ustuvor yo`nalishlar.
Tayanch so’z
va iboralar:
O’zbekiston Respublikasi Prezidenti, strategiya, davlat va jamiyat qurilishi,
qonun ustuvorligini ta`minlash va sud-huquq tizim, elektron hukumat, iqtisodiyotni
rivojlantirish, xavfsizlik, millatlararo totuvlik, diniy bag’rikenglik, modernizasiya,
diversifikasiya, liberalizm, debitor.
1. Shiddat bilan rivojlanib borayotgan bugungi dunyoda o`z xalqi va kelajagi
uchun qayg`uradigan har bir davlat yuksak mas`uliyatni anglagan holda o`z
taraqqiyot yo`lini qat`iy belgilan oladi. O`zbekiston ham o`z taraqqiyot yo`lini
“Harakatlar strategiyasi”ga namoyon qildi.
Xoʻsh, strategiya nima? U xalqning maqsadlarini qanday taʼminlaydi?
Tanlagan maqsadlarning istiqbollari nimalarda namoyon boʻladi?
Strategiya – bu taʼlimotni izlash, ifodalash va rivojlantirish tizimi boʻlib, u
izchillik bilan va toʻliq amalga oshirilganda uzoq muddatli muvaffaqiyatni
taʼminlaydi.
XXI asrga kelib strategiya tushunchasi ancha kengaydi. Strategiya deb, dunyo
miqyosida va davlat ichki hayotidagi iqtisodiy, ijtimoiy-siyosiy hamda boshqa
sohalarda vujudga kelgan inqiroziy vaziyatlarni prognozlashtirish va bartaraf etishga
qaratilgan boshqaruvni tashkil etish masalalariga doir tushunchalarni qamrab oladi.
Shundan kelib chiqib, davlat strategiyasi bir biri bilan oʻzaro bogʻliq, lekin alohida
xususiyat kasb etuvchi koʻplab tushunchalarda ifodalanadi.
Strategiyaning asl mohiyatida xalqimizning orzu-umidlari yoʻgʻrilgan
gʻoyalardan tashkil topgan milliy mafkuraning ifodasi yotadi. Mafkuradan nusxa
olib boʻlmaganidek, davlatning strategik maqsadlarini ham boshqa davlat va
xalqlarning tarixiy tajribasidan oʻzlashtirib yoxud nusxa olib boʻlmaydi. Zero, har
bir xalqning oʻziga xos siyosiy-ijtimoiy, demografik, iqtisodiy, madaniy tarixi,
tabiiy resurslari mavjud boʻladi. Aynan shu omillar maʼlum ijtimoiy sharoit va
imkoniyatlarni vujudga keltiradi.
Strategiyani amalga oshirish eng masʼuliyatli jarayon. Agar u real vaziyatni
toʻliq qamrab olgan yaxlit va bir butun reja boʻlsa, uning muvaffaqiyati
taʼminlanadi. Mabodo teskari boʻlsa, unda turgʻunlik yuzaga keladi. Bunga sabab,
notoʻgʻri tahliliy maʼlumotlar, xulosalar, kutilmagan sharoitlar, resurslardan oqilona
foydalana olmaslikdir. Strategiyani baholash va nazorat qilish strategik
rejalashtirishni mantiqiy yakunlovchi omili boʻlib hisoblanadi. U hodisalarning
qayta aloqalanishini taʼminlash jarayonida strukturaviy boʻgʻinlardagi bogʻlanish
imkoniyatlarini tahlil qiladi, baholaydi, aniqlaydi, xulosalar chiqaradi. Zaruratda
strategik rejalarni oʻzgartiradi.
Davlat strategik rejalari aniq va oʻzgarmas tamoyillarga boʻysundirilishi
muhim. Ular islohotlarning bir maromda, izchil yoʻnalishini taʼminlashga xizmat
qiladi. Jumladan, rahbar oʻz vazifalarini amalga oshirishida turli ilmiy sohalardagi
maʼlumotlar va xulosalar bilan qurollanmogʻi, bundan tashqari, improvizatsiya
qilmogʻi, qo`yilgan vazifalar yechimini topishda individual va kreativ
yondashuvlarni tashkil etishi lozim. Mazkur tamoyillar oldin qabul qilingan qarorni
oʻzgartirish ehtimoli yoki oʻzgaruvchan vaziyatdan kelib chiqib, qayta koʻrib
chiqish imkoniyatini berishi zarur.
Ushbu strategiyada davlat va jamiyat qurilishini takomillashtirish, qonun
ustuvorligini ta`minlash va sud-huquq tizimini isloh qilish, iqtisodiyot va ijtimoiy
sohani yanada rivojlantirish, xavfsizlik, millarlararo totuvlik va diniy
bag`rikenglikni ta`minlash, chuqur o`ylangan, o`zaro manfaatli va amaliy ruhdagi
tashqi siyosatni izchil davom ettirish kabi masalalar taraqqiyotimizning asosiy
yo`nalishlari sifatida belgilab olindi.
1. Davlat va jamiyat qurilishi tizimini takomillashtirishning ustuvor
yo’nalishlari
1.1. Demokratik islohotlarni chuqurlashtirish va mamlakatni modernizasiya
qilishda Oliy Majlis, siyosiy partiyalarning rolini yanada kuchaytirish: davlat
hokimiyati tizimida Oliy Majlisning rolini oshirish, uning mamlakat ichki va tashqi
siyosatiga oid muhim vazifalarni hal etish hamda ijro hokimiyati faoliyati ustidan
parlament nazoratini amalga oshirish bo’yicha vakolatlarini yanada kengaytirish;
Qabul qilinayotgan qonunlarning amalga oshirilayotgan ijtimoiy-siyosiy,
ijtimoiy-iqtisodiy va sud-huquq islohotlari jarayoniga ta’sirini kuchaytirishga
yo’naltirgan holda qonun ijodkorligi faoliyati sifatini tubdan oshirish;
Siyosiy tizimni rivojlantirish, davlat va jamiyat hayotida siyosiy
partiyalarning rolini kuchaytirish, ular o’rtasida sog’lom raqobat muhitini
shakllantirish.
1.2. Davlat boshqaruvi tizimini isloh qilish:
Davlat boshqaruvini markazlashtirishdan chiqarish, davlat xizmatchilarining
kasbiy tayyorgarlik, moddiy va ijtimoiy ta’minot darajasini oshirish hamda
iqtisodiyotni tartibga solishda davlat ishtirokini bosqichma-bosqich qisqartirish
orqali davlat boshqaruvi va davlat xizmati tizimini isloh qilish;
– mamlakatni ijtimoiy-siyosiy va ijtimoiy-iqtisodiy rivojlantirish bo’yicha
vazifalarni amalgam oshirishda o’zaro manfaatli hamkorlikning samarasini
oshirishga qaratilgan davlat xususiy sheriklikning zamonaviy mexanizmlarini joriy
etish;
– Davlat hokimiyati va boshqaruvi organlari faoliyatining ochiqligini
ta’minlash, jismoniy va yuridik shaxslarning huquq va erkinliklari hamda qonuniy
manfaatlariga oid axborotni taqdim qilishning zamonaviy shakllarini joriy etish;
– «Elektron hukumat» tizimini takomillashtirish, davlat xizmatlari
ko’rsatishning samarasi, sifatini yuksaltirish va bu xizmatdan aholi hamda
tadbirkorlik sub’ektlari tomonidan foydalanish imkoniyatini oshirish.
