2-bosqich 20. 67-guruh talabasi Akbarova Dilbarxonning “Biologik kimyo va Molekular biologiya ” fanidan mustaqil ishi

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
Farg’ona davlat universiteti Tabiiy fanlar fakulteti
2-bosqich 20.67-guruh talabasi
Akbarova Dilbarxonning
“Biologik kimyo va Molekular biologiya ” fanidan
MUSTAQIL ISHI
 

Mikroskop tuzilishini o’rganish

• Mikroskopda mexanik va optik qismlari mavjud. Mexanik qismga tayanch qismi, tubus ushlagich kiradi. Tubus ushlagich bosh qismida revolver orqali obyektivga o’rnashgan. Buyum stoli, kondensor kronshteyni, ko’zgu ham tubus ushlagichga o’rnatilgan. Buyum stolida vintlar bo’lib, ular stolni gorizontal harakatini ta’minlaydi. Stol o’z o’qi atrofida ham aylanadi. Kuzatilayotgan obyekt makrovint yordamida topib olinsa, obyektni aniqroq ko’rish uchun mikrovint ishlatiladi. Mikrovint juda nozik ishlangan mexanizmdir, shuning uchun uni ishlatilganda ehtiyot bo’lish kerak. Makrovint va mikrovintlar obyektni vertikal harakatga keltiruvchi qismlardir. Mikrovintning bir marta aylanishi obyektivni ushlab turuvchi tubusni 0,1 mm ga qo’zg’atadi. Tubusni quyiga qarab harakat qildirish uchun vintlarni soat strelkasi yo’nalishida aylantiriladi.

• Mikroskopning optik qismiga yoritgich, obyektiv va okulyar kiradi. Yorituvchi tizimga oynacha, kondensor kiradi. Oynacha tekis va qavariq qaytaruvchi yuzalarga ega. Uning tekis tomoniga yorug’lik manbaidan nur dastasi tushadi. Qavariq tomoni juda ham kattalashtirish shart bo’lmagan hollarda ishlatiladi va bu vaqtda kondensorga ehtiyoj sezilmaydi.
• Kondensor maxsus linzalardan tuzilgan bo’lib, oynachadan kelayotgan parallel nurlarni dastalab, obyekt tekisligiga yuboradi. Kondensor kronshteynga qotirilgan bo’lib, dasta yordamida vertikal harakatga keltiriladi. Kondensor yuqoriga ko’tarilsa tubusga tushadigan yorug’lik nurining kuchi ortadi va aksincha. Kondensor yoritish jadalligini o’zgartiruvchi iris diafragmaga ham ega.
• Mikroskopning eng asosiy optik qismi bo’lgan obyektiv va okulyar kuzatuvchi tizimni tashkil etadi. Obyektiv metall qobiqda o’rnatilgan linzalar sistemasidan iborat. Obyektivning qobig’ida yozilgan raqamlar uning necha marotaba kattalashtirib ko’rsatishga mo’ljallanganligini bildiradi.
• Okulyarlar ikki linzadan tashkil topgan: yuqori va pastki linzadan iborat. U obyektivdan kelayotgan ta’svirni kattalashtirish vazifasini bajaradi. «Biolam» seriyasidagi mikroskoplarda 7x, 10 x, 15 x marotaba kattalashtiruvchi okulyarlar mavjud. Mikroskopning umumiy kattalashtirish darajasi obyektiv va okulyarning qobiqlarida yozilgan raqamlar ko’paytmasiga teng. Masalan, 8x obyektiv va 10x okulyar ishlatilganda, kattalashtirish nq8x10q80 ga teng bo’ladi.

• 1-tayanch qism, 2-mikrometnik fokuslash mexanizmi joylashgan quti; 3- mikrogeometrik vint; 4-buyum stoli; 5,6-buyum stolini siljitish uchun vint;
• 7-tubus ushlagich; 8-makrometrik vint; 9-revolver bosh qismi; 10-monokulyar nasatka; 11-nasatkani qotirish uchun vint; 12-revolver obyektivlari bilan; 13-revolverni tubus o’qiga nisbatan fiksatsiya qilish vinti; 14-15-kondensor kronshteyni va dastasi; 16-iris diafragmali kondensor; 17-kondensorni qotirish uchun vint; 18-qo’shimcha linza; 19-oyna.