18-ma’ruza baliqlarning bakterial va mikologik kasalliklarini qo’ZG’atuvchilari

18-MA’RUZA

 

BALIQLARNING BAKTERIAL VA MIKOLOGIK KASALLIKLARINI QO’ZG’ATUVCHILARI

Reja

• Psevdomonoz
• Bronxiomikoz.
• Nefromikoz.

BALIQLARNING BAKTERIAL KASALLIKLARI

PSEVDOMONOZ.

Karp turdagi baliqlarning psevdomonozi (qizamiqqa o‘xshash) – bu baliqlarning infeksion kasalligi bo‘lib, kasallik oddiy septik jarayonning rivojlanishi, umumiy suv to‘planishi, tangachalar to‘kilishi, teri va suzgichlarda manbali qon quyilish bilan xarakterlanadi.

Kasallik Xitoy, Isroil, G‘arbiy va Sharqiy Yevropa davlatlarining suv havzalarida uchraydi. Sobiq Ittifoqda o‘tgan asrning 60-yillarida karp, tovonbaliq va do‘ngpeshona baliqlarning bir yoshdagilari (segoletka) hamda qishlovchi standartga javob bermaydigan 2 yoshli karplar orasida (2-tartibli o‘stiruvchi baliqlar qatoriga kiruvchi qayd etilgan).

Etiologiyasi. Qo‘zg‘atuvchisi – Pseudomonas avlodiga mansub bakteriyalar: Psevdomonas cyprinisepticum nov species va P. capsulata.