1.3. Jamoatchilik boshqaruvi tizimini takomillashtirish:
– xalq bilan muloqotning samarali mexanizmlarini joriy etish;
– jamoatchilik nazoratini amalga oshirishning zamonaviy shakllarini
rivojlantirish, ijtimoiy sheriklikning samarasini oshirish;
– fuqarolik jamiyati institutlarini rivojlantirish, ularning ijtimoiy va siyosiy
faolligini oshirish;
– mahalla institutining jamiyat boshqaruvidagi o’rni va faoliyati
samaradorligini oshirish;
– ommaviy axborot vositalarining rolini kuchaytirish, jurnalistlarning kasbiy
faoliyatini himoya qilish.
Davlat dasturining birinchi bo`limida 50 dan ortiq normativ-huquqiy
hujjatlar, shuningdek konsepsiya va “Yo`l xaritalari” ishlab chiqish bilan bog`liq 53
ta bandni o`z ichiga olgan. 2017 yilni o`zida 3 ta qonun, 12 ta O`zbekiston
Respublikasi Prezidenti farmonlari, 22 ta O`zbekiston Respublikasi Prezidenti
qarorlari, 1 ta O`zbekiston Respublikasi Prezidenti farmoyishi va 43 ta O`zbekiston
Respublikasi Vazirlar Mahkamasi qarorlari qabul qilindi.
O`zbekistonda davlat boshqaruvi sohasidagi islohotlar ham aynan, oliy
vakillik tarmog`i bo`lmish, Parlamentni isloh qilishdan boshlandi.
Birinchi navbatda, milliy Parlament va siyosiy partiyalarning roli yanada
kuchaytirildi. Oliy Majlis palatalari faoliyatida eng muhim o`zgarish – bu Parlament,
shuningdek deputat va senatorlarning faqat kiritilgan qonun loyihalarini ko`rib
chiqish bilan cheklanmasdan, bevosita joylarga borib, xalqning turmush darajasidan
xabar olish, uni qiynayotgan muammolarni tizimli tahlil qilish va hal etishda ishtirok
etishlari bo`ldi.
Toshkent shahrida tumanlar darajasida xalq deputatlari kengashlari ta`sis
etildi. Natijada, Toshkent shahri aholisi ham o`z vakillari – deputatlar orqali
tumanlarni boshqarishda ishtirok etish imkoniyatiga ega bo`ldi.
Davlat xizmatlaridan aholi hamda tadbirkorlar foydalanishining eng qulay
imkoniyatlarini yaratish maqsadida electron davlat xizmatlarining soni oshirildi.
Davlat xizmatlari ko`rsatish milliy tizimining aholi va tadbirkorlik sub`ektlari
ehtiyojlarini to`liq qanoatlantiradigan sifat jihatidan yangi darajaga o`tishi ayrim
tizimli muammolarni bartaraf etish maqsadida O`zbekiston Respublikasi
Prezidentining 2017 yil 12 dekabr kuni “Aholiga davlat xizmatlari ko`rsatishning
milliy tizimini tubdan isloh qilish chora-tadbirlari to`g`risida”gi Farmoni va
“O`zbekiston Respublikasi Adliya vazirligi huzuridagi Davlat xizmatlari agentligi
faoliyatini tashkil etish to`g`risida”gi qarori qabul qilindi.
Mazkur qaror davlat xizmatlarining sifati, tezkorligi, shaffofligi va
foydalanish imkonini tubdan oshirish bo`yicha komplekt tashkiliy-huquqiy chora-
tadbirlarni, “Xalq davlat idoralariga emas, davlat idoralari xalqimizga xizmat qilishi
kerak” degan ulug`vor g`oya xizmatlar ko`rsatish sohasida “Fuqarolar emas,
hujjatlar harakatlanadi” degan muhim tamoyilni joriy etish imkonini beradi.
O`zbekiston Respublikasi Adliya vazirligi huzuridagi Davlat xizmatlari
agentligi va uning hududiy bo`linmalari tashkil etildi. Shu farmon bilan 2018-2020
yillarda bosqichma bosqich joriy etiladigan, “yagona darcha” tamoyili bo`yicha
faqat Davlat xizmatlari markazlari orqali ko`rsatiladigan 58 ta davlat xizmatlari
tasdiqlandi.
Ularning qatorida uy-joylarning suv ta`minoti, kanalizatsiya, issiqlik
ta`minoti va boshqa bir necha xizmatlar mavjud.
Fuqarolarning o`zini-o`zi boshqarish organlari faoliyati samaradorligini
oshirish hamda mahalla institutini aholiga eng yaqin va xalqchil tuzilmaga
aylantirish maqsadida O`zbekiston Respublikasi Prezidentining 2017 yil 3
fevraldagi
“Mahalla institutini yanada takomillashtirish chora-tadbirlari
to`g`risida”gi Farmoni qabul qilindi. Mazkur farmonga muvofiq mahalla xodimlari
soni 2 barobarga ko`paytirildi, 400 dan ortiq mahalla binolari qurildi, rekonstruksiya
qilindi va ta`mirlandi.
Fuqarolarning o`zini-o`zi boshqarish organlarida tegishli vazifalarni amalgam
oshirishda munosib hissa qo`shgan tashabbuskor fuqarolar va jamoatchilik
tuzilmalari vakillarini rag`batlantirish maqsadida “Mahalla iftixori” ko`krak nishoni
ta`sis etildi.
Aholining murojaatlari bilan ishlash samaradorligini oshirish, ehtiyojlarini
yaxshi bilish va hal qilish maqsadida O`zbekiston Respublikasi Prezidentining
Virtual va Xalq qabulxonalari tashkil etildi.
Jismoniy va yuridik shaxslardan kelib tushgan murojaatlar tizimli ravishda
tahlil qilinib, mavjud muammolarni hamda aniqlangan qonun buzilishi holatlarini
bartaraf etish yuzasidan zarur choralar ko`rib kelinmoqda.
