2 Халқаро илмий-амалий конференция материаллари. Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларни малакасини ошириш институти, 2020 йил, 424 бет

- тўртинчидан,
бошқарув тизимнинг бир сифат ҳолатидан бошқа юқорироқ сифат ҳолатига 
ўтиш зарурати билан характерланади. Илмий адабиётларда бошқарувнинг таълимни бошқаришга хос 
бўлган умумий белгилари ажратилган: 
1. Бошқарув–бу исталган муассасадаги одамлар ишини мақсадга йўналганлиги ва 
уюшқоқлигини таъминлайдиган субъектларнинг фаолиятидир. 
2. Исталган ижтимоий ташкилотни бошқариш шу ташкилотнинг яратилиши, оёққа туриши, 
фаолияти ва ривожланишига йўналтирилган бўлиши мумкин. 
3. Бошқариш тўртта бошқарув ҳаракатлари ёрдамида амалга оширилади: режалаштириш, 
ташкиллаштириш, раҳбарлик қилиш ва назорат. 
4. Агар у мақсадга йўналтирилганлик, тизимлилик, прогностиклик, даврийлик хусусиятларига 
эга бўлса, исталган соҳадаги Бошқариш самара бериши мумкин. 
5. Бошқарув қуйидаги талабларга жавоб берса, у исталган фаолият соҳасида самарали бўлиши 
мумкин: 
а) бошқарув механизми объектнинг мураккаблигига ва субъект имкониятларига мос келса; 
б) етарли заҳира (вақт, бошқарувдаги ечимлар ва б.) мавжуд бўлса; 
в) мезонлар тўғри танланган бўлса; 
г) яхши ривожланган тескари алоқа тизими мавжуд бўлса; 
д) инсон омили ҳисобга олинган бўлса ва бошқалар. 
Мирзиёев Ш.М. Танқидий таҳлил, қатъий тартиб-интизом ва шахсий жавобгарлик – ҳар бир раҳбар 
фаолиятининг кундалик қоидаси бўлиши керак. –Т.: Ўзбекистон, 2017. – 102 б. 

---

222 
6. Исталган ижтимоий ташкилотни бошқариш бошқарув функциялари, ташкилий тузилмалари 
ва ташкилий механизмлари орқали тўла лойиҳалаштирилиши, тасвирланиши, таърифланиши ва 
амалга оширилиши мумкин. 
Бутун дунё таълим муассасаларида“шахс”, “давлат”ва “жамият” талабларига жавоб берувчи 
ўзининг таълим сифати тизими яратилмоқда. 
Мактабгача таълим муассасалари ўқув фаолиятининг сифати ўқув жараёнини режалаштириш, уни 
амалга ошириш, ўқув режа, дастурларининг мазмун моҳияти билан эмас, балки болаларнинг олган 
билимлари, малака ва кўникмалари, мустақил равишда олган билимлари билан боғлиқ таълим 
натижаси сифати билан белгиланмоқда. Шундай экан, бугунги кунда комил инсон тарбиясида “шахс 
манфаатлари ва таълим устуворлиги” муҳим аҳамият касб этади.