2- ma’ruza: turizmda transport vositalarining infratuzilmasi reja

Lokomotiv xo‘jaligi. DATK Lokomotiv xo‘jaligi tarkibiga 9 teplovoz va 1 ta elektrovoz deposi kiradi. Kompaniyaning lokomotiv deposi teplovoz va elektrovozlarning barcha turdagi depo ta’mirlashlarni amalga oshiradi. 1999-yilda Toshkent teplovoz ta’mirlash zavodi – TRZ o‘zining tashkil etilganini 100 yilligini tantanali nishonladi.

Keyingi yillarda «O‘ztemiryo‘ltamirlash» ishlab chiqarish birlashmasi ikki zavodida lokomotivlar, yo‘lovchi va yuk vagonlari uchun asosiy ehtiyot qismlarni ishlab chiqarish yo‘lga quyildi. Birlashma harakatdagi sostavni ta’mirlash va ishlab chiqarish bo‘yicha O‘rta Osiyo va Qozog‘istonda yagona hisoblanadi.

«O‘ztemiryo‘ltamirlash» ishlab chiqarish birlashmasida import o‘rnini bosuvchi va eksportbob qismlar ishlab chiqarish hajmini ko‘paytirish maqsadida Yaponiya banki krediti hisobiga elektrovoz ta’mirlash zavodi qurish rejalashtirmokda. Loyihada har yili 54 elektrovoz seksiyasini va 36 elektrovoz poyezd seksiyasini va 10 elektropoyezd harid qilish ko‘zda tutilgan.