2. Ijtimoiy-iqtisodiy karta eskizini tuzish

Ijtimoiy-iqtisodiy mavzuda tuzilgan karta va atlaslar bilan tanishish
hamda ularni asosiy mazmunini kartografik tasvirlash usullari nuqtai nazaridan o‘rganish
Ishning maqsadi. Ijtimoiy-iqtisodiy mavzuda nashr qilingan karta va atlaslar bilan tanishib chiqish va ularning asosiy mazmunini kartografik tasvirlash usullari nuqtai nazaridan mukammal o‘rganish hamda ularni qisqacha bayon etishdan iborat.
Bu ishni bajarish natijasida talaba ijtimoiy-iqtisodiy mavzusidagi kartalarni tuzishda qo‘llanilgan har bir kartografik tasvirlash usulining mohiyati, afzallik kamchiliklarni aniqlash yuzasidan amaliy tajriba xosil qilish hamda nima uchun aynan shu usul qo‘llanilganligini (kartaning maqsadi va masshtabini hisobga olgan xolda) to‘g‘ri baholay oladigan bo‘lishi kerak.
Bu ishni bajarish uchun alohida nashr etilgan yoki kompleks geografik va tematik atlaslarda berilgan ijtimoiy- mavzudagi kartalardan, hamda shu mavzudagi kartalarni darsliklarga ilova qilib berilgan namunalaridan foydalaniladi.
Ishni bajarish tartibi. 1. Buning uchun dastlab ijtimoiy-iqtisodiy mavzuda tuzilgan kartalardan birortasi olinadi va o‘rganib chiqiladi. Bunda avval ushbu kartada xodisa va obyektlarning kartografik tasvirlash usuliga alohida ahamiyat berish lozim bo‘ladi.
2. Kartani o‘rganish nomidan, masshtabidan, kartografik proyeksiyasidan va asosiysi legendasidan boshlash kerak.
3. Kartani asosiy mazmunini o‘rganishda, avval mazkur kartada qanday obyektlar tasvirlanganligini sanab chiqiladi. So‘ngra har bir obyektining o‘ziga xos xususiyat,ayniqsa miqdor ko‘rsatikichlari va ularni ko‘rsatishda foydalanilgan kartografik tasvirlash usuli alohida-alohida ko‘rib chiqiladi. Obyektlarni tasvirlashda qo‘llanilgan usulda ta’rif berganda bu usulning mohiyati, afzallik va kamchiliklari ko‘rsatilishi shart.
4. Kartani alohida elementlari bo‘yicha o‘rganib chiqilgandan so‘ng uni kompleks o‘rganishda o‘tish kerak. Bunda kartaning geografik asosi ushbu kartaning asosiy mazmunini tashkil etgan elementlarning o‘zaro uyg‘unligiga e’tibor berish kerak.
5. Kartaning asosiy mazmunini va uni kartografik tasvirlash usulini mukammal o‘rganish asosida kartani to‘liq bayoni tuziladi. Bayonda har bir usulga misollar keltirish lozim.
Bayonga shu kartaning legendasi (shartli belgilar) chizilib ilova qilinadi.