18-tema. CorelDraw programmasınıń úskeneler paneli elementleri

Tayanısh noqatlardıń túrleri.
Bir neshe segmentlerdiń tutasıwında tayanısh noqatları Sorel Draw programmasında úsh túrli bolıwı múmkin:
1. Eki iymek sızıqtı “iyiliwinde” tutastırıwshı tayanısh noqatı – múyesh tayanısh noqatı delinedi (cups node). Bunday tayanısh noqatında basqarıwshı sızıqlar hám baǵıtı, hám uzınlıǵı boyınsha ǵrezsizdir.
2. Eki iymek sızıqtı sınıwsız tutastırıwshı tayanısh noqatı – tegis tayanısh noqatı delinedi (smooth node). Bunday tayanısh noqatlarında basqarıwshı sızıqlar bir-birinen tek ǵana ólshemi menen ǵana ǵarezsiz, baǵıtı boyınsha bolsa ulıwma tutasıwshı tuwrı sızıqtı payda etedi. Basqarıwshı sızıqlardı birewiniń orın almasıwı ekinshisinda orın almasıwına alıp keledı.
3. Sınıwsız hám birdey qıyalıq penen tutasqan tayanısh noqatı simmetrik tayanısh noqatı delinedi (symmetrcal node). Bunday tayanısh noqatlarda basqarıwshı sızıqlar bir – birine hám baǵıtı, hám qalıńlıǵı menen baylanıslı.

İmitaciya ásbabı (Artistic Media).

İmitaciya ásbabı noqatlı grafika programmalarında kóbirek isletiledi. Soǵan qaramay vektorlı programma da bul ásbabtı usınıs etedi. Bul ásbab peroda sızıw ornın basa aladı, sol qatarda bezekli shtamp ornında basadı. Bul ásbabtıń ájayıplıǵı sonda, ol tiykarǵı konturdı sızıp, bul kontur boylap túrli obektler jaylasıp tábiyat kórinisi hám grafik effektlerdi beredi. Úlgi jaǵdayı (Rgeset) bul jaǵdayda sonday obektlerdi jaratıw múmkin, bunda bul obektler tayyar úlgilerge qarap óz formasın ózgertedi. Bul jaǵdayda formalı sızıqlardı isletiw múmkin.

Quramalı jaǵday (Vrush) bul jaǵdayda quramalı dúziliske iye bolǵan bezekli formalardı jaratıw múmkin.
Búrkegish jaǵdayı (Object Sprayer) kontur traektoriyaları boylap túrli grafik obektlerdi jaylastıradı. Bul jaǵday quramalı ramkalar, bezekli qatarlardı jaratıw ushın mólsherlengen.
Kalligrafiya jaǵdayı (Sallligraphis) bul jaǵdayda qalıń pero yaki enli reńli qálem iymek sızıqların sızıw múmkin.
Basım jaǵdayı (Rgessure) bul jaǵdayda sonday sızıqlardı sızıw múmkin, bul sızıqlardı klaviatura arqalı basqarıw múmkin.