
  
• 
  atrofdagilarni rag’batlantirish qobiliyati bo’lmaydi;
  
• 
  talab qilingan axloqni rag’batlantirishni bilmaydi;
  
• 
  o’zi to’g’risida salbiy tushunchaga ega bo’ladi;
  
• 
  aniq bo’lmagan ko’rsatmalar beradi;
  
• 
  guruhga ta’sir etish strategiyasi bo’lmaydi;
  
• 
  sabr-toqatning yetishmasligini his etadi;
  
• 
  boshqalarga ta’sir etish qobiliyati bo’lmaydi.
  

Rahbarlarga xos bo’lgan va bo’lmagan turli psixologik xususiyatlarni tahlillaridan kelib chiqib muloxaza qiladigan bo’lsak, boshqaruvchilar tomonidan o’z oldiga qo’yilgan aniq maqsadni belgilash, boshqaruvchilik faoliyatidan qoniqish muvozanatiga erishishida qiyinchiliklarga yuzma-yuz kelayotgan rahbarlar uchun muhimdir. Bu o’rinda mag’lubiyatdan qochish motivatsiyasi ham rahbarning faoliyatdagi harakatlanish sabablari, tabiatini tushunishda ancha oydinlik kiritadi.
Ayrim ta’lim muassasasi rahbarlari boshqalarga ta’sir etish mahoratini rivojlantira borib qudratli vositalar majmuiga ega bo’lishadi va ulardan insoniy munosabatlarda foydalanishadi. Bu tajribalar shaxsiy qadr-qimmatni tan olishga yordam beradi va uning samaradorligini oshiradi. Olingan natijalar (ham nazariy, ham amaliyot)ga asoslanib, o’z mahoratini o’stira borib yuqori ta’sir etish qobiliyatiga ega bo’lgan rahbarlar xususiyatlarini quyidagicha tavsiflash mumkin (7.2-jadval). Ijodkor va ijodkorlik yetishmagan rahbarlarning ish mahsuldorligi.