2 – Amaliy topshiriq. Multimediali proektorlarni kompyuterga ulash va sozlash

Bozor tuzilishi.
Butun dunyoda LCD – proektorlaridan foydalanish shu tartibda: 60% dan ko’prog’i – konferentsiyalar uchun (taqdimot, seminarlar, lektsiya va shu kabilar), taxminan 30% foizi – mobil ofislar uchun (kompaniya kichik ofislarda taqdimot uskunasi sifatida) va taxminan 8% foizi uy kinoteatrlari sistemalarida foydlalaniladi. Qay bir darajada bu odat bizda ham saqlanmoqda. LCD – proektorlarining eng ko’p qo’llanilishi taqdimotlar. Seminar va shu kabilar o’tkazishda kuzatilmoqda. O’zbekistonning ko’pchilik o’quv yurtlarida videoproektorlar mavjud (balki etarli darajada emasdir), videoproektorlar ko’pchilik vazirliklar va boshqarmalarda ham bor. Lekin baribir proektorlarning qimmatligi sababli O’zbekistonda proektorlar bozori soni bilan ham va turlari bilan ham juda ozdir.
Bizning bozorimizda Hitachi va Sanyo firmalarining LCD – proektorlari ko’proq uchraydi. Tasvir zichligi kichikroq bo’lgan SVGA va 1000 – 1200 ANSI – lyumen yorqinlikka ega modellarga talab ko’proq. Yorugligi 2500 – 3000 ANSI – lyumen va tasvir zichligi XGA yoki UXGA bo’lganlari juda kam sotib olinadi, hammasi bo’lib 5% foizlar, chamasi.
Narxlar haqida.
SVGA zichligi va 1000 – 1200 ANSI – lyumen yorqinlikka ega LCD – proektorlarining boshlangich narxi 2000 $ dan biroz ko’proqni tashkil etadi. To’g’ri sotuvda zichligi VGA va yorqinligi 100 ANSI – lyumendan sal ko’proq bo’lgan LCD – proektorlari ham uchraydi (masalan, Sharpfirmasining proektorlari) va ularning narxi 1000 $ dan past. Аlbatta tushunarli, narxi ham muhim hisoblanadi, nomi tanilmagan firmaning yoki mashxur firmalarning eskirgan modellari hech bir yaxshirok tasvirni yaratib bera olmaydi. Testlar ko’rsatishicha, ba`zi bir nomi mashxur bo’lmagan ishlab chiqaruvchilarning yorug’lik oqimi ikki marotaba va undan ham oshirib ko’rsatilishini isbot qilib berdi.
Shunday qilib aytaylik 1000 ANSI – lyumen proektorni siz harid qilar ekansiz haqiqatda siz ikki barobar kam yorqinlikka ega proektor sotib olasiz. Haqiqiy kontrastligi, nurlarni birlashtirishi, tasvir bir tekisdaligi bo’yicha ham xuddi shunday. Yana bir muhim ko’rsatkich ham bor – bu lampali blokining xizmat, ishlash muddati hisoblanadi. Shu narsa ma`lumki, proektorlarda oddiy lampalar emas, maxsus lampalar (shu bilan birga ma`lum turdagi proektorlar uchun o’zining modeli) qo’laniladi. Shunday qilib ishlab chiqaruvchisi nomi noma`lum arzon proektorlarda ishlash muddati 500 soatdan oshmaydigan lampalar qo’llanilgan bo’ladi (haqiqatda esa undan ham kam), lampali blok esa 200 $ dan kam turmaydi. Masalan, Hitachi proektorlarida qo’llaniladigan lampalarning ishlash muddati 2000 soatni tashkil etadi (haqiqatda esa undan ham ko’proq) va yorqinligi 50 % foizni yo’qotmaydi (agarda xatto proektorni kuniga 8 soat ishlatsa ham, bu 250 ish kunini tashkil etadi).
Аytish kerakki Hitachi proektorlariga ikki yillik kafolat beriladi, boshqa ishlab chiqaruvchilar esa – faqatgina bir yil. Endi uylab ko’ring, noma`lum modelli, noma`lum ishlab chiqaruvchining lampasi kuyib qolsa (yoki prektor chet davlatdan olib kelingan bo’lsa) siz pulingizni yo’qotish bilan birga yana bunday topilmas lampani sizga hech kim olib kelib bermaydi ham. Birok aytish mumkinki, umuman LCD – proektorlari – uni to’g’ri ishlatgan taqdirda juda ishonchli va kamchiliksiz qurilma hisoblanadi.