2. Qonun ustuvorligini ta’minlash va sud-huquq tizimini yanada isloh
qilishning ustuvor yo’nalishlari
2.1. Sud hokimiyatining chinakam mustaqilligini ta’minlash, sudning
nufuzini oshirish, sud tizimini demokratlashtirish va takomillashtirish:
sud yalar va sud apparati xodimlarining mavqeini, moddiy rag’batlantirish va
ijtimoiy ta’minot darajasini oshirish, sudlarning moddiy-texnika bazasini
mustahkamlash;
sudyalarga g’ayriqonuniy tarzda ta’sir o’tkazishga yo’l qo’ymaslik bo’yicha
ta’sirchan choralar ko’rish;
sudning mustaqilligi va beg’arazligi, sud prosessida tomonlarining tortishuvi
va tenghuquqlik tamoyillarini har tomonlama tatbiq etish;
«Xabeas korpus» institutini qo’llash sohasini kengaytirish, tergov ustidan sud
nazoratini kuchaytirish;
sudlarni yanada ixtisoslashtirish, sud apparatini mustahkamlash;
sudlar faoliyatiga zamonaviy axborot-kommunikasiya texnologiyalarini joriy
etish.
2.2. Fuqarolarning huquq va erkinliklarini ishonchli himoya qilish
kafolatlarini ta’minlash:
fuqarolarning murojaatlarini o’z vaqtida hal etish, murojaatlarni ko’rib
chiqishda
sansalorlik, rasmiyatchilik va loqayd munosabatda bo’lish holatlariga yo’l
qo’yganlik uchun javobgarlikning muqarrarligini ta’minlash, shuningdek, buzilgan
huquqlarni tiklashning barcha zarur choralarini ko’rish;
sud, huquqni muhofaza qiluvchi va nazorat idoralari faoliyatida fuqarolarning
huquq va erkinliklarini ishonchli himoya qilish kafolatlarini ta’minlash;
fuqarolarning xususiy mulkka bo’lgan huquqlarini amalga oshirish
kafolatlarini mustahkamlash;
fuqarolarning odil sudlovga to’sqinliksiz erishishini ta’minlash;
sud hujjatlari va boshqa organlar hujjatlari ijrosi samaradorligini oshirish.
2.3. Ma’muriy, jinoyat, fuqarolik va xo’jalik qonunchiligini takomillashtirish:
jinoyat
va
jinoyat-prosessual
qonunchiligini
takomillashtirish
va
liberallashtirish, alohida jinoiy qilmishlarni dekriminallashtirish, jinoiy jazolar va
ularni ijro etish tartibini insonpapvaplashtirish;
odil sudlovni amalga oshirish samaradorligi va sifatini oshirish, ma’muriy,
jinoyat,
fuqarolik va xo’jalik sud ish yurituvining prosessual asoslarini
takomillashtirish;
jinoyat, fuqarolik va xo’jalik ishlarini ko’rib chiqish tartibini
takomillashtirish, bir-birini takrorlaydigan vakolat va instansiyalarni qisqartirish;
elektron tartibda sud va ijro ishini yuritishning zamonaviy shakl va usullarini
joriy etish.
2.4. Jinoyatchilikka qarshi kurashish va huquqbuzarliklarning oldini olish
tizimini takomillashtirish:
jinoyatchilikka qarshi kurashish va huquqbuzarliklarning oldini olish
borasidagi
faoliyatni muvofiqlashtirishning samaradorligini oshirish;
diniy ekstremizm va terrorizmga, uyushgan jinoyatchilikning boshqa
shakllariga qarshikurashish bo’yicha tashkiliy-amaliy choralarni kuchaytirish;
korrupsiyaga qarshi kurashishning tashkiliy-huquqiy mexanizmlarini
takomillashtirish va korrupsiyaga qarshi kurashish tadbirlarining samaradorligini
oshirish;
aholining huquqiy madaniyati va ongini yuksaltirish, bu borada davlat
tuzilmalarining fuqarolik jamiyati institutlari, ommaviy axborot vositalari bilan
o’zaro samarali hamkorligini tashkil etish.
2.5. Sud-huquq tizimida qonuniylikni yanada mustahkamlash:
huquqni muhofaza qiluvchi va nazorat idoralari ishini samarali rejalashtirish
va uning natijalarini tahlil qilish, tizimli huquqbuzarliklarni aniqlash hamda ularga
imkoniyat yaratayotgan sabab va sharoitlarni bartaraf etish;
sud, huquqni muhofaza qiluvchi va nazorat idoralari xodimlarini o’qitish,
tanlash, tayyorlash, qayta tayyorlash va malakasini oshirish, rotasiya qilish tizimini
takomillashtirish;
huquqni muhofaza qiluvchi va nazorat idoralari xodimlari orasida
huquqbuzarliklarni oldini olish, profilaktika qilish va bartaraf etish bo’yicha
idoraviy nazoratning zamonaviy mexanizmlarini joriy etish;
huquqni muhofaza qiluvchi va nazorat idoralari faoliyati ustidan jamoatchilik
nazorati mexanizmlari samaradorligini oshirish, fuqarolarning huquqni muhofaza
qilish tizimiga bo’lgan ishonchini mustahkamlash.
2.6. Yuridik yordam va xizmat ko’rsatish tizimini takomillashtirish:
davlat organlarining yuridik xizmati faoliyati samaradorligini oshirish;
advokatura institutini rivojlantirish, jinoyat, fuqarolik, ma’muriy va xo’jalik
ishlarini ko’rib chiqishda advokatlarning rolini oshirish;
notariat va fuqarolik holatlari dalolatnomalarini yozish organlari tizimini isloh
qilish.
“Sud xalqparvar bo`lmaguncha tizim takomillashaveradi. Bundan buyon
sudyalarga xalqning o`zi baho beradi. Tanqidiy tahlil, qat`iy tartib-intizom va
shaxsiy javobgarlik bugungi kunda davlat organlarida faoliyat ko`rsatayotgan
barcha insonlar qatori sudyalar faoliyatining ham kundalik qoidasi bo`lib qolish
zarur” – deb ta`kidlagan Sh. M. Mirziyoyev.
Davlat dasturining II bo`limida 60 dan ortiq normativ-huquqiy hujjatlarni,
shuningdek konsepsiyalar va “yo`l haritalari”ni ishlab chiqishni o`z ichiga olgan 71
ta chora-tadbirdan iborat 63 ta bandni amalga oshirish nazarda tutilgan.
Sud tizimini isloh qilish doirasida O`zbekiston Respublikasi Oliy sudi va Oliy
xo`jalik sudi birlashtirildi, zamon talablariga mos bo`lgan sud korpusini
shakllantirish maqsadida Sudyalar oliy kengashi tashkil etildi.
Sudyalar vakolat muddatining ilk besh va o`n yillik davri o`tganidan so`ng
lavozimda muddatsiz bo`lish amaliyoti joriy qilindi.
O`zbekiston Respublikasi Oliy sudining Harbiy hay`ati tugatilib, O`zbekiston
Respublikasi Oliy sudining ma`muriy ishlar bo`yicha sudlov hay`ati tashkil etildi.
Sud-tergov amaliyotida dalillarni to`plash va baholashda qonuniylik va
xolislikni ta`minlashga to`sqinlik qiladigan holatlarni bartaraf etish maqsadida
O`zbekiston Respublikasi Prezidentining “Sud-tergov faoliyatida fuqarolarning
huquq va erkinliklari kafolatlarini kuchaytirish bo`yicha qo`shimcha chora-tadbirlar
to`g`risida” Farmoni qabul qilindi.
