18-noyabr O‘zbekiston Respublikasi davlat bayrog‘i qabul qilingan kun!

18 noyabr – O’zbekiston Respublikasi davlat bayrog’i qabul qilingan kun

18 noyabr – O’zbekiston Respublikasi davlat bayrog’i qabul qilingan kun munosabati bilan Harbiy, Filologiya, Pedagogika, Fizika-matematika, Tabiiy fanlar hamda Ijtimoiy-iqtisodiy fakultetlarda tadbir bo’lib o’tdi.
O’zbekiston Respublikasining Davlat bayrog’ida juda katta ma’no-mazmunni mujassam etgan, yuksak did va mahorat bilan puxta ishlangan, o’zida butun O’zbekiston ahlining asriy orzu-istaklarini, g’ayrati va shijoatini, xalqimizga xos mehmondo’stlikni, ajdodlar yodi hamda millat g’ururini mujassam etgan bayrog’imiz sayyoramizdagi barcha mamlakatlarning davlat ramzlari orasida alohida hurmat va ehtiromga sazovordir.

Bugun milliy bayrog’imiz davlat idora va muassasalari, o’quv yurtlari, O’zbekiston a’zo bo’lgan xalqaro tashkilotlar, chet ellardagi elchixona va doimiy vakolatxonalarimiz peshtoqida hilpirab turibdi. Turli bayram tantanalarida, mamlakatimiz a’zolari qatnashayotgan xalqaro miqyosdagi siyosiy, madaniy-ma’rifiy tadbirlarda, nufuzli sport musobaqalarida ham bayrog’imiz Vatanimizning sha’ni, xalqimizning g’ururini yorqin aks ettirmoqda. Masalan, xalqaro sport bellashuvlarida g’alaba qozongan sportchilarimiz sharafiga yurtimiz bayrog’i baland ko’tarilgan lahzada har birimiz cheksiz hayajonga tushamiz, hech kimdan kam emasligimizdan g’ururlanamiz. Xulosa o’rnida aytish lozimki, davlatimiz bayrog’i tinch va osoyishta, ozod hamda erkin hayotimiz, yorug’ kelajagimizga bo’lgan ishonchimiz timsolidir.

Davlat ramzlarining muqaddasligini, ular bizga yurt manfaati har nedan ustunligini anglatib, eslatib turishini har birimiz, ayniqsa, yosh avlod yodda tutishi maqsadga muvofiqdir.
«O‘zbekiston Respublikasi Davlat bayrog‘i to‘g‘risida"gi Qonun 1991-yil 18-noyabrda O‘zbekiston Respublikasi Oliy Kengashining navbatdan tashqari o‘tkazilgan VII sessiyasida qabul qilingan.
Davlat bayrog‘i va uning ramzi bugungi O‘zbekiston sarhadida qadimda mavjud bo‘lgan davlatlar bilan tarixan bog‘liqligini anglatadi hamda respublikaning milliy-madaniy an’analarini o‘zida mujassamlashtiradi.
Toshkent davlat yuridik universiteti Axborot-resurs markazida 18 - noyabr – “O‘zbekiston Respublikasining Davlat bayrog‘i to‘g‘risida” Qonuni qabul qilingan kuni munosabati  bilan kitoblar ko‘rgazmasi va videoroliklar namoyishi tashkil etildi.
Olqishlab-olqishlab munavvar tongni,
U mayin hilpirab turibdi, qarang.
Bu kez termultirgan jumla jahonni,
Yurtim bayrog‘ida porlar to‘rt xil rang.
Yashil rang – abadiy ko‘klam timsoli,
Bahorni qutlaydi bunda har bir jon.
Bulutlar tutunlar, dog‘lardan xoli,
Moviy rangda yashnar musaffo osmon.
Azizim, sen haqda yana ne deyin?
Bulbullar to‘ldirsin yashil bog‘ingni.
Kelajak avlod bizlardan keyin,
Hilpiratib tursin hur bayrog‘ingni.
Qizil rang – ko‘zga yosh qalqmasin nechun?
Janglarda o‘lmagan mangu jondir bu.
Biz bugun kuylagan erk va baxt uchun
Bir zamon to‘kilgan qutlug‘ qondir bu.