2-chorak yakuni

2-chorak yakuni

2021-2022-o‘quv yili 2-chorak 10 noyabrdan boshlandi. 18-noyabr O‘zbekiston Respublikasi Davlat Bayrog‘i qabul qilingan kun munosabati bilan “Bayrog‘imiz–iftixorimiz” mavzusida barcha sinflar o‘z tadbirlarini namoyish etdilar.
2021-2022-o‘quv yili 1-dekabr kuni tarix-huquq fani oyligini ochilish marosimi bo‘lib o‘tdi. Maktab o‘quvchilari o‘rtasida “O‘quvchi huquqingni angla” chellenji o‘tkazilib, tarix va huquq fanlaridan test va yozma ishlar olindi. 7-dekabr kuni O‘zbekiston Respublikasining Konstitutsiyasiga bag’ishlab tadbir o‘tkazildi. 1-11-sinflarda tarbiya fani mavzusida birinchi sinf soati hisobidan ochiq dars mashg’ulotlari tashkillandi. 1–4-sinflar o‘rtasida “Konstitutsiya–baxtimiz poydevori” mavzusida diktant, “Konstitutsiya yosh rassomlar nigohida” rasmlar ko‘rik tanlovini o‘tkazildi. 8–11-sinflar o‘rtasida “Huquq bilimdonlari” ko‘rik tanlovi o‘tkazildi. 7–9-sinflar o‘rtasida “Mahallam tarixi” mavzusida rasm va insholar ko‘rik tanlovi o‘tkazildi. O‘zbekiston Respublikasining madhiyasi qabul qilingan kun munosib nishonlandi. Unda barcha sinflar ma’naviyat soatlarida “Mening madhiyam - iftixorim” mavzusida sinf soatlari o‘tkazildi. Tarix fani o‘qituvchisi Jo‘rayeva Shohistaning 28-noyabr kuni 8-“A” sinfida tarix fanidan “Buxoro xonligida harbiy ish” mavzusida ochiq namunaviy dars mashg‘uloti o‘tdi. Tarix fani o‘qituvchisi O‘rinboyev Jo‘rabekning 22-dekabr kuni 7-“A” sinfida tarix fanidan “Angliyada markazlashgan davlatning tashkil topishi” mavzusida ochiq namunaviy dars mashg’uloti o‘tdi. Kimyo fani o’qituvchisi X.Akayeva 9-B sinfda “Metallarning tabiatda tarqalishi, olinishi va ishlatilishi” mavzusida, geografiya fani o’qituvchisi N.Xayitova 6-A sinfda “Avstraliya” mavzusida ochiq darslar tashkillashdi. O’tkazilgan ochiq darslar noan’anaviy usulda texnika vositalaridan unumli foydalangan holda namunali tashkillandi. Fan oyligi yakunida fanlar bo‘yicha festival tashkillanib eng yaxshi ko‘rsatkich sohiblari rag’batlantirildi.
2-chorakda o‘tkazilgan tadbirlar o‘quvchilar ongiga Vatan tuyg‘usi, vatanparvarlik, o‘z ona yurtiga muhabbat va sadoqat kabi g‘oyalar singdirildi. Tadbirlarda o‘quvchilar o‘rtasida turli yot g‘oyalarni singdirishga harakat qilayotgan kimsalar haqida tushunchalar berib borildi va videolavhalar namoyish etildi. Yangi yil yaqinlashishi munosabati bilan barcha sinflarda bayramga tayyorgarlik ishlari boshlab yuborildi.
2022-yilda 3-chorakda maktabimizda ta'lim-tarbiya tizimini yanada takomillashtirish yuzasidan amalga oshirilishi rejalashtirilgan ustuvor vazifalar quyidagilardan iborat.
Yangi 2022 yilda maktabimizda faoliyat olib borayotgan o‘qituvchilar salohiyatini yanada oshirish. Jumladan oliy va birinchi toifali o‘qituvchilar sonini 6 nafardan 8 nafargacha oshirish, o‘rta maxsus ma’lumotli o‘qituvchilar o‘rnini tajribali o‘qituvchilar bilan to‘ldirish.
O‘quvchilar bilim samaradorligini davlat ta’lim standartlarida belgilangan talablar darajasiga ko‘tarish. Davlatimiz rahbari belgilab bergan beshta ustuvor yo‘nalishda o‘quvchilarimiz erishgan yutuqlarini ko‘paytirish. Maktabda tashkil etilgan fan va sport to‘garaklari faoliyatini yanada yaxshilash.
Maktab kutubxonasini kompyuter bilan jixozlash.
Fizika, kimyo, boilogiya laboratoriya xonalarini yaxshilash, laboratoriya jihozlaridan unumli foydalanish.
Fan olimpiadalarida viloyat va respublika bosqichlarida maktabimiz o‘quvchilari ishtirokinni ta’minlash.
Maktab moddiy texnika bazasini asrab avaylash va yangi o‘quv-moddiy texnika bazalarini yanada boyitish.
Voyaga yetmaganlar o‘rtasida huquqbuzarlik va jinoyatchilikni oldini olish bo‘yicha tuman profilaktika inspektorlari bilan uchrashuvlar va tadbirlar tashkil etish. O‘zbekiston Respublikasi Prezidenti Shavkat Mirziyoyev kelgusi besh yilga mo‘ljallangan taraqqiyotining 7 yo‘nalishini bo‘yicha chora-tadbirlar ishlab chiqish.