16-19asrlarda O'rta Osiyo xalqlari sanati va madaniyati IX-XII asrlar madaniy yuksalishining shart-sharoitlari

Bu davrdagi me’morchilik yodgorliklari hajmi va pardozining jimjimadorligi bilan ajralib turadi. Samarqanddagi Registon maydoni shu davrda shakllandi. Sherdor madrasasining old peshtoqida rangin koshinlar bilan chekilgan bir juft sher tasvirlangan. Tillakori madrasasining nomi «tilla bilan pardozlangan» degan ma’noni beradi. Devorlardagi ajoyib naqshu nigorlar va ichki devorlardagi to‘kis tilla bezaklar juda nafis ishlangan.

XVIII asr oxirlaridan Xiva xonligida ta’mirlash va shaharsozlik ishlari avj oladi. Ollaqulixon madrasasi, Rahmonquli inoq saroyi hajm jihatidan ancha mahobatli qurilgan. Qo‘qon xonligi me’morchiligida rang-baranglik va yorqinlik, pardozdagi koshinlarning yorqin tovlanishi kabi xususiyatlar, ayniqsa, Xudoyorxon saroyida yaqqol namoyon bo‘ladi.

XVIII asr oxiri í XIX asr boshlarida yaratilgan me’morchilik yodgorliklarida hajm jihatdan ixcham, goho bezak-pardozlardan butunlay xoli binolar bilan ko‘zga tashlanadi.

Rossiya Markaziy Osiyoni bosib olgach, mahalliy aholi rus va Rossiyaning boshqa xalqlari bilan aloqa o‘rnatishga majbur bo‘ldi. Sanoat va qishloq xo‘jaligi texnikalari kirib kela boshladi. O‘z o‘rnida Rossiya va Yevropa madaniyati elementlari kirib keldi. Rus tuzem maktablari ochildi. Tipografiya va litografiyaning paydo bo‘lishi madaniy hayotda katta voqea bo‘ldi. Avval rus tilida, so‘ngra mahalliy tillarda gazeta, jurnal va kitoblar chop etila boshladi.

• XIX asrning 80-yillarida A. S. Pushkin va I. A. Krɵlov asarlari ilk bor o‘zbekchaga tarjima qilindi. 1880-yilda Toshkentda jamoat kutubxonasi ochildi. 1870-yilda rasadxona va kimyogarlik tajribaxo-nasiga asos solindi. Ilmiy jamiyatlar tuzildi, tarixiy va arxeologiya muzeylari ochildi.

XIX asr Turkiston adabiyoti ikki yo‘nalishda rivojlandi: shohlik va saroy muhitini kuylovchi adabiyot hamda zo‘rovonlikka qarshi norozilikni va qoloqlikni tugatishga qaratilgan taraqqiyparvar xalq adabiyoti. Umuman, rus va dunyo madaniyati ta’sirida mehnatkash xalq bilan bog‘liq Turkistonda milliy madaniyatning rivojlanish jarayoni kuchayib bordi.