19-Laboratoriya ishi. Qurilish qorishmalari. Qorishmaning asosiy xossalarini aniqlash

4. Qorishmaning suv saqlab qolish xususiyatini aniqlash.
Qorishmaning suv saqlab qolish xususiyati, bosma(suv shimuvchi) qog‘oz ustiga 12 mm qalinlikda qorishma qatlamini yotqizish yo‘li bilan aniqlanadi.
Asbob-uskunalar: 150X150 mm o‘lchamdagi bosma(suv shimuvchi) qog‘ozlar, 250X350 mm o‘lchamdagi doka gazlama, Ichki diametri 100 mm, balandligi 12 mm va qalinligi 5 mm o‘lchamli metal xalqa, 150x150 mm o‘lchamdagi, qalinligi 5 mm bo‘lgan shisha plastinka, tarozi, qorishmaning suv saqlash xususiyatini aniqlash uchun moslama (2-rasm)
Tajribani bajarish tartibi: Sinashdan oldin 10 dona bosma qog‘ozni 0,1 g aniqlikda tarozida tortilib shisha plastinka ustiga taxlanadi, ustidan doka gazlama to‘shaladi, ustiga metal xalqa qo‘yiladi va bularning xammasi birgalikda yana tarozida tortiladi.
YAxshilab aralashtirilgan qorishma bilan metal xalqa to‘ldiriladi, xalqaning tepa qirrasi bilan teng qilib tekislanadi, bularning xammasi birgalikda tarozida tortiladi va 10 minut shu xolatda qoldiriladi.
Doka bilan qorishma to‘ldirilgan metal xalqa avaylab olinadi.
Bosma qog‘ozlar tarozida 0,1 g aniqlikda tortiladi.
Qorishmaning suv saqlash xususiyatini aniqlovchi asbob sxemasi

2—rasm
1 — qorishma bilan to‘ldirilgan metal xalq; 2 — 10 qatlam bosma (suv shimuvchan) qog‘ozlar; 3 — shisha plastina; 4 — doka gazlama to‘shalgan qatlam.

Qorishmanining suv saqlash xususiyati V foiz xisobida quyidagi formula orqali xisoblanadi

bu erda; m₁ — bosma qog‘ozlarning sinov boshlanmasdan oldingi massasi, g;
m₂ — bosma qog‘ozning sinovdan keyingi nam xoldagi massasi, g;
m₃ — moslamaning qorishma solinmasdan oldinga massasi, g;
m₄ — moslamaning qorishma solingandan keyingi massasi, g.
Qorishmaning suv saqlash xususiyati ikki marta o‘tkazilgan sinov natijalarining o‘rtacha arifmetik qiymati sifatida hisoblab chiqariladi. Ikkita o‘tkazilgan sinov natijalaring farqi mayda ko‘rsatkichga nisbatan 20 % dan oshmasligi lozim.