Qonun ustuvorligini ta`minlash maqsadida korrupsiya va jinoyatchilikka
qarshi kurashish, shuningdek huquqbuzarlikni oldini olish masalalarini samarali
yechish davlatimizning ustuvor vazifalarimizdan biri bo`lib qoldi.
“Korrupsiyaga qarshi kurashish nafaqat huquqni muhofaza qiluvchi yoki
boshqa davlat organlarining vazifasi, balki har bir fuqaroning asosiy kundalik
vazifasiga aylanmog`i lozim” degan vazifadan kelib chiqib bu sohada aholining
huquqiy ongini oshirish ishlari tizimli ravishda tashkil qilinib kelmoqda.
Davlat rahbari tomonidan “Huquqbuzarlik profilaktikasi va jinoyatchilikka
qarshi kurashish tizimini yanada takomillashtirish chora-tadbirlari to`g`risida”gi
qarorning qabul qilinishi ham huquqbuzarlikni oldini olish va unga qarshi
kurashishda muhim ahamiyat kasb etdi. Unga muvofiq, jinoyatni aniqlab, shaxsni
jazolash emas, balki har qanday qonun buzilishlarini barvaqt oldini olish – barcha
huquqni muhofaza qiluvchi organlarning asosiy vazifasi etib belgilandi.
Jamiyatda kriminogen vaziyatni yaxshilash hamda huquqbuzarlikni oldini
olish maqsadida haftaning har payshanba kuni “Huquqbuzarlik profilaktikasi kuni”
deb belgilandi.
Ichki ishlar organlari tizimi tubdan isloh qilindi. Sohani takomillashtirish
hamda ichki ishlar organlari foliyatida to`planib qolgan jiddiy kamchilik va
muammolarni bartaraf etish maqsadida 30 dan ortiq normativ-huquqqiy hujjatlar
qabul qilindi.
Huquqbuzarlikga
qarshi
kurashish
borasida
uchaska
profilaktika
inspektorlarining masuliyatini oshirishga alohida etibor qaratilmoqda. Bunda, asosiy
e`tibor xalq ichida yurgan huquq posbonlarining, ya`ni uchastka profilaktika
inspektorlarining moddiy-ijtimoiy ta`minotiga qaratilib, bugungi kungacha 1 600
dan ortiq inspektorlar avtomabil va turar joy bilan ta`minlandi.
III. Iqtisodiyotni rivojlantirish va liberallashtirishning ustuvor yo’nalishlari
3.1. Makroiqtisodiy barqarorlikni yanada mustahkamlash va yuqori iqtisodiy
o’sish sur’atlarini saqlab qolish:
makroiqtisodiy mutanosiblikni saqlash, qabul qilingan o’rta muddatli
dasturlar asosida tarkibiy va institusional o’zgarishlarni chuqurlashtirish hisobiga
yalpi ichki mahsulotning barqaror yuqori o’sish sur’atlarini ta’minlash;
xarajatlarning ijtimoiy yo’naltirilganini saqlab qolgan holda Davlat
byudjetining barcha darajalarida mutanosiblikni ta’minlash, mahalliy byudjetlarning
daromad qismini mustahkamlashga qaratilgan byudjetlararo munosabatlarni
takomillashtirish;
soliq yukini kamaytirish va soliqqa tortish tizimini soddalashtirish siyosatini
davom ettirish, soliq ma’muriyatchiligini takomillashtirish va tegishli
rag’batlantiruvchi choralarni kengaytirish;
ilg’or xalqaro tajribada qo’llaniladigan instrumentlardan foydalangan holda
pul-kredit siyosatini yanada takomillashtirish, shuningdek valyutani tartibga
solishda zamonaviy bozor mexanizmlarini bosqichma-bosqich joriy etish, milliy
valyutaning barqarorligini ta’minlash;
bank tizimini isloh qilishni chuqurlashtirish va barqarorligini ta’minlash,
banklarning kapitalashuv darajasi va depozit bazasini oshirish, ularning moliyaviy
barqarorligi va ishonchliligini mustahkamlash, istiqbolli investisiya loyihalari
hamda kichik biznes va xususiy tadbirkorlik sub’ektlarini kreditlashni yanada
kengaytirish;
sug’urta, lizing va boshqa moliyaviy xizmatlarning xajmini ularning yangi
turlarini joriy qilish va sifatini oshirish hisobiga kengaytirish, shuningdek kapitalni
jalb qilish hamda korxona, moliyaviy institutlar va aholining erkin resurslarini
joylashtirishdagi muqobil manba sifatida fond bozorini rivojlantirish;
xalqaro iqtisodiy hamkorlikni yanada rivojlantirish, jumladan, etakchi xalqaro
va xorijiy moliyaviy institutlar bilan aloqalarni kengaytirish, puxta o’ylangan tashqi
qarzlar siyosatini amalga oshirishni davom ettirish, jalb qilingan xorijiy investisiya
va kreditlardan samarali foydalanish.
3.2. Tarkibiy o’zgartirishlarni chuqurlashtirish, milliy iqtisodiyotning etakchi
tarmoqlarini
modernizasiya
va
diversifikasiya
qilish
hisobiga
uning
raqobatbardoshligini oshirish:
milliy iqtisodiyotning mutanosibligi va barqarorligini ta’minlash, uning
tarkibida sanoat, xizmat ko’rsatish sohasi, kichik biznes va xususiy tadbirkorlik
ulushini ko’paytirish;
ishlab chiqarishni modernizasiya qilish, texnik va texnologik jihatdan
yangilash, ishlab chiqarish, transport-kommunikasiya va ijtimoiy infratuzilma
loyihalarini amalgam oshirishga qaratilgan faol investisiya siyosatini olib borish;
yuqori texnologiyali qayta ishlash tarmoqlarini, eng avvalo, mahalliy
xomashyo resurslarini chuqur qayta ishlash asosida yuqori qo’shimcha qiymatli
tayyor mahsulot ishlab chiqarishni jadal rivojlantirishga qaratilgan sifat jihatidan
yangi bosqichga o’tkazish orqali sanoatni yanada modernizasiya va diversifikasiya
qilish;
iqtisodiyot tarmoqlari uchun samarali raqobatbardosh muhitni shakllantirish
hamda mahsulot va xizmatlar bozorida monopoliyani bosqichma-bosqich
kamaytirish;
prinsipial jihatdan yangi mahsulot va texnologiya turlarini o’zlashtirish, shu
asosda ichki va tashqi bozorlarda milliy tovarlarning raqobatbardoshligini
ta’minlash;
ishlab chiqarishni mahalliylashtirishni rag’batlantirish siyosatini davom
ettirish hamda, eng avvalo, iste’mol tovarlar va butlovchi buyumlar importining
o’rnini bosish, tarmoqlararo sanoat kooperasiyasini kengaytirish;
iqtisodiyotda energiya va resurslar sarfini kamaytirish, ishlab chiqarishga
energiya tejaydigan texnologiyalarni keng joriy etish, qayta tiklanadigan energiya
manbalaridan foydalanishni kengaytirish, iqtisodiyot tarmoqlarida mehnat
unumdorligini oshirish;
faoliyat ko’rsatayotgan erkin iqtisodiy zonalar, texnoparklar va kichik sanoat
zonalari samaradorligini oshirish, yangilarini tashkil etish;
xizmat ko’rsatish sohasini jadal rivojlantirish, yalpi ichki mahsulotni
shakllantirishda xizmatlarning o’rni va ulushini oshirish, ko’rsatilayotgan xizmatlar
tarkibini, eng avvalo, ularning zamonaviy yuqori texnologik turlari hisobiga tubdan
o’zgartirish;
turizm industriyasini jadal rivojlantirish, iqtisodiyotda uning roli va ulushini
oshirish, turistik xizmatlarni diversifikasiya qilish va sifatini yaxshilash, turizm
infratuzilmasini kengaytirish;
eksport faoliyatini liberallashtirish va soddalashtirish, eksport tarkibini va
geografiyasini diversifikasiya qilish, iqtisodiyot tarmoqlari va hududlarning eksport
salohiyatini kengaytirish va safarbar etish;
yo’l-transport infratuzilmasini yanada rivojlantirish, iqtisodiyot, ijtimoiy
soha, boshqaruv tizimiga axborot-kommunikasiya texnologiyalarini joriy etish.
