2. Dasturlarni o‘zgartirishlardan himoyalash va butunlikning nazorati

Yolg‘on marshrutni kiritish. Ma’lumki, zamonaviy global tarmoqlari bir-biri bilan tarmoq uzellari yordamida ulangan tarmoq segmentlarining majmuidir. Bunda marshrut deganda ma’lumotlarni manbadan qabul qiluvchiga uzatishga xizmat qiluvchi tarmoq uzellarining ketmaketligi tushuniladi. Marshrutlar xususidagi axborotni almashishni unifikasiyalash uchun marshrutlarni boshqaruvchi maxsus protokollar mavjud. Internetdagi bunday protokollarga yangi marshrutlar xususida xabarlar almashish protokoli ICMP (Internet Control Message Protocol) va marshrutizatorlarni masofadan boshqarish protokoli SNMP (Simple Network Manegment Protocol) misol bo‘laoladi. Marshrutni o‘zgartirish xujum qiluvchi yolgon xostni kiritishdan bo‘lak narsa emas. Xatto oxirgi obьekt xaqiqiy bo‘lsa, xam marshrutni axborot baribir yolgon xostdan o‘tadigan qilib qurish mumkin.

Marshrutni o‘zgartirish uchun xujum qiluvchi tarmoqqa tarmoqni boshqaruvchi qurilmalar (masalan, marshrutizatorlar) nomidan berilgan tarmoqni boshqaruvchi protokollar orqali aniqlangan maxsus xizmatchi xabarlarni jo‘natishi lozim. Marshrutni muvaffaqiyatli o‘zgartirish natijasida xujum qiluvchi taqsimlangan tarmoqdagi ikkita obьekt almashadigan axborot oqimidan to‘la nazoratga ega bo‘ladi, so‘ngra axborotni ushlab qolishi, taxlillashi, modifikasiyalashi yoki oddiygina yo‘qotishi mumkin. Boshqacha aytganda taxdidlarning barcha turlarini amalga oshirish imkoniyati tugiladi.