16 мавзу. Суғурта шартномаси. Оддий ширкат. Оммавий танлов. Мукофотни ошкора ваъда қилиш. Қимор ва гаров ўйинлари ўтказиш

Наф олувчи бўлиб – суғурта шартномасига мувофиқ суғурта қилдирувчи кимнинг фойдасига тузган бўлса, шу шахс ҳисобланади.
Бу шартнома учинчи шахс фойдасига тузиладиган шартномалар туркумига кириб, ҳуқуқ билан бирга мажбурият ҳам юкланади.
Суғурта полиси (шаҳодатнома, сертификат, квитанция) - суғурта шартномасини тасдиқловчи, суғурталовчи томонидан тақдим этилади-ган ҳужжат.
Полис шартноманинг ҳамма муҳим шартларини ўзида мужассам этиши шарт. Суғурталовчи томонидан имзоланиб, суғурта-ловчининг, суғурта қилдирувчининг, наф олувчининг, суғурталанган шахснинг номи ва манзили, суғурта объекти, суғурта хавфи, суғурта пулининг миқдори, ҳамда шартнома муддати кўрсатилиши керак.
Шартноманинг муҳим шартлари ФКнинг 929-моддасида ўз аксини топган:

1. 
   суғурта объекти бўлган муайян мол-мулк ёки бошқа мулкий
   

манфаат;
2) суғурта ҳодисаси;
3) суғурта пули;
4) суғурта товони миқдори;
5) суғурта мукофоти миқдори ва уни тўлаш муддатлари;
6) шартноманинг муддати.

Суғурта объекти бўлиб нафақат фуқароларнинг ҳаёти, соғлиғи ва мол-мулки, балки ҳозирги кунда жавобгарлик мажбуриятлари, тадбиркорлик хавфи ва яна бир қатор манфаатлар ҳам бўлиши мумкин.

Суғурта шартномаси объектларининг шартнома тузилаётган вақтдаги ҳолати муҳим аҳамиятга эга. Баъзи ҳолларда, суғурта шарт-номаси объектининг ҳолати, жойлашиш шароити туфайли, шахсий суғурта шартномасида эса суғурталанувчи шахснинг соғлиғи ҳолати, суғурта хавфини баҳолашга, унинг миқдорини ўзгартиришга ёки суғурта шартномасини умуман тузмасликка сабаб бўлиши мумкин.
Cуғуртанинг турлари ва шакллари

1. 
   Ихтиёрий ва мажбурий суғурта
   

(ихтиёрий: мол-мулкни суғурта қилиш, ҳаётни ва соғлиқни суғурта қилиш,
(мажбурий: транспорт воситалари эгаларининг фуқаролик жавобгарлигини мажбурий суғурта қилиш, иш берувчининг жавобгарлигини мажбурий суғурта қилиш, йўловчиларнинг ҳаёти ва соғлиғини мажбурий суғурта қилиш)
2. Мулкий ва шахсий суғурта (мол-мулкни ва фуқароларнинг ҳаёти ва соғлиғини суғурта қилиш)