2-amaliy mashg’ulot Mavzu

2-amaliy mashg’ulot

Mavzu: Ajralish ketishning statistik xarakteriga doir masalalar yechish. Tahliliy chatishtirish va chala dominantlik

Maqsad: Mono va diduragay chatishtirishdagi belgilarning fenotipik ajralishiga ko‘ra xi-kvadratni aniqlashning statistik usuli bilan tanishish.

Kerakli jihozlar: Kompyuter prosessori, ekran, mono va diduragay chatishtirishdan hosil bo‘lgan fenotipik nisbatni asoslovchi, statistik tahlil qilingan jadvallarning ma`lumoti.

Ishning bajaralish tartibi: Talabalar 3-amaliy mashg`ulot ko‘rsatmasidagi statistik tahiliga oid jadvallarning tartibi bilan tanishib chiqadilar va berilgan masalalarni bajaradilar.

Mono va diduragay chatishtirishning xi-kvadrat aniqlanishining statistik tahlili quyidagicha:1). G‘o‘za o‘simligida tolaning qo‘ng‘ir rangda bo‘lishi oq rangi ustidan to‘liqsiz dominantlik qiladi. Qo‘ng‘ir tolali g‘o‘za o‘simliklari oq tolali o‘simliklar bilan chatishtirilganda, F₁ da olingan o‘simliklarning hammasi novvot rang tolali bo‘lgan. F₁ o‘simliklari o‘zaro chatishtirilib, ikkinchi avlodda (F₂) 246 ta qo‘ng‘ir tolali, 468 ta novvot rang tolali va 232 ta oq tolali o‘simliklar olingan. CHatishtirish uchun olingan o‘simliklarning genotipini, χ² ( xi-kvadrat) ni aniqlang.