3.3. Qishloq xo’jaligini modernizasiya qilish va jadal rivojlantirish:
tarkibiy o’zgartirishlarni chuqurlashtirish va qishloq xo’jaligi ishlab
chiqarishini izchil rivojlantirish, mamlakat oziq-ovqat xavfsizligini yanada
mustahkamlash, ekologik toza mahsulotlar ishlab chiqarishni kengaytirish, agrar
sektorning eksport salohiyatini sezilarli darajada oshirish;
paxta va boshoqli don ekiladigan maydonlarni qisqartirish, bo’shagan erlarga
kartoshka, sabzavot, ozuqa va yog’ olinadigan ekinlarni ekish, shuningdek, yangi
intensiv bog’ va uzumzorlarni joylashtirish hisobiga ekin maydonlarini yanada
optimallashtirish;
fermer xo’jaliklari, eng avvalo, qishloq xo’jaligi mahsulotlarini ishlab
chiqarish bilan bir qatorda, qayta ishlash, tayyorlash, saqlash, sotish, qurilish ishlari
va xizmatlar ko’rsatish bilan shug’ullanayotgan ko’p tarmoqli fermer xo’jaliklarini
rag’batlantirish va rivojlantirish uchun qulay shart-sharoitlar yaratish;
qishloq xo’jaligi mahsulotlarini chuqur qayta ishlash, yarim tayyor va tayyor
oziq-ovqat hamda qadoqlash mahsulotlarini ishlab chiqarish bo’yicha eng
zamonaviy yuqori texnologik asbob-uskunalar bilan jihozlangan yangi qayta ishlash
korxonalarini qurish, mavjudlarini rekonstruksiya va modernizasiya qilish bo’yicha
investisiya loyihalarini amalga oshirish;
qishloq xo’jaligi mahsulotlarini saqlash, tashish va sotish, agrokimyo,
moliyaviy va boshqa zamonaviy bozor xizmatlari ko’rsatish infratuzilmasini yanada
kengaytirish;
sug’oriladigan erlarning meliorativ holatini yanada yaxshilash, meliorasiya va
irrigasiya ob’ektlari tarmoqlarini rivojlantirish, qishloq xo’jaligi ishlab chiqarish
sohasiga intensiv usullarni, eng avvalo, suv va resurslarni tejaydigan zamonaviy
agrotexnologiyalarni joriy etish, unumdorligi yuqori bo’lgan qishloq xo’jaligi
texnikasidan foydalanish;
kasallik va zararkunandalarga chidamli, mahalliy er-iqlim va ekologik
sharoitlarga moslashgan qishloq xo’jaligi ekinlarining yangi seleksiya navlarini
hamda yuqori mahsuldorlikka ega hayvonot zotlarini yaratish va ishlab chiqarishga
joriy etish bo’yicha ilmiy-tadqiqot ishlarini kengaytirish;
global iqlim o’zgarishlari va Orol dengizi qurishining qishloq xo’jaligi
rivojlanishi hamda aholining hayot faoliyatiga salbiy ta’sirini yumshatish bo’yicha
tizimli chora-tadbirlar ko’rish.
3.4. Iqtisodiyotda davlat ishtirokini kamaytirish, xususiy mulk huquqini
himoya qilish va uning ustuvor mavqeini yanada kuchaytirish, kichik biznes va
xususiy tadbirkorlik rivojini rag’batlantirishga qaratilgan institusional va tarkibiy
islohotlarni davom ettirish:
xususiy mulk huquqi va kafolatlarini ishonchli himoya qilishni ta’minlash,
xususiy tadbirkorlik va kichik biznes rivoji yo’lidagi barcha to’siq va cheklovlarni
bartaraf etish, unga to’liq erkinlik berish, “Agar xalq boy bo’lsa, davlat ham boy va
kuchli bo’ladi” degan tamoyilni amalga oshirish;
kichik biznes va xususiy tadbirkorlikni keng rivojlantirish uchun qulay
ishbilarmonlik muhitini yaratish, tadbirkorlik tuzilmalarining faoliyatiga davlat,
huquqni muhofaza qiluvchi va nazorat idoralari tomonidan noqonuniy
aralashuvlarning qat’iy oldini olish;
davlat mulkini xususiylashtirishni yanada kengaytirish va uning tartib-
taomillarini
soddalashtirish,
xo’jalik
yurituvchi
sub’ektlarning
ustav
jamg’armalarida davlat ishtirokini kamaytirish, davlat mulki xususiylashtirilgan
ob’ektlar bazasida xususiy tadbirkorlikni rivojlantirish uchun qulay shart-sharoitlar
yaratish;
investisiya muhitini takomillashtirish, mamlakat iqtisodiyoti tarmoqlari va
hududlariga xorijiy, eng avvalo, to’g’ridan-to’g’ri xorijiy investisiyalarni faol jalb
qilish;
korporativ boshqaruvning zamonaviy standart va usullarini joriy etish,
korxonalarni strategik boshqarishda aksiyadorlarning rolini kuchaytirish;
tadbirkorlik sub’ektlarining muhandislik tarmoqlariga ulanishi bo’yicha
tartib-taomil va mexanizmlarni takomillashtirish va soddalashtirish;
mamlakatning ijtimoiy-iqtisodiy rivojlanish jarayonlarini tartibga solishda
davlat ishtirokini kamaytirish, davlat boshqaruvi tizimini markazlashtirishdan
chiqarish va demokratlashtirish, davlat-xususiy sheriklikni kengaytirish, nodavlat,
jamoat tashkilotlari va joylardagi o’zini o’zi boshqarish organlarining rolini oshirish.
