15-тема. Халықты социаллық ҚОРҒАЎ системасы

6.1-кесте
Ағымдағы мийнет базарының тийкарғы көрсеткишлери

Жыллар	Жумыс Излеп атырғанлар сыпатында дизимнен өткенлер, мың адам	Жумысқа жайласқанлар, мың адам	Жумыс пенен тәмийинленген-лердиң дизимге алынғанлар санындағы салмағы, процентте	Есабат дәўири ақырында жумыссызлар саны, мың адам
2011	421,4	280,6	66,6	35,4
2012	462,8	318,1	68,7	37,5
2013	448,2	322,2	71,9	34,8
2014	430,5	317,4	73,7	32,2
2015	425,0	323,7	76,2	34,9
2016	410,3	325,1	79,8	27,7
2017	391,5	320,7	81,9	25,5
2018	563,8	487,0	86,4	23,2
2019	567,7	548,9	96,7	25,8
2020	658,3	566,3	86,2	20,1

Дерек: Өзбекстан Республикасы Мийнет ҳәм халықты социаллық қорғаў министрлиги мағлыўматлары.

6.1-кестеден көринип турғанындай, 2011-2020 жыллар даўамында жумыс излеп атырғанлар сыпатында дизимнен өткенлер саны 421,4 мың адамнан 658,3 мың адамға, соның менен бирге, жумысқа жайласқанлар муғдары 280,6 мың адамнан 566,3 мың адамға өскен. Буған байланыслы ҳалда жумыс пенен тәмийинленгенлердиң дизимге алынғанлар санындағы үлеси 66,6 проценттен 86,2 процентке шекем өскен ҳәмде бул, өз гезегинде жумыссызлар санының 35,4 мың адамннан 20,1 мың адамға кемейиўине алып келген.

Айтыў керек, Бәнтликке жәрдемлесиўши ҳәм халықты социаллық қорғаў орайларында жумыс излеп атырғанлар сыпатында дизимнен өткенлердиң ең көп муғдары Ташкент қаласы, Хорезм, Наўайы ҳәм Кашқадәрья областларына тийисли. Ағымдағы мийнет базарын тийкарынан аўыл халқы қурайды, бул аўыллық жерлерде жумыс пенен бәнтлик жағдайы жүдә қыйын (tаng) жағдайда екенлигинен дерек береди. 2019-жылда Бәнтликке жәрдемлесиўши ҳәм халықты социаллық қорғаў орайларында дизимге алынғанлардың улыўма санында аўыл халқын 72,1%ти қурайды. Бирақ, бул үлес анализленетуғын дәўирде өсиўин тоқтатқан ҳалда бир қанша турақласты. Аўыл халқының үстинлиги жумыс күши усынысын қураўшы халықтың барлық қатламына тийисли.
Соны да айтыў керек, Өзбекстанда жумыс пенен бәнт болған халықтың экономика тармақларында бәнтлигинде де өзгерислер жүз бермекте (6.2-кесте).
Төменде келтирилген 6.2-кесте мағлыўматлары анализинен көринип турғанындай, экономикада бәнт болған халықтың салмақлы бөлими аўыл ҳәм тоғай хожалығы тармағында бәнт. Бул тармақта 2017-жылда жәми экономикада бәнтлердиң 30,7% ямаса 3043 мың адам бәнт болған.