17. Амалий машғулот мавзу: модда ва энергия алмашинувини текшириш. Овқатланиш меъерини ва тартибини ўрганиш. Терморегуляция асослари билан танишиш

Иссиқлик ҳосил қилиш маркази гипоталамус ён ядроларининг каудал қисмида бўлади. Хайвонлар миясининг шу қисми шикастланса, улар совуқка чидай олмайдиган бўлиб қолади, уларда химиявий терморегуляция механизмлари ишламай қўяди, жумладан совуқда титрамайди. Физикавий терморегуляция (терлаш, нафаснинг кучайиши) ни гипоталамуснинг comissura anterior билан chiasma opticum орасидаги қисми, яъни иссиқлик чиқариш маркази бошқаради. Бу марказ зарарланса, хайвон совуқка чидаш қобилиятидан махрум бўлмайди, лекин операциядан сўнг юқори температурада хайвон тез кизиб кетади, чўнки физикавий терморегуляцияни ишга солувни механизм зарарланган.

Терморегуляциянинг гуморал механизми. Гавда температурасини бошқариш (регуляция)да ички секреция безлари, айниқса калқон симон ва буйрак усти безлари иштирок этади, чўнки уларда гормон ҳосил бўлишини нерв системаси бошқаради.

Терморегуляцияда калқон симон безнинг иштирок этиши, масалан, шу билан исбот этиладики, ўзоқ вақт совуқда турган бир хайвоннинг қон зардоби иккинчи хайвоннинг қонига юборилса бу хайвонда моддалар алмашинуви кучаяди. Қон берган хайвоннинг калқон симон бези сақланиб қолгандагина шундай натижа кўрилади. Афтидан, хайвон совуқда ўзоқ турганда калқон симон без қонга кўп гормон чиқариб, моддалар алмашинувини кучайтиради.

Буйрак усти безлари хам қонга адреналин чиқариб терморегуляцияда бир қадар роль уйнайди. Адреналин тўқималарда, хусусан мускулларда оқсидланиш процессларини кучайтириб, иссиқлик ҳосил бўлишини оширади, тери томирларини торайтириб, иссиқлик чиқиб кетишини камайтиради. Шунинг учун адреналин гавда температурасини ошира олади (адреналин гипертермияси).


ФИЗИКАВИЙ ВА КИМЁВИЙ ТЕРМОРЕГУЛЯЦИЯ.
Физикавий терморегуляция механизмлари боғлиқ:

• 
  - тер ажралишига
  
• 
  - тери томирларининг реакцияларига
  
• 
  - тери мускулларининг реакцияларига
  
• 
  - ўпка вентиляциясига
  
• 
  - холатга
  

Гипертермия

• 
  - тана харорати 37 °С дан ошганда содир бўлади
  
• 
  - 40 – 41°С узоқ давом этганда мияни шикастланиши (тўқимани шишиши, нейронларнинг шикастланиши) кузатилади
  
• 
  - 43 °С ўлимга олиб келади
  

Гипотермия

• 
  - тана харорати 35°С ва ундан пастгача пасайганда содир бўлади
  
• 
  - 31°С да одам хушини йўқотади
  
• 
  - 24 – 28°С ўлимга олиб келади