15-Mavzu < iostream > sinfining oldindan belgilangan ob’ektlari. Oqimdan olish jarayoni (cin), oqimga o‘tkazish operatsiyasi (cout, serr, clog). Fikrlardan foydalaning. Birinchi dastur. Matnli xabar chiqishi Reja

15-Mavzu: Funksiya main ( ), { } dastur bloki haqida tushuncha sinfining oldindan belgilangan obyektlari.
15-Mavzu < iostream > sinfining oldindan belgilangan ob’ektlari. Oqimdan olish jarayoni (cin), oqimga o‘tkazish operatsiyasi (cout, serr, clog). Fikrlardan foydalaning. Birinchi dastur. Matnli xabar chiqishi


Reja:

1. 
   Funksiya main ( )
   
2. 
   { } dastur bloki haqida tushuncha
   
3. 
   sinfining oldindan belgilangan obyektlari
   
4. 
   C++ Dasturi
   
5. 
   Matnli xabar
   

Umuman olganda C/C++ tilida barcha yozuvlar funksiyadan iborat deb qaraladi. Funksiya bu ma’nosiga ko’ra bajariluvchi modul bo’lib hisoblanadi. Funksiyani boshqa dasturlash tillarida qism dastur, prosedura, prosedura funksiya deb yuritiladi. C/C++ tilida funksiya standart formaga asosan quyidagicha ifodalanadi:

funksiya toifasi funksiya nomi (rasmiy parametrlar ro’yxati)
{ funksiya tanasi }
Funksiya toifasi istalgan toifa yoki void (bo’sh) toifa bo’lishi mumkin.
Funksiya nomi istalgan lotin harfi yoki harflaridan iborat bo’lib, xizmatchi so’zlar bilan bir xil bo’lmasligi lozim.
Rasmiy parametrlar ro’yxatida ishlatiladigan parametrlarga mos toifali o’zgaruvchilar toifalari bilan alohida-alohida keltiriladi yoki bu soxa bo’sh bo’lishi ham mumkin. Eslatib o’tish lozimki, funksiya aniqlashtirilayotganda nuqta vergul belgisi qo’yilmaydi.
Funksiya tanasi o’zining figurali qavslariga ega bo’lib, o’zida shu funksiyani tashkil etuvchi operatorlar yoki operatorlar blokini mujassamlashtiradi. Bir funksiya tanasi ichida boshqa funksiya aniqlanishi mumkin emas.
Funksiya tanasidan chiqish
return;
yoki
return ifoda;
ko’rinishida bo’ladi. Agar funksiya hech qanday qiymat qaytarmaydigan, ya’ni toifasi void bo’lsa, birinchi ko’rinishdagi chiqish ishlatiladi. Agar funksiya uning toifasiga mos biror qiymat qaytaradigan bo’lsa, ikkinchi ko’rinishdagi chiqish ishlatiladi.
C++ sistemasi asosan quyidagi qismlardan iborat. Bular dasturni yozish redaktori, C++ tili va standart kutubhonalardir. C++ dasturi ma’lum bir fazalardan o’tadi. Birinchisi dasturni yozish va tahrirlash, ikkinchisi preprosessor amallarini bajarish, kompilyatsiya, kutubhonalardagi ob’ekt va funksiyalarni dastur bilan bog’lash (link), hotiraga yuklash (load) va bajarish (execute).