3.5. Viloyat, tuman va shaharlarni kompleks va mutanosib ijtimoiy-iqtisodiy
rivojlantirish, ularning mavjud salohiyatidan samarali va optimal foydalanish:
ijtimoiy-iqtisodiy rivojlanishni jadallashtirish, xalqning turmush darajasi va
daromadlarini oshirish uchun har bir hududning tabiiy, mineral-xomashyo, sanoat,
qishloq xo’jaligi, turistik va mehnat salohiyatidan kompleks va samarali
foydalanishni ta’minlash;
hududlar iqtisodiyotini modernizasiya va diversifikasiya qilish ko’llamini
kengaytirish, rivojlanish darajasi nisbatan past bo’lgan tuman va shaharlarni, eng
avvalo, sanoat va eksport salohiyatini oshirish yo’li bilan jadal rivojlantirish
hisobiga mintaqalar ijtimoiy-iqtisodiy rivojlanish darajasidagi farqlarni kamaytirish;
yangi sanoat korxonalari va servis markazlarini tashkil etish, kichik sanoat
zonalarini tashkil qilish, yirik xo’jalik birlashmalarining mablag’larini, banklarning
kreditlarini va xususiy xorijiy investisiyalarni jalb qilish hisobiga kichik shaharlar
va shaharchalarni jadal rivojlantirish;
sanoat va xizmatlar ko’rsatish sohasini jadal rivojlantirish hisobiga
subvensiyaga qaram tuman va shaharlarni kamaytirish va mahalliy byudjetlarning
daromad bazasini kengaytirish;
sanoat korxonalari va boshqa ishlab chiqarish ob’ektlarini joylashtirishga
qulay shartsharoitlar yaratish, xususiy tadbirkorlikni keng rivojlantirish hamda
aholining turmush sharoitini yaxshilash maqsadida hududlarning ishlab chiqarish,
muhandiskommunikasiya va ijtimoiy infratuzilma tarmoqlarini yanada rivojlantirish
va modernizasiya qilish.
Davlat dasturining III bo`limiga ko`ra 70 dan ortiq normativ-huquqqiy
hujjatlarni, shuningdek konsepsiyalar va “yo`l xaritalari”ni ishlab chiqishni o`z
ichiga olgan 105 ta chora-tadbirdan iborat 77 ta bandni amalga oshirish ko`zda
tutilgan.
Harakatlar strategiyasiga muvofiq iqtisodiy rivojlanish, avvalo, aholining
hayot darajasi va sifatini oshirishga qaratilgan yangi bosqichga o`tdi. Amalga
oshirilgan barcha islohotlar “Inson manfaatlari va farovonligi hamma narsadan
ustun” degan tamoyilga asoslanadi.
Bu borada, eng avvalo, mamlakatimizda makraiqtisodiy barqarorlikni yanada
mustahkamlash, qat`iy pul-kredit siyosatini yuritish, milliy valyuta va ichki
bozordagi narxlar barqarorligini ta`minlash, soliq-byudjet islohotlarini olib borishga
e`tibor qaratildi.
Valyuta bozorini liberallashtirish bo`yicha aniq maqsadga yo`naltirilgan
kompleks chora-tadbirlar amalga oshirildi va 2017 yil 5 sentyabrdan milliy
valyutamiz – so`mning erkin ayirboshlanishi ta`minlandi.
Fuqarolarga chet elda ta`lim olish yoki davolanish, turizm, biznes va boshqa
maqsadlar uchun valyuta mablag`larini hech qanday to`siqlarsiz qonuniy sotib olishi
va sotish imkoni yaratildi.
Inflyatsiya darajasi hamda ichki bozorda iste`mol tovarlar narxlarining
barqarorligini nazorat qilish kuchaytirildi. Ushbu maqsadda resurs bazasi 100
million dollorga teng ichki iste`mol bozorida narx-navoni barqarorlashtirish
jamg`armasi tashkil etildi.
Tashqi savdoni liberallashtirish va samarador bozor iqtisodiyotini yaratish
maqsadida bojxona to`lovlari stavkalari ikki barobar pasaytirildi.
Ichki bozor uchun zarur bo`lgan 8 ming turdan ziyod import tovarlari uchun
bojxona to`lovlari keskin pasaytirildi, jumladan, import boji bo`yicha 3 550 ta va
aksiz solig`i bo`yicha 1 122 ta maxsulotlarga nisbatan nol darajali stavkalar
belgilandi.
Iqtisodiyotni isloh qilishning yana bir o`ziga ustuvor yo`nalishi, bu davlatning
iqtisodiyotdagi ishtirokini qisqartirish, iqtisodiyotda xususiy sektorning o`rni va
ahamiyatini oshirishdir.
Kichik biznes va xususiy tadbirkorlikning keng rivojlantirish uchun qulay
sharoit yaratish va ishbilarmonlik mihitini yanada yaxshilash borasida hammaga
yaxshi ma`lum bo`lgan “Agar xalq boy bo`lsa, davlat ham boy va kuchli bo`ladi”
tamoyiliga asoslanildi.
Erkin iqtisodiy zonalar tashkil etildi, texnoparklar, kichik sanoat
hududlarining tashkil qilinishi to`g`ridan-to`g`ri chet el investitsiyalarini jalb qilish,
yangi yuqori texnologik ishlab chiqarishni tashkil qilish, hududlarning tabiiy-
iqtisodiy salohiyatidan samarali foydalanishning omili bo`ldi. 11 tadan ortiq
iqtisodiy zonalar tashkil etildi.
Milliy valyutaning tezkor o`zgarishining salbiy oqibatlarini yumshatish
maqsadida iqtisodiyotning bazaviy tarmoqlari korxonalariga moliyaviy yordam
berish bo`yicha tegishli qonun hujjatlari qabul qilindi. Xususan, neft, gaz, kimyo va
energetika tarmoqlari korxonalarining yillar mobaynida to`planib qolgan debitorlik
va kreditorlik qarzdorliklari kamaytirildi, neft mahsulotlari bo`yicha hisoblangan
aksiz solig`i neftni qayta ishlash zavodlariga qoldirildi.
Yangi tashkil etilgan sanoat korxonalarida yetti mingdan ortiq ishlab
chiqarish quvvatlari foydalanishga topshirildi, yuzdan ortiq yangi turdagi
mahsulotlar ishlab chiqarish o`zlashtirildi. Natijada qayta ishlash sanoatining jami
soatdagi ulushi 80 foizdan ortiqni tashkil etdi, mehnat unumdorligi qariyb 6 foizga
oshdi.
Agrar sektorni modernizatsiya va intensiv rivojlantirish, qishloq xo`jaligini
yanada isloh qilish va mamalakat oziq-ovqat xavfsizligini mustahkamlash borasida
muayyan ishlar amalga oshirildi.
