15-mavzu. Xizmatlar sohasi

2016-yilda bozor xizmatlari ishlab chiqarishning faoliyat turlari bo'yicha taqsimlanishi

	Mlrd. so’m	O'tgan yilga nisbatan, %	Umumiy hajmga nisbatan, %
Jami xizmatlar	92536,0	114,9	100
Aloqa va axborotlashtirish xizmatlari	6306,8	114,6	6,8
Moliyaviy xizmatlar	9898,4	119,8	10,4
Transport xizmatlari	26103,7	106,0	28,2
Shu jumladan avtotransport xizmatlari	14701,4	116,7	15,9
Yashash va ovqatlanish xizmatlari	3038,7	121,1	3,3
Savdo xizmatlari	27368,2	120,5	29,6
Ko'chmas mulk bilan bog'liq xizmatlar	3405,1	117,5	3,7
Ta'lim sohasidagi xizmatlar	3263,0	107,8	3,5
Sog'liqni saqlash sohasidagi xizmatlar	1416,3	122,2	1,5
ljara xizmatlari	2270,1	117,6	2,5
Kompyuter va maishiy tovarlarni ta’mirlash bo'yicha xizmatlar	2187,9	115,6	2,4
Shaxsiy xizmatlar	2915,5	113,8	3,1
Me'morchilik, muhandislik izlanishlari, texnik sinovlar va tahlil sohasidagi xizmatlar	1132,6	115,3	1,2
Boshqa xizmatlar	3229,7	114,9	3,5

2016-yilda bozor xizmatlari ko'rsatish hajmi 14,9 foizga o'sdi. Har yili yaratilayotgan yangi ish o'rinlarining, avvalambor, kasb-hunar kollejlari bitiruvchilari uchun tashkil etilayotgan ish o'rinlarining uchdan bir qismidan koprog'i aynan mazkur soha hissasiga to'g'ri kelmoqda.
O'zbekistonda Internet xizmatidan foydalanuvchilar soni 2016-yil 1-iyul holatiga ko'ra, 15,4 million kishidan oshdi. Respublikamizda Internetning o'tkazuvchanlik darajasi 4 barobar oshirildi, Internetga ulanish tezligi esa 1,5 marta ortdi.
2016-yilda 500 dan ortiq yangi bazaviy mobil aloqa stansyalari o'rnatildi, mobil aloqa xizmatidan foydalanuvchilar soni qariyb 23 million kishini tashkil etmoqda. 2016-yilning o'zida abonentlarga ko'rsatilayotgan xizmatlar hajmi qariyb 15,4 foiz-ga ko'paydi.
Bozor xizmatlari, ayniqsa, transport sohasida yuqori da-rajada konsentratsiyalashmoqda. Mazkur sohada 2017-yil1-yanvar holatiga ko'ra jami 10,9 mingtadan ko'proq korxona faoliyat ko'rsatmoqda, Bu jami faoliyat ko'rsatayotgan korxonalarning 4,1 foizini tashkil etadi.
O'zbekiston xizmatlar bozorida sug'urta, lizing, konsalting xizmatlari segmentining roli kuchaymoqda. Bugungi kunda sug'urta bozorida 33 ta sug'urta kompaniyasi va ularning 890 ta hududiy bo'limlari faoliyat yuritmoqda. 1250 ta sug'urta agentlari - yuridik shaxslar va 5659 ta jismoniy shaxslar sug'urta bozori ishtirokchilari hisoblanadi. 2000-2016-yillarda lizing xizmatlari ko'rsatuvchi kompaniyalar soni 12 tadan 86 taga yetdi, ularning yillik operatsiyalari hajmi esa 14 baravarga ko' paydi.