181-guruh talabasi Saparboyeva Adolatbonuning Ogohiyning poetik mahorati fani uchun tayyorlagan taqdimoti

«Ushbu jahonga qosh senu, koʻz ham sen, Yer chehrasini ochguvchi navroʻz ham sen»
deb yozgan edi Pahlavon Mahmud bunday komil inson haqida.
«Ey yor, sango tangri taborak boʻlsin, Navroʻz ila toza yil muborak boʻlsin. Ahbob sarafroz boʻlubon lutfingdan, Audo boshi mankubi balorak boʻlsin»
deb tilak bildirgandi yori timsolidagi bunday insonga Ogahiy hazratlari shunday baho beradi.
Pahlavon Mahmud ruboiyotining Ogahiy ijodiga ta’siri bu jihatlar bilangina cheklanmaydi. Har ikkala shoirning tafakkur chaqinidan taralgan yogʻdu inson hayotining, uning zohiriy va botiniy jihatlarining turli qirralarini yoritib turadi. Masalan: Pahlavon Mahmud hazratlari
«Sharob ichib, mayli, goʻzal ayb etgil, Bogʻ sayriga chiq, Gʻamning ishin hayf etgil, Tongdan to sahar surib yurib Ayshingni, Shomdan to quyosh botgunicha kayf etgil»,
deya hayotsevarlik, zavqparvarlik misralarini bitgan boʻlsa, Ogahiy
«Ey mutribi gulchehra, tuzib sozingni, Sozingga hamohang ayla ovozingni. Lutfingni bugun bazm ahliga vofir et, To subhgacha kam aylagil nozingni»
deya asrlar osha unga joʻr boʻladi. Pahlavon Mahmud va Ogahiy merosini teranroq mutolaa qila borganimiz sayin, ikki shoir qalamlari oʻzaro tutashib chaqnatgan uchqunlardan taralgan yogʻdularning miqyosi kengligiga amin boʻlamiz. Aytish mumkinki, Pahlavon Mahmud qaysi mavzuda kalam surgan boʻlsa, xuddi shu mavzuda Ogahiy ham ijod qilgan va ikki buyuk mutafakkirimizning fikrlash
mushtarakligi she’riyatning bosh mavzusi boʻlmish muhabbat ohanglarida ayniqsa samaralidir.
«Dilbarga dedimki, soʻzlaring chil-childir, Bunga sira bormi sabab, ayt, bildir. Aytdiki, soʻzlaganda ogʻzim tor deb qimtinaman hayoda, bois shuldir».
Mana shu lablardan, ya’ni Pahlavon Mahmud hazratlari suvratini chizib berib ketgan sohibjamolning la’llaridan Ogahiy hazratlarining lirik qahramoni jon topadi, oʻzining zavoliga barham beradi, oʻzini yoʻqlikdan xalos qiladi. Ruboiy:
«Bir soʻz degali gar ochsa jonon iki lab, Behaddu adad boʻlur durafshon iki lab. Yuz qatla gʻami ishqdan oʻlsam ayb emas, Kim bergusidir bir soʻz ila jon iki lab».