2- mavzu: Inson boshining ikki-uch tomondan ko’ rinishlarini qalamchizgilari. Mazmuni

2- Mavzu: Inson boshining ikki-uch tomondan ko’ rinishlarini qalamchizgilari.

Mazmuni: Portretning xarakterli xususiyatlarini ochib berish, To‘g‘ri joylashtirish. Nisbatlarni to‘g‘ri topish. Portret tasvirlashda konstruktiv -anatomik tuzilishini aniqlashni o’rgatish. Soya-yorug‘larni ajratish. Materiallikni toppish. Portret tasvirlashda dinamik xolatini aniqlashni o’rgatish. Ishni detallarga ajratish Ishni yakunlash.

Portret chizishning birinchi bosqichi muhim ahamiyat kasb etadi. Portretning mazmunli chiqishi shu bosqichni to'g'ri baja-rishga bog'liq. Chunki bu bosqich rasmning asosi hisoblanadi. (1-bosqich)

Bajarish bosqichining qonuniyatlariga tayanib boshning umumiy shakli qog'oz yuzasiga chiziladi. Bu yerda boshning ol-dingi va pastki tomonlaridan boshqa tomonlariga nisbatan ko'proq joy qoldiriladi. Undan chiziq yordamida boshning burilish yo'na-lishini belgilab, uning tik o'rtangi chizig'i o'tkaziladi, bu chiziq ensa, qosh oralig'ining, burun uchi va engak ko'tarmasining tayanch nuqtalaridan aylana tarzdagi chiziqni hosil qiladi. Tayanch nuqtalaridan ko'z o'qlariga parallel yordamchi chiziqlar yuritilib boshning asosiy nisbatlari belgilanadi. Taqqoslash uchun nisbat o'lchamiga burunning uzunligi olinadi. Bu yerda ko'zning o'qlari boshning ham gorizontal o'qi bo'lib hisoblanadi. Shu chiziq uzunligidan ko'zlarning chetki nuqtalari, quloqning eshitish teshigi tashqi shakli belgilab olinadi.