18-modda. Davlat bojini qaytarish tartibi

7-kazus

Buxoro shahar davlat soliq inspeksiyasi (bundan buyon matnda DSI deb yuritiladi) iqtisodiy sudiga da’vo arizasi bilan murojaat qilib, «Ipak yo‘lidagi karvonsaroylar» Assotsiatsiyasining O‘zbekistondagi filiali (bundan buyon matnda Assotsiatsiya deb yuritiladi)ga nisbatan O‘zbekiston Respublikasi Soliq kodeksi (bundan buyon matnda Soliq kodeksi deb yuritiladi) 119-moddasining birinchi qismiga asosan moliyaviy jarima qo‘llashni so‘ragan. Birinchi instansiya sudining hal qiluv qarori bilan arz qilingan talabni qanoatlantirish rad etilgan. Apellyatsiya instansiyasi sudining qarori bilan hal qiluv qarori bekor qilingan. Arz qilingan talabni qanoatlantirishni rad etish haqida yangi qaror qabul qilingan. Kassatsiya shikoyatida sud tomonidan asossiz ravishda ariza talablarini qanoatlantirish rad etilganligi, ish hujjatlari to‘liq o‘rganilmaganligi va aniqlanmaganligi, moddiy huquq normalari buzilganligi haqida vajlar keltirilib, sud qarorini bekor qilib, hal qiluv qarorini o‘zgarishsiz qoldirish so‘ralgan. Ish hujjatlaridan ko‘rinishicha, DSIning 2015 yil 25 maydagi buyrug‘iga asosan Assotsiatsiyada O‘zbekiston Respublikasi soliq qonunchiligi, Hukumat qarorlari va farmonlarining ijrosi yuzasidan soliq tekshiruvi o‘tkazilgan. Tekshirish yuzasidan 2015 yil 15 iyunda tuzilgan dalolatnomada Assotsiatsiyaning 2010 - 2014 yillar hamda 2015 yilning o‘tgan davrida 11023000 so‘mlik xizmat ko‘rsatishdan kelib tushgan tushumni NKMga kirim qilmasdan, bank muassasasiga topshirganligi aniqlanganligi qayd etilgan. Bu bilan O‘zbekiston Respublikasi Vazirlar Mahkamasining «Fiskal xotiraga ega bo‘lgan nazorat-kassa mashinalarining qo‘llanilishini yanada takomillashtirishga doir qo‘shimcha chora-tadbirlar to‘g‘risida» 2011 yil 17 noyabrdagi 280-sonli qarorining talablari buzilishiga yo‘l qo‘yilgan. Tekshiruv hujjatlari DSI boshlig‘i tomonidan ko‘rib chiqilishi natijasida 2015 yil 7 iyulda qaror qabul qilingan. Ushbu qarorda moliyaviy jarima summasi ko‘rsatilib, Soliq kodeksi 119-moddasining birinchi qismiga asosan 3552000 so‘mdan 5920000 so‘mgacha bo‘lgan moliyaviy jarimani ixtiyoriy ravishda to‘lash Assotsiatsiyadan so‘ralgan. Assotsiatsiya esa, 2015 yil 27 avgustdagi to‘lov topshiriqnomasi bilan 3552000 so‘m moliyaviy jarimani ixtiyoriy ravishda to‘lab bergan. «Iqtisodiy yurituvchi sub’ektlar faoliyatini davlat tomonidan nazorat qilish to‘g‘risida»gi O‘zbekiston Respublikasi Qonunining 9-moddasiga zid ravishda nazorat qiluvchi organlar faoliyatini muvofiqlashtiruvchi maxsus vakolatli organ yoki uning tegishli hududiy bo‘linmasining Assotsiatsiya faoliyatini tekshirish uchun muvofiqlashtiruvchi rejasidan ko‘chirma mavjud emas. Assotsiatsiya faoliyatini tekshirish uchun DSIning 2015 yil 25 maydagi buyrug‘i qabul qilinishiga Buxoro viloyat adliya boshqarmasining 2015 yil 22 maydagi xati asos bo‘lgan. Mazkur kazusni O‘zbekiston Respublikasi qonunchiligi asosida tahlil eting

TAXLIL:

O’zbekiston Rerpublikasining Iqtisodiy protsessual kodeksining 118-moddasining 5-qismiga ko’ra:

Da’vogarning talablari u sudga murojaat qilganidan so‘ng javobgar tomonidan ixtiyoriy ravishda qanoatlantirilsa, sud xarajatlari javobgarning zimmasiga yuklatiladi.Bu xolatda javobgar o’z ixtiyori bilan 3.552.000 so’mni to’lab bergan.O’zbekiston Respublikasining Davlat boji to’g’risidagi 600-sonli qonuniga ko’ra mulkiy nizolar bo’yicha 2% qilib belgilangan.

Demak: davlat bojini hisoblaymiz.

D-davlat boji=?

S- Stavka=2%

P-davo bahosi=3.552.000

D=P*S/100

D=3552000*2%/100%=71.140so’m