2 – amaliy mashg’ulot mavzusi: Tana harorati, puls, qon bosim, nafas olish Reja

Endokrin tizimi kasalliklari
Gormonlar tana haroratini boshqarishda muhim rol o‘ynaydi. Ayniqsa tireoid gormonlar – qalqonsimon bezdan ishlab chiqariladigan – tiroksin va triyodtironin. Ularning ko‘p ishlab chiqarilishidan tana harorati ko‘tariladi, gipotireoz holatlari esa aksincha tana harorati pasayishiga olib keladi.
Tana haroratining doimiy tushib borishi buyrak usti bezlari funksiyasining buzilishlarida ham kuzatiladi (Addison kasalligi).
Qonda gemoglobin miqdorining kamligi
Tana haroratining pasayishiga eng ko‘p tarqalgan sabablardan biri – temir tanqisligi anemiyasidir. Bunda organiz qonida gemoglobin miqdori kamayadi va bu butun organizm ishlash jarayoniga ta’sir ko‘rsatadi. Gemoglobin – hujayralarga kislorod tashib berish vazifasini bajaradi, agar uning miqdori kam bo‘lsa a’zolarda gipoksiya holati boshlanadi. Inson lohas, charchagan ko‘rinishda bo‘lib, organizmda moddalar almashinuvi sekinlashadi. Buning natijasida esa tana harorati pasayadi. Bundan tashqari gemoglobin miqdori inson ko‘p miqdorda qon yo‘qotganda ham kelib chiqishi mumkin. qisqa muddat ichida umumiy aylanuvchi qon hajmi kamayganda, o‘z o‘zidan harorat almashinuvi ham buziladi.