16- mavzu. Tishli g’ildiraklarni tishini kesish va rezba kesish Tish kesish

5.1- rasm

 

Tish kesish jarayoni

 

Nusxalash  va  obkatka  qilish  usullari  tishli  g’ildiraklar  ishlab  chiqarishning 

eng  ko’p  tarqalgan  usullari  hisoblanadi.  Nusxalash  usulida  tishlarni  kesishda 

modulli  frezalardan,  disk  frezalardan  va  barmoq  frezalardan  foydalaniladi. 

Obkatka qilish usulida g’ildiraklarga tishlar chervyak frezalar, grebyonka (taroq)lar 

va  tish  kesish  kertkichlari  bilan  kesiladi.  Nusxalash  usulining  afzalligi  maxsus 

dastgohlar  talab  qilmasligidadir,  lekin  bu  usulning  ish  unumi  pastroq  bo’ladi, 

bundan  tashqari,  nusxalash  usuli  g’ildiraklarga  tish      kesishning  uncha  aniq 

bo’lmagan usuli hisoblanadi. Shu sababli bu usulda  sozlash ishlarida, individual 

va  mayda  seriyalab  ishlab  chiqarish  sharoitida  qo’llaniladi.  Obkatkalash  usuli 

---

mohiyatan  shundan  iboratki,  g’ildiraklarga  tishlar  kesish  jarayonida  kesuvchi 

asbob  va  zagotovka  go’yo  o’zaro  tishlashgandek  harakatlanadi.  Kesuvchi  asbob 

bilan  tishli  g’ildirak  zagotovkasining  o’zaro  bunday  kontaktda  harakatlanishi 

g’ildirakka  tishlar  kesish  jarayonida  biror  tur  ilashuvni  (chervyakli  juft,  reyka  va 

silindrik shesternya, silindrik shesternyalar juftini) eslatadi, ammo bu usul maxsus 

tish  kesish  dastgohlari  bo’lishini  talab  etadi.  Obkatkalash    usulining  nusxalash 

usuliga qaraganda quyidagi  afzalliklarga ega:  

  kesiladigan tishlar juda aniq chiqadi; 

  ish unumi yuqori;  

  ishlov berilgan yuzaning g’adir-budurligi (tozaligi) sifatli bo’lib, IT5-

IT6 - sinfga to’g’ri keladi;  

  muayyan  biror  modulli  kesuvchi  asbob  bilan  o’sha  modulli,  ammo 

istalgancha tishli shesternyalar tayyorlash mumkin. 

Tish kesish asbobi quyidagi kamchiliklarga ega: 

a)  kesish  jarayonida  kesib  olinadigan  material  qatlamining  kesimi  o’zgaruvchan 

bo’ladi; 

b)  kesish  jarayonida  freza  tishi  kesuvchi  qismining  ayrim  qismlariga  tushadigan 

yuklanish bir xil bo’lmaydi; 

v)  freza  tishi  chiqiqlarining  aylanasidan  botiqlarining  aylanasigacha  kesish tezligi 

o’zgarib turadi; 

g) eng qulay kesish burchaklari (oldingi burchak - 

γ va ketingi burchak - α ) freza 

ishining  unumiga  qarab  emas,  balki  tish  shakli  aniqligining  saqlanish  shartiga  va 

ko’p marta qayta charxlash mumkin bo’lishiga qarab tanlanadi.