1."O'zbekiston tarixi" jurnali " O'zbekiston arxialogiyasi" jurnali "Meros" ilmiy jurnali

" Tarix " va " Ijtimoiy fanlar " rukunlari mavjud bo'lgan respublika ilmiy jurnallar


Reja
1."O'zbekiston tarixi" jurnali
2." O'zbekiston arxialogiyasi" jurnali
3. "Meros" ilmiy jurnali
4. O'zFan qoshidagi ilmiy jurnallar
1. O‘zbekiston tarixi” jurnali O'zbekiston Matbuot va axborot agentligi tomonidan ro'yxatga olingan. Guvohnoma № 0051. Bir yilda 4 marta chop etiladi.
Jurnalning ixtisoslashuvi: ilmiy-amaliy;
Nashrning tili: maqolalar o'zbek, rus va ingliz tillarida chop etiladi;
Hajmi: 5,5 nashr tobog’ida - 100 sahifada.
Tarqatiladigan hududi: Jahon ilmiy markazlari, Markaziy Osiyo Respublikalari, O'zbekiston Respublikasi viloyatlari.
Jurnalda:
- O'zbekiston tarixi bo'yicha tadqiqotlarning eng yangi natijalarini mujassamlashtirgan, jahon tarix fani nazariyasi va metodologiyasiga asoslangan maqolalar chop etiladi.
- tarix va yondosh gumanitar fanlarda erishilgan eng yangi ilmiy natijalar, kashfiyotlar haqida axborot beriladi;
- jahon tarixi va tarixshunosligi fanida kechayotgan jarayonlarni yorituvchi maqolalarni chop etiladi;
- tarixiy ta'lim rivoji masalasiga bag’ishlangan maqolalar chop etiladi;
- tarix fani sohasidagi ilmiy anjumanlar, uchrashuvlar, yangiliklardan ilmiy jamoatchilikni muntazam xabardor qilib boriladi.
Moddiy ta'minoti – Respublikadagi obuna va Tarix instituti mablag’idan amalga oshiriladi.
Bosh muharrir : Alimova Dilorom Agzamovna
Tarix fanlari doktori, professor
O‘zR FA Tarix instituti “Tarix shunoslik va manbashunoslik” bo‘limi mudiri
Ma’lumoti: Toshkent Davlat Universiteti (ToshDU) tarix fakulteti (1971 g.)
Ilmiy darajasi: Tarix fanlari doktori (1991 g.), professor (2002)
Manzil: 100080, O'zbekiston Toshkent, Shahrisabz 5-tor ko'chasi
Telefon: [phone]
E-mail: [e-mail]
Maqolalarni qabul qilish qoidalari
“O’zbekiston tarixi” jurnalining bir yilda 4 ta soni chop etiladi. O’zbekistonning eng qadimgi davridan to bugungacha bo’lgan tarixining eng dolzarb muammolari bo’yicha olib borilayotgan ilmiy tadqiqot natijalari, tarix fanining nazariy­- metodologik masalalariga oid maqolalar, shuningdek, tarixiy manbalar va ularning talqini, ilmiy hayot yangiliklari e’lon qilinadi.
Jurnalda chop etish uchun taqdim qilinayotgan maqola mavzusi dolzarb, ilmiy ahamiyatga ega bo’lishi kerak. Maqoladan ko’zlangan maqsad va chuqur ilmiy tahlil natijasida erishilgan xulosalar aniq, ravshan ifodalanishi lozim. Jurnalga o’zbek tilida taqdim qilinadigan maqolaning o’zbek, ingliz va rustilida; rus tilida taqdim qilingan maqolaning rus, o’zbek va ingliz tillaridagi qisqacha annotatsiyasi (40-45 so’zdan iborat), maqola tilida 15 ta kalit so’zlar bo’lishi kerak.
Qabul qilingan maqolalar tahririyat a’zolari hamda yetakchi mutaxassislarga taqrizga beriladi va tahrirhay’ati ilmiy muhokamasidan so’ng nashrga tavsiya qilinadi.
“Yoshtadqiqotchi minbari” rukniga taqdim qilinayotgan aspirant va yosh tadqiqotchilarning maqolasiga ilmiy rahbarining taqrizi va tavsiyasi zarur.
Maqolaga tarix fanining ma’lum sohasi bo’yicha mutaxassis taqrizi bo’lishi shart.
“O’zbekiston tarixi” jurnalida chop etish uchun taqdim qilinayotgan maqolalar quyidagi talablarga mos kelishi kerak:
maqola hajmi 12-14 sahifadan oshmasligi, 2 nusxada, «Times New Roman» shriftida, sarlavhasi 14 keglda, tekst 14 keglda, 1,5 intervalda bo’lishi, qog’ozning barcha tomonidan 2 sm. dan qoldirilishi kerak. Elektron versiyasi ham taqdim etilishi zarur.
Snoskalar har bir sahifa oxirida ketma-ketlikda quyidagicha: muallif (FIO), maqola nomi, manbasi (kitob, jurnal), nashr joyi, chop etilgan vaqti, sahifasi.
Muallif to’g’risida quyidagi ma’lumotlar ilova qilinadi: familiyasi, ismi, otasining ismi, ish joyi, ilmiy darajasi va unvoni, ish va uy manzili, telefoni.
Maqola qo’lyozmasi qaytarib berilmaydi.

2 «O‘zbekiston arxeologiyasi» jurnali muassisi O‘zbekiston Respublikasi Fanlar akademiyasi YA.G‘ulomov nomidagi Arxeologik tadqiqotlar instituti hisoblanadi. Jurnal 2010 yildan boshlab nashr etilib, 2010 yil 12 dekabrda O‘zbekiston Respublikasi Matbuot Agentligida ro‘yxatga olingan (sertifikat №0077 i №004780-10).

Jurnalning asosiy maqsadi: Birinchi navbatda O‘zbekiston arxeologisi va tarixining turli qirralari bo‘yicha yirik ilmiy tadqiqotlarni nashr etishdan iborat. Nashr tili: O‘zbek, rus va ingliz tillarida nashr etiladi.
Jurnalning maqsad va vazifasi: Ilmiy tadqiqot muassasalari xodimlari, mutaxassislar, yosholimlar, magistrlar, va ijtimoiy soha xodimlarini arxeologiyaga doir yangi ma’lumotlar bilan tanishtirish.
Mutaxassislik. Jurnalda arxeologiya, qadimgi va o‘rta asrlar davri tarixi, madaniyati va san’ati tarixi, antropologiya, O‘zbekiston xalqlarining etnogenezi bo‘yicha masalalar keng muhokama qilinadi.
Jurnalning o‘ziga xos xususiyatlari. Jurnal quyidagi yo‘nalishlar -maqolalar, ilmiy xabarlar, yosh tadqiqotchi minbari, xalqaro hamkorlik, fan tarixi, tanqid va tahlil, axborot, nekrolog bo‘limlaridan iborat.
Shuningdek jurnalda ma’lum bir muammo, davrlar, halqaro anjumanlarga bag‘ishlangan maxsus sonlar ham nashr etiladi.
Moliyalashtirish manbalari. Jurnal institut qoshidagi halqaro ekspeditsiyalar tomonidan moliyalashtiriladi.
Bosh muharrir
Shirinov Temur 1950 yilda tug'ilgan. Tug’ilgan joyi. Jizzax viloyati. Yonalish- tarix Islom Karimov nomidagi memorial kompleks rahbari. (2017 yildan boshlab hozirgacha). Tarix fanlari doktori, professor. Arxeologiya ixtisosligi boyicha yetakchi olim. Termez davlat universitetini tamomlagan.
Dastlab aspiranturada, keyinchalik Arxeologiya institutida ilmiy xodim,director lavozimlarida faoliyat ko’rsatgan.200 dan ortiq ilmiy ishlar, jumladan 4 monografiya muallifi.4 fan nomzodligiga rahbarlik qilgan.
2009 yilda xizmat ko’rsatgan fan arbobi unvoni bilan taqdirlangan.
Manzil: 140151, O‘zbekiston, Samarkand sh., V. Abdullaev, 3
Telefon: [phone]
E-mail: [e-mail]
Sayt: www.archaeology.uz
Maqolalarni qabul qilish qoidalari
“Oʻzbekiston Arxeologiyasi” jurnali qadimgi va ilk oʻrta asrlar sivilizatsiyasi, oʻrta asrlar moddiy va maʼnaviy madaniyatiga oid keng miqyosda koʻrilgan va munozarali masalalar tadqiqotiga bagʻishlangan maqolalar, shuningdek, alohida bildirishnomalar va arxeologiya fani doirasida muhim voqealar toʻgʻrisida qisqacha maʼlumotlar qabul qilinadi.
Barcha maqolalar tahririyat ha’yati tomonidan ko’rib chiqiladi. Tahririyat hay’ati maqolalarni qabul qilish yoki rad qilish, shu bilan birga muallifga taqrizchilar fikrilan kelib chiqqan holda materialga o’zgartirish kiritishni so’rash huquqiga ega.
Oʻzbekiston Respublikasi Vazirlar Mahkamasi qoshidagi Oliy Attestatsiya Komissiyasi talablari asosida barcha maqolalarga yoʻnalishi, ilmiy muammosi, mazmun-mohiyati toʻliq ochib berilgan qisqagina rezyume va kamida 10 ta soʻzdan iborat kalit soʻzi boʻlishi kerak boʻlishi shart. Rezyume va kalit soʻzlar rus tilida tayyorlangan maqolalar uchun oʻzbek va ingliz tillarida, agar maqola oʻzbek tilida boʻlsa unga muvofiq rus va ingliz tillarida berilishi lozim.
Ilmiy maqola bilan birga berilgan albom, rangli va oq-qora tasvirda 10 donagacha berilishi mumkin. Albomda va tekstdagi albomga tegishli nomerlar arab raqamida koʻrsatiladi (mas: ris. 2; 3-rasm; Fig. 5). Yozuv oʻlchami – 14, tiniqligi kamida -300 dpi. Albomga yoziladigan shrift turi - (italic) kursivida.
Maqolani tayyorlash jarayonida faqat Times New Roman – formatidagi shriftdan foydalanish kerak. Barcha koʻrinishdagi tekst parchalari maqolaning asosiy teksti bilan birga bir xil shriftda rasmiylashtiriladi. Qadimgi avtorlarning lotin yozuvida keltirilgan tekst parchalari quyidagi kursivda rasmiylashtiriladi (mas: Strabo, X. 5. 14). Rus va boshqa tillardagi nomlarga berilgan havolada qavsdan foydalaniladi.
Maqolada iqtibos tekst ichida rasmiylashtiriladi (mas: Petrov, 1998. S. 65; Muxtarov, 1991, 22-25 b.).
Adabiyotlar roʻyxati ishda quyidagi koʻrinishda rasmiylashtiriladi:
Familiya I.Sh. Kitob nomi. Nashr joyi. Yil.
Familiya I.Sh. Maqola nomi // Toʻplam nomi. № tom. Nashr joyi. Yil.
Familiya I.Sh. Tadqiqot ishi nomi. Avtoref.dis.tarix.fanlari.nomzodi. – Nashr joyi. Yil. Tekst parchalarida qayta foydalanilganda qisqartmalarga (oʻsha asar) ijozat berilmaydi.
Havola belgisi tinish belgisidan oldin qoʻyiladi. Havolalar foydalanilgan adabiyotlar oldidan va asosiy matn tugaganidan keyin alohida guruh izohi koʻrinishida rasmiylashtiriladi.
Qisqartma roʻyxatida nashriyot joylashgan shahar nomlari Moskva, Leningrad, Sankt-Peterburg, Berlin, Cambridge, Leipzig, New York, Oxford, Paris qisqartirib koʻrsatiladi ( mas: M., SPb, NY, P.).
Barcha ilmiy maqolalar soha mutaxassisining taqrizi va tavsiyasi asosida qabul qilinadi. Mualliflarning mazmun-mohiyat jihatidan jurnal yoʻnalishiga toʻgʻri kelmaydigan, yuqoridagi talablarga mos ravishda rasmiylashtirilmagan maqolalar “Oʻzbekiston arxeologiyasi” jurnali tahririyat jamoasi tomonidan qabul qilinmaydi!
3 "Meros” jurnalining muassisi O’zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti hisoblanadi. Jurnal dastlab O’zR FA Prezidiumining 1988 yil 30 avgustdagi qarori (№11/105) asosida almanax sifatida “Sharqshunoslik” nomi bilan tashkil etilgan va 1991-2014 yillarda uning 17 ta soni nashr qilingan.2016 yilda Toshkent davlat sharqshunoslik instituti huzuridagi Abu Rayhon Beruniy nomidagi Sharq qo’lyozmalari markazining “Meros” jurnali, 16.02.2018 yilda esa O’zbekiston Respublikasi Fanlar akademiyasi Abu Rayhon Beruniy nomidagi Sharqshunoslik institutining “Meros” jurnali sifatida qayta ro’yxatdan o’tkazilgan. (guvohnoma №0680 va № 000535; ISSN № 2181-9017).“Meros” ilmiy-nazariy jurnali bir yilda 2 marta nashr etiladi.Maqolalar: o’zbek, rus va ingliz tillarida berilishi mumkin. Jurnalning minimal hajmi 8-15 bosma taboq, ya'ni 128-240 sahifa. Umumiy tiraji 100-500 adadgacha nashr etilishi rejalashtirilgan.“Meros” ijtimoiy fanlararo xarakterdagi ilmiy jurnal bo’lib, sharqshunoslik sohalarining yangi yutuqlarini targ’ib etuvchi ilmiy-nazariy nashrdir. Unda O’zbekistonning ilmiy-madaniy, ma’naviy-ma’rifiy, ijtimoiy-iqtisodiy va siyosiy hayotiga, sharqshunoslik, xususan, Markaziy Osiyo va Xorijiy Sharq mamlakatlari tarixi, fan tarixi, tili va adabiyoti, falsafasi, siyosati, madaniyati va san'atiga oid yozma va ashyoviy manbalar tadqiqi hamda zamonaviy masalalarning dolzarb mavzularidagi maqolalar nashrga tayyorlanib, quyidagi ruknlar doirasida e’lon qilinadi: Diplomatiya tarixidan Yoshlar minbari Zamonaviy masalalar Ilmiy anjumanlar va taqrizlar Ilmiy axborot Ilmiy safar axboroti Islom va tasavvuf Manbashunoslik va tarixshunoslik Markaziy Osiyo tarixi Matnshunoslik Personaliy Til va adabiyot Falsafa Fan va madaniyat tarixi Xalqaro munosabatlar Xotira Hujjatlar va yozishmalar Yubilarlarimiz Yangi nashrlar kabi ruknlarida beriladi. Nashrning tili: o’zbek, rus, ingliz. Jurnalning maqsad va vazifasi. Sharqshunoslik yo’nalishidagi yangi tadqiqotlar, erishilgan yutuq va ilmiy yangiliklar bilan ilmiy xodim, mutaxassis, magistr, doktorant va olimlar kabi ijtimoiy-gumanitar soha vakillarini tanishtirish. Ixtisoslashuvi: ilmiy-nazariy. Tarqatiladigan hududi: O’zbekiston Respublikasi bo’yicha Tahririyatning moliyaviy ta’minot manbalari: homiylar (agar bo’lsa), mualliflar hisobidan.
Bosh muharrir Abduxalimov Baxrom Abduraximovich
O’zbekiston Respublikasi Fanlar akademiyasi Abu rayhon Beruniy nomidagi Sharqshunoslik instituti direktori, O’zRFA Ijtimoiy-gumanitar fanlar yo’nalishi bo’yicha vitse-prezidenti (2017 yildan hozirgacha)
Ilmiy daraja va unvoni: Tarix fanlari doktori, professor
Sohasi: Tarixiy manbashunoslik va fan tarixi.
Tug’ilgan yili: 27 fevral 1959 y.
Tug’ilgan joyi: Toshkent shahri
Ma’lumoti: Oliy, 1982 yilda Toshkent davlat sharqshunoslik universiteti (kunduzgi)ni tamomlagan Diplom bo’yicha mutaxassisligi: Filolog-sharqshunos.
Manzil: 100170, O’zbekiston, Toshkent sh, Mirzo Ulug’bek ko’chasi, 79-uy
Telefon: [phone]
Faks: ([phone]
E-mail: [e-mail]
Sayt: http://www.beruni.uz
Maqolalarni qabul qilish qoidalari
Maqola matni o’zbek, rus va ingliz tillarida A4 (210-297 mm) o’lchamlik qog’ozga Times New Roman shriftida, belgilar kattaligi 12, satrlar orasi 1,5 intervalda yozilishi, matn yuqorisidan 2 sm, chapdan 3 sm, o’ng va pastdan 1,5 sm hoshiyalar qoldirilishi talab etiladi. Hajmi 8-12 bet.
To’lovi: eng kami ish haqining 75%. To’lov – maqola tahririyat tomonidan 2 ta taqrizdan o’tkazilib, nashrga tavsiya etilganidan so’ng amalga oshiriladi.
FISh
Darajasi, unvoni (agar bo’lsa)
Qaerda kim bo’lib ishlashi/o’qishi
Tel.: (kod) ...; e-mail: … Mazkur ma’lumotlar qisqartmalarsiz to’liq yozilsin!
Maqola mavzusi Annotatsiya. 4-6 jumladan iborat.
Kalit so’zlar. 6-8 ta. Eslatma: 1-7-ma’lumotlar mazkur tartib saqlangan holda o’zbek, rus va ingliz tillarida berilishi kerak.
Maqolada mavzuning o’rganilish tarixi orqali ko’tarilgan muammoning aniqligi, analiz sintezli tahlili, ilmiy yangiligi va ahamiyatini aks ettiruvchi xulosa berilishi talab qilinadi. Ta’kid: plageatlikka yo’l qo’ygan maqola muallifi aniqlansa, muallif ishlaydigan yoki o’qiydigan tashkilot rahbariga bu haqda xabar yuborilib, mazkur muallif maqolasi jurnalga qayta qabul qilinmaydi.
Ism va manba nomlarini o’zbek va rus tiliga tabdil/ transliteratsiyada yozish shakliga namunalar:
O’zbek tilidagi shakli
Ismlar. Abdulloh, Abdurahmon, Sayyid Muhammad Alixon
Manba nomlari matnda birinchi uchragan o’rinda tarjimasi bilan keltiriladi. Masalan: “Mas’ala fi hazz an-nafs min al-ulum” (“Nafsning ilmdan oladigan ulushi masalasi”),
Manba nomlari matnda birinchi uchragan o’rinda tarjimasi bilan keltiriladi. Masalan “Mas’ala fi xazz al-nafs min al-’ulum” (“Вопрос наслаждения души от науки"),
Sulolalar nomi: Темуриды, Омеяды, Аштарханиды
10. Foydalanilgan adabiyotlar ro’yxati maqola yakunida keltiraladi.
11. Maqolada сноска/havola va foydalanilgan adabiyotlarni berish TARTIBI:
11.1 Foydalanilgan adabiyotlarni avval kirill, keyin lotin (agar bo’lsa), so’ng arab (agar bo’lsa) alifbosida, alifbo tartibida joylashtiriladi.
11.2 Kirill alifbosida O’ Q G’ H harflari bilan boshlanuvchi mualliflar familiyasi Ya harf bilan boshlanuvchi mualliflar familiyasidan keyin keltiriladi11.3 Har bir adabiyot faqat bir marta raqamlanadi. Sahifalari esa maqoladagi jumla yakunida nuqtadan avval [adabiyot raqami: undagi sahifa raqami] shaklida beriladi, masalan, [3: 154].11.4 Izohlar har sahifa havolasida qoladi, undagi adabiyotga havola [adabiyot raqami: sahifasi] shaklida keltiriladi.
11.5 Agar bir necha adabiyotga, jumladan, to’liq asarga havola qilingan bo’lsa [adabiyot raqami: sahifasi; adabiyot raqami] tarzida, ya’ni ketma-ket yozib, orasi; bilan ajratiladi, masalan, [3: 154; 6; 1: 33; 22].12. Adabiyotni yozish tartibi:12.1 Muallif FIO. Kitob nomi. Nashr qilingan shahar nomi to’liq yoziladi, Sana. Masalan: Bekmirzaev I.I. Burhonuddin Mahmud al-Buxoriy va Movarounnahr qoziligi. Toshkent, 2011.12.2 Agar maqola kitob, jurnal yoki to’plam tarkibida bo’lsa quyidagi tartibda beriladi:Muallif FIO. Maqola nomi / kitob, jurnal yoki to’plam nomi. Shahar nomi to’liq, nashr yili, jurnal bo’lsa № soni. Maqolaning boshlanish va oxirgi sahifasi ko’rsatiladi.
4. O'zbekiston fanlar akademiyasi qoshidagi ilmiy jurnallar:
«Seysmologiya muammolari» jurnali
O'zbekiston Respublikasi Fanlar akademiyasining ma'ruzalari
“O‘zbekiston fizika” jurnali
«O’zbekiston Respublikasi Fanlar Akademiyasi Qoraqalpog’iston bo’limi axborotnomasi» jurnali
"Fan va turmush" jurnali
O'zbekiston Biologiya Jurnali
“Nazariy va klinik tibbiyot” jurnali
«O‘zbekiston arxeologiyasi» jurnali
“Xorazm Ma’mun akademiyasi axborotnomasi” ilmiy jurnali
“Meros” jurnali
"Matematika instituti byulleteni" elektron jurnali
O‘zbekiston eng yangi tarixining dolzarb masalalari. Fanlararo ilmiy-nazariy jurnali
“O‘zbekiston tarixi” jurnali
«Mexanika muammolari» jurnali
“O‘zbek tili va adabiyoti” jurnali
“Tabiiy birikmalar kimyosi” jurnali
“O‘zbekiston kimyo” jurnali
"Geliotexnika" xalqaro ilmiy jurnal