19- laboratoriya mashg‘uloti. Nerv muskul preparatiga har xil ta`sirlovchilarning ta`siri. Ishning maqsadi

19- laboratoriya mashg‘uloti. Nerv muskul preparatiga har xil ta`sirlovchilarning ta`siri.
Ishning maqsadi: Muskullarga turli xil ta‘sirlovchilarni vositali va vositasiz yo’l bilan ta`sirlashning natijalarini kuzatish.
Ish uchun kerakli jihozlar: Induktsion apparat, vilkada elektrodlar, simlar, kimograf, universal shtativ qayd qiladigan qismlar bilan jarrohlik asboblar yig’indisi, shisha tayoqcha, ipakli ip, spirtovka, osh tuzi kristali, spirt, 1 % sulfat kislotasi, sovuqqonlilar uchun fiziologik eritma, paxta, baqa.
Nazariy qism. To`qimalarning qo`zg`luvchaligini xarakterlash uchun faqat ta`sirlagichning pog`ona kuchnigina emas, balki uning ta`sir qilish vaqtini ham hisobga olish zarurdir.
Ishni bajarish tartibi.
A) muskullarni mexanik ta`sirlovchilar bilan ta`sirlash:
1. Nerv uchini ip bilan bog’lash.
2. Nina bilan nerv va muskulga sanchish.
3. Nerv uchini pintset bilan qisish.
4. Qaychi bilan nerv uchini qirqing.
B) muskullarni kimyoviy ta`sirlovchilar bilan ta`sirlash.
1. Nervga osh tuzining kristalini qo’ying.
2. Nervga kislota, spirt tomchisini tekkizing. Effektni kuzatgandan so’ng kimyoviy ta`sirlovchini fiziologik eritma bilan yuvib tashlang. Olib borilgan ishlarning hammasini mustaqil qaytarish.
S) Nerv va muskulga termik ta‟sir etish.
1. Spirt va uning alangasiga ninani bir oz qizdirib nervga tekkizing.
2. Spirt va uning alangasiga ninani bir oz qizdirib muskulga tekkizing
D) Nerv va muskulni elektr toki bilan ta`sirlash.
1. Nerv muskul preparatini induktsiya tok bilan ta`sirlash uchun elekr zanjirni yig’ing. Nerv muskul preparatini tayyorlab, kameraga joylashtiring, nervni esa miografga vertikal holda birlashtirib qo’ying.
2. Muskulni qisqarishini yuzaga keltiradigan eng kichik tokning miqdorni aniqlang.
3. Induktsion tokni muskulga bevosita yoki vositali ta`sirlaganda pog’ona kuchini solishtiring.
Topshiriq. Kuzatilgan ma`lumotlarni rasmiylashtiring va xulosa chiqaring. Savollarga javob bering.
1. To’qimalarning qo’zg’aluvchanligi qanday o’lchanadi?
2. Nerv va muskullarning qo’zg’aluvchanligi har xilmi?
3. Pog’ona, submaksimal va maksimal ta`sirlovchi deb nimaga aytiladi?
4. Adekvat ta`sirlovchi deb nimaga aytiladi?
5. Nerv va muskul uchun qaysi ta`sirlovchi adekvat ta`sirlovchi deb ataladi?
Ishning xulosasi
____________________________________________________________________________________________________________________________________
__________________________________________________________________