16-Мавзу: индивидуал ёндашиш касбий фаолият самарадорлиги

Касбий лаёқат – бу хар-бир одамнинг психологик ва психофизиологик хусусиятлари йиғиндисидан иборат. Бундай сифатлар мехнат жараёнида эришилиши зарур бўлган натижаларни амалга ошириш учун керакли махсус билимлар, малакалар ва махоратларни эгаллаш жараёнида намоён бўлади. Касбий лаёқат тушунчасига хар бир одамнинг ўз мехнатидан мамнун бўлиши мехнатининг натижаларига берилган бахо ҳам киради.
Касбий лаёқат - бу туғма, табиий сифат эмас, балки одамнинг мехнат фаолияти натижасида шаклланадиган хусусиятдир. Муайян ижтимоий-иқтисодий ҳароитларда содир бўладиган мехнат жараёнида фақат айрим функционал системалар ва кишининг психологик хусусиятлари шаклланади Ммасалан, касбни идрок қилиш, хотира ва тафаккурнинг ривожланиши, балки киши шахс сифатида муайян йўналишдаги ўзига хос характерга эга бўлган шахснинг ижтимоий-профессионал типии таркиб топади. Кўп холларда кишининг касби унинг ташқи кўринишида ҳам ўз аксини топади. Касбий лаёқатни шакллантириш учун зарур бўлган вақт хар бир одамнинг табиий хусусиятлари, унинг касб танлашдаги мақсади ва етарли даражада ўз касбига тайёрлигига боғлиқ. Одамнинг касбий лаёқатлилигини белгилашда юқоридаги омилларнинг хар бири ўзига хос аҳамиятга эгадир. Бу касбий лаёқатнинг шаклланиши доим индивидуал жараён эканлигини билдиради. Бу жараённи ташкил этишда мехнат касбини эгалловчи шахслар учун озми ёки кўпми даражада қудай шароитлар яратиши мумкинлигини унутмаслик зарур. Аммо инсоннинг инсоннинг туғма қобилиятларига нисбатан бундай дейиш нотўғри. Чунки бир қанча минг йиллар давомида одам биологик мавжудот сифатида ўзгаргани йўқ, аммо унинг касблари, мехнат жараёни доим ўзгариб келмоқда. Шунинг учун одамнинг мехнат фаолиятига доир табиий шарт-шароитлар универсал характерда бўлиб, профессионал жихатдан одамга таъсири бетараф (нейтрал) ва хар бир кишига кенг доирада касб танлаш имконини беради. Касбий лаёқатни ўрганиш жараёнида хар бир индивидга хос психологик, психофизиологик, тиббий ваантропологик белгилар хисобга олиниши керак. Бунда фойдаланиш мумкин бўлган методик воситалар: профессионал билим ва малакаларни белгилаб берувчи тестлар («мақсадга эришув тестлари») хисобланади.