O`zbekiston 2017-2020 yillarda yanada rivojlantirish bo`yicha harakatlar
strategiyasida barcha sohalar qatori qishloq xo`jaligini ham modernizatsiya qilish
borasida eng muhim vazifalar aniq belgilanib, ularni izchil amalga oshirib
borilayotgan sohadagi ulkan muvaffaqiyatlarga asos bo`lib xizmat qilmoqda.
2017 yilning o`zida qishloq xo`jaligi sohasiga oid 5 ta qonun, 20 dan ortiq
farmon va qaror qabul qilindi. 2 ta yangi qo`mita va 3 ta uyushma tuzildi. Qishloq
va suv xo`jaligi vazirligi faoliyati tubdan takomillashtirildi.
Lalmi yerlarda tomchilab sug`orishni tashkil etish orqali grek yong`og`i va
pista yetishtirish bo`yicha ilg`or texnologiyalar o`zlashtirildi. 570 gektar maydonda
7, 4 mingta issiqxona tashkil etildi.
Chorvachilik tarmog`ini rivojlantirish dasturlari doirasida baliq, asal
yetishtiriladigan, parranda, echki, qoramol boqiladigan ko`plab xo`jaliklar faoliyati
yo`lga qo`yildi. Zotdor qorabayir otlarini ko`paytirish va ot sportini rivojlantirish
maqsadida Qashqadaryoda yangi yilqichilik kompleksi tashkil etildi.
Chorvachilik va parrandachilikni rivojlantirish bo`yicha 3 mingdan ortiq
loyiha amalga oshirildi. Baliqchilik sohasini tiklash uchun “O`zbekbaliqsanoat”
uyushmasi tashkil etildi. Uning tizimiga 3 ming 600 ta baliqchilik xo`jaligi kiritildi.
Pillachilikda yuqori hosil olish muhim ahamiyatga ega bo`lgan, ammo deyarli
yo`qolib borayotgan an`analar qayta tiklanmoqda. Ipak yetishtirishni yangi tizimi
yo`lga qo`yildi va “O`zbekipaksanoat” uyushmasi tashkil etildi. Ipakni qayta
ishlashga ixtisoslashgan 10 dan ortiq korxonalar ishga tushirildi.
IV. Ijtimoiy sohani rivojlantirishning ustuvor yo’nalishlari
4.1. Aholi bandligi va real daromadlarini izchil oshirish:
aholining real pul daromadlarini va xarid qobiliyatini oshirish, kam ta’minlangan
oilalar sonini va aholining daromadlari bo’yicha farqlanish darajasini yanada
kamaytirish;
byudjet muassasalari xodimlarining ish haqi, pensiya, stipendiya va ijtimoiy
nafaqalar hajmini inflyasiya sur’atlaridan yuqori miqdorda izchil oshirish;
yangi ish o’rinlarini yaratish hamda aholining, eng avvalo, o’rta maxsus va
oliy o’quv muassasalari bitiruvchilari bandligini ta’minlash, mehnat bozori
mutanosibligini va infratuzilmasi rivojlanishini ta’minlash, ishsizlik darajasini
kamaytirish;
mehnatga layoqatli aholining mehnat va tadbirkorlik faolligini to’liq amalga
oshirish uchun sharoitlar yaratish, ish kuchi sifatini yaxshilash, ishga muhtoj
shaxslarni kasbga tayyorlash, qayta tayyorlash va malakasini oshirish tizimini
kengaytirish.
4.2. Aholini ijtimoiy himoya qilish va sog’liqni saqlash tizimini
takomillashtirish, xotin-qizlarning ijtimoiy-siyosiy faolligini oshirish:
aholiga majburiy ijtimoiy kafolatlarni ta’minlash, aholining ehtiyojmand
qatlamlarini ijtimoiy himoyasini hamda keksalar va imkoniyati cheklangan
shaxslarni davlat tomonidan qo’llab-quvvatlashni kuchaytirish, ijtimoiy xizmat
ko’rsatishni yaxshilash, aholiga ijtimoiy xizmatlar ko’rsatishda davlat-xususiy
sherikligini rivojlantirish;
aholiga tibbiy va ijtimoiy-tibbiy xizmat ko’rsatish qulayligi hamda sifatini
oshirishga, aholi o’rtasida sog’lom turmush tarzini shakllantirishga, tibbiyot
muassasalarining moddiytexnika bazasini mustahkamlashga yo’naltirgan holda
sog’liqni saqlash sohasini, eng avvalo, uning dastlabki bo’g’inini, tez va shoshilinch
tibbiy yordam tizimini yanada isloh qilish;
oila salomatligini mustahkamlash, onalik va bolalikni muhofaza qilish, onalar
va bolalarning sifatli tibbiy xizmatdan foydalanishni kengaytirish, ularga
ixtisoslashtirilgan va yuqori texnologiyalarga asoslangan tibbiy yordam ko’rsatish,
chaqaloqlar va bolalar o’limini kamaytirish bo’yicha kompleks chora-tadbirlarni
yanada kengroq amalga oshirish;
xotin-qizlarning ijtimoiy-siyosiy faolligini oshirish, ularni davlat va jamiyat
boshqaruvidagi o’rnini kuchaytirish, xotin-qizlar, kasb-hunar kolleji bitiruvchi
qizlarining bandligini ta’minlash, ularni tadbirkorlik faoliyatiga keng jalb etish, oila
asoslarini yanada mustahkamlash;
pensionerlar, nogiron, yolg’iz keksalar, aholining boshqa ehtiyojmand
toifalarining to’laqonli hayot kechirishlarini ta’minlash uchun ularga tibbiy-ijtimoiy
yordam ko’rsatish tizimini yanada rivojlantirish va takomillashtirish;
farmasevtika
sanoatini
yanada
rivojlantirish,
aholi
va
tibbiyot
muassasalarining arzon, sifatli dori vositalari va tibbiyot buyumlari bilan
ta’minlanishini yaxshilash, dori-darmonlar narxlarining asossiz o’sishiga yo’l
qo’ymaslik bo’yicha chora-tadbirlarni amalga oshirish;
aholi o’rtasida kasallanish ko’rsatkichlari pasayishini va umr uzayishini
ta’minlash.
4.3. Arzon uy-joylar barpo etish bo’yicha maqsadli dasturlarni amalga
oshirish, aholining hayot sharoitlari yaxshilanishini ta’minlovchi yo’l-transport,
muhandislik-kommunikasiya va ijtimoiy infratuzilmani rivojlantirish hamda
modernizasiya qilish:
aholi, eng avvalo, yosh oilalar, eskirgan uylarda yashab kelayotgan fuqarolar
va uy-joy sharoitini yaxshilashga muhtoj boshqa fuqarolarning yashash sharoitini
imtiyozli shartlarda ipoteka kreditlari ajratish hamda shahar va qishloq joylarda
arzon uylar qurish orqali yanada yaxshilash;
aholining kommunal-maishiy xizmatlar bilan ta’minlanish darajasini oshirish,
eng avvalo, yangi ichimlik suvi tarmoqlarini qurish, tejamkor va samarali
zamonaviy texnologiyalarni bosqichma-bosqich joriy etish orqali qishloq joylarda
aholining toza ichimlik suvi bilan ta’minlashni tubdan yaxshilash;
odamlarning ekologik xavfsiz muhitda yashashini ta’minlash, maishiy
chiqindilarni qayta ishlash komplekslarini qurish va modernizasiya qilish, ularning
moddiy-texnika bazasini mustahkamlash, aholini chiqindini yo’q qilish bo’yicha
zamonaviy ob’ektlar bilan ta’minlash;
aholiga transport xizmati ko’rsatishni tubdan yaxshilash, yo’lovchi tashish
xavfsizligini oshirish va atrof muhitga zararli moddalar chiqishini kamaytirish, har
tomonlama qulay yangi avtobuslarni sotib olish, avtovokzal va avtostansiyalarni
qurish hamda rekonstruksiya qilish;
yo’l infratuzilmasi qurilishi va rekonstruksiya qilinishini davom ettirish, eng
avvalo, mintaqaviy avtomobil yo’llarini rivojlantirish, xo’jaliklararo qishloq
avtomobil yo’llarini, aholi punkti ko’chalarini kapital va joriy ta’mirlash;
yangi elektr energiya ishlab chiqarish quvvatlarini qurish va mavjudlarini
modernizasiya qilish, past kuchlanishli elektr tarmoqlari va transformator
punktlarini yangilash asosida aholini elektr energiyasi hamda boshqa yoqilg’i-
energiya resurslari bilan ta’minlashni yaxshilash, shuningdek, qayta tiklanadigan
energiya manbalaridan foydalanishni kengaytirish bo’yicha chora-tadbirlarni
amalga oshirish;
teatr va tomosha maskanlarini, madaniy-ma’rifiy tashkilotlar va muzeylar
faoliyatini rivojlantirish hamda takomillashtirish, ularning moddiy-texnika bazasini
mustahkamlash.
4.4. Ta’lim va fan sohasini rivojlantirish:
uzluksiz ta’lim tizimini yanada takomillashtirish, sifatli ta’lim xizmatlari
imkoniyatlarini oshirish, mehnat bozorining zamonaviy ehtiyojlariga mos yuqori
malakali kadrlar tayyorlash siyosatini davom ettirish;
ta’lim muassasalarini qurish, rekonstruksiya qilish va kapital ta’mirlash,
ularni zamonaviy o’quv va laboratoriya asboblari, komp yuter texnikasi va o’quv-
metodik qo’llanmalar bilan jihozlash orqali ularning moddiy-texnika bazasini
mustahkamlash yuzasidan maqsadli chora-tadbirlarni ko’rish;
maktabgacha ta’lim muassasalari tarmog’ini kengaytirish va ushbu
muassasalarda bolalarning har tomonlama intellektual, estetik va jismoniy
rivojlanishi uchun shart-sharoitlarni tubdan yaxshilash, bolalarning maktabgacha
ta’lim bilan qamrab olinishini jiddiy oshirish va foydalanish imkoniyatlarini
ta’minlash, pedagog va mutaxassislarning malaka darajasini yuksaltirish;
umumiy o’rta ta’lim sifatini tubdan oshirish, chet tillar, informatika hamda
matematika, fizika, kimyo, biologiya kabi boshqa muhim va talab yuqori bo’lgan
fanlarni chuqurlashtirilgan tarzda o’rganish;
bolalarni sport bilan ommaviy tarzda shug’ullanishga, ularni musiqa hamda
san’at dunyosiga jalb qilish maqsadida yangi bolalar sporti ob’ektlarini, bolalar
musiqa va san’at maktablarini qurish, mavjudlarini rekonstruksiya qilish;
kasb-hunar kollejlari o’quvchilarini bozor iqtisodiyoti va ish beruvchilarning
ehtiyojlariga javob beradigan mutaxassisliklar bo’yicha tayyorlash hamda ishga
joylashtirish borasidagi ishlarni takomillashtirish;
ta’lim va o’qitish sifatini baholashning xalqaro standartlarini joriy etish
asosida oliy ta’lim muassasalari faoliyatining sifati hamda samaradorligini oshirish,
oliy ta’lim muassasalariga qabul kvotalarini bosqichma-bosqich ko’paytirish;
ilmiy-tadqiqot va innovasiya faoliyatini rag’batlantirish, ilmiy va innovasiya
yutuqlarini amaliyotga joriy etishning samarali mexanizmlarini yaratish, oliy o’quv
yurtlari va ilmiy-tadqiqot institutlari huzurida ixtisoslashtirilgan ilmiy-
eksperimental laboratoriyalar, yuqori texnologiya markazlari va texnoparklarni
tashkil etish.
4.5. Yoshlarga oid davlat siyosatini takomillashtirish:
jismonan sog’lom, ruhan va aqlan rivojlangan, mustaqil fikrlaydigan, Vatanga
sodiq, qat’iy hayotiy nuqtai nazarga ega yoshlarni tarbiyalash, demokratik
islohotlarni chuqurlashtirish va fuqarolik jamiyatini rivojlantirish jarayonida
ularning ijtimoiy faolligini oshirish;
o’rta maxsus, kasb-hunar va oliy ta’lim muassasalari bitiruvchilarini ishga
joylashtirish hamda xususiy tadbirkorlik sohasiga jalb etish;
yosh avlodning ijodiy va intellektual salohiyatini qo’llab-quvvatlash va
ro’yobga
chiqarish, bolalar va yoshlar o’rtasida sog’lom turmush tarzini shakllantirish, ularni
jismoniy tarbiya va sportga keng jalb etish;
yoshlarni ijtimoiy himoya qilish, yosh oilalar uchun munosib uy-joy va
ijtimoiy-maishiy sharoitlarni yaratish;
yoshlarga oid davlat siyosatini amalga oshirishda davlat hokimiyati va
boshqaruvi organlari, ta’lim muassasalari, yoshlar va boshqa tashkilotlarning
samarali faoliyatini tashkil etish.
Davlat dasturining IV bo`limiga ko`ra 100 dan ortiq normativ-huquqiy
hujjatlarni, shuningdek, konsepsiyalar va “yo`l xaritalari”ni ishkab chiqishni o`z
ichiga olgan 126 ta chora-tadbirdan iborat 99 ta bandni amalga oshirish nazarda
tutilgan.
“Hamma narsa inson manfaatlari uchun” tamoyilidan kelib chiqib, ijtimoy
sohada aholi turmush sifatini o`stirish bo`yicha bir qator ustuvor yo`nalishlar
belgilan olindi.
Shahar va qishloqlarda aholining haqiqiy ehtiyoji va milliy an`analarni to`la
hisobga olingan turar joy qurilishi va tegishli