192-su'wret. Ulıwma awqatlanıw mákemeleriniń kompozitsiyaviy jaylastırıw sxeması

193-súwret. A-mıymanxana nomerlerin joybarlaw variantları;
B-Nijniy Novgorod qalasındaǵı mıymanxanalardan biri.

194-súwret. Mıymanxanalarda vestibyul xanaların shólkemlestiriwdiń
funksional sxeması:
I-50 orınǵa mólsherlengen mıymanxanalarda qabıl xizmetker toparı bir tárepleme jaylasıwı; II-100 orınǵa mólsherlengen mıymanxanalarda qabıl xizmetker toparınıń óz-ara jaylasıwı ; 1-vestibyul; 2-tekshe; 3-administraciya gezekshisi; 4-kassa; 5-direksiya (direktor baslıqlıǵıdaǵı administraciya); 6-portye; 7-pochta; 8-garderob; 9-júk alıp kirisiw; 10-klientlerge xizmet kórsetiw byurosi; II-kútiw zalı; 12-er adamlar ushın sanuzel; 13-ayollar ushın sanuzel; 14-telefon.

195-súwret. 50 hám 100 orınǵa mólsherlengen mıymanxanalarda qabıl toparın shólkemlestiriw sxeması:
1-vestibyul; 2-administraciya gezekshisi; 3-júk alıp kirisiw; 4-klientlerge xizmet kórsetiw byurosi; 5-telefon.
Ulıwma awqatlanıw mekemeleri qaǵıydaǵa kóre tiykarǵı jay sistemasına jaylastırıladı. Úlken kólemli mákemelerde (500-1000 orınlı), sonday qılıp, demalıs (dem alıw) mekemeleri komplekslerinde bólek ajıratılǵan bloklarda jaylastırılıwı múmkin.
Eger asxana yamasa restoran tiykarǵı korpusda jaylasqan bolsa, olar kóbinese birinshi qabatda joybarlanadı. Bunda olardı jataqxanalardan ajıratıw mashqalası júzege keledi. Restoran yamasa asxananı joqarı qabatlarda proektlestiriwde bolsa ónimlerdi alıp shıǵıw hám awqat tayarlaw bólmesin jaylastırıw qıyınlasadı.
Awqat tayarlaw xanaları sisteması hám maydanı, sonıń menen birge, járdemshi xanalar awqatlanıw xanalar toparın proektlestiriw normaları tiykarında, ShNK 208.02-07nıń «Mıymanxanalar», «Dem alıw mákemeleri», «Sanatoriyalar» hám «Ulıwma awqatlanıw mákemeleri» atlı bapları boyınsha anıqlanadı.
Awqatlanıw toparında awqat tayarlaw xanaları awqatlanıw zalı menen bir qabatda jaylasıwı zárúr.
Awqatlanıw toparında xızmet etiwshi xızmetkerler ushın mıymanxanaǵa bólek vestibyulli kiriw jayı, kiyim almastırıw xanaları, dushlar, sanitariya uzelleri, dem alıw hám basqarıw-xojalıq xanaları kerek.
Dem alıwshılarǵa jasaw sharayatları menen birge tiyisli xojalıq xizmet kórsetetuǵın mıymanxanalarda materiallıq-ǵalabalıq xizmet kórsetiw xanaları, názerde tutıladı.
Ulıwma tiptaǵı mıymanxanalarda bunday xanalar toparı joq. Materiallıq-ǵalabalıq xızmet kórsetetuǵın xanalar: tamasha zalı, oyın túsiw zalı, foye, kitapxanalar, dógerek xanalar, billiyard hám mıymanxanalardan dúziledi. Kurort mıymanxanalarında tamasha zalınıń maydanı hám sıyımlıǵı ShNK 208.02-07 niń «Mıymanxanalar» baptaǵı talaplarǵa tiykarınan mıymanxananıń kategoriyasi, jaylasqan ornı (kurortda yamasa kurort sırtında), sonıń menen birge, proektlestiriwde qoyılǵan ilajlar wazıypalarına (konferensiyalar, simpoziumlar ótkeriw) kóre anıqlanadı.
Kurort mıymanxanaların proektlestiriwge qoyılǵan wazıypalar tiykarında ashıq hám jabıq júziw basseynleri, juwınıw bólme (sauna)ler, qısqı sport zallari názerde tutıladı.
Basqarıw xanalar toparı kóbinese bınanıń birinshi yamasa ekinshi qabatına jaylastırıladı. Basqarıw xanalar jasaw blokları, uluwma awqatlanıw xanaları hám mıymanxananıń vestibyul toparı menen qolay baylanısıwǵa iyelewi kerek.
Basqarıw xanalar toparı sistemasına direktor jáne onıń orınbasarı, bas injener, jumıs júrgiziwshi xanalar; xızmetkerler menen islew bólimi, joybarlastırıw bólimi, támiynat bólimi, buxgalteriya, jámiyetlik shólkemleriniń arxivları kiredi.
Iri zamanagóy mıymanxanalarda elektron-esaplaw mashinaları ushın xanalar názerde tutıladı. Eger restoran mıymanxana qarawında bolsa, basqarıw zonaǵa restoran direktorı jáne onıń orınbasarı ushın ajıratılǵan xanalar qosıladı. Eger restoran mıymanxanadan ajraǵan halda ózbetinshe jumıs júrgizetuǵın bulsa, pútkil basqarıw xanalar quramı restoran ushın jaǵdayında tákirarlanadı.
Xizmetker-járdemshi, xojalıq hám injenerlik úskeneleri xanaları gezekshi xızmetkerler xanaları toparına kiredi. Sonıń menen birge, kir hám taza prostınyalar xanası, remontlaytuǵın usta, aǵash ustası xanaları; mebel hám úskeneler rezervlari; samallatıw bólme (kamera)leri, qizdırıw punktleri, nasos xanası, elektroshit, shıǵındılardı alıp shıǵıw bólme (kamera)leri da usılar gápinen bolıp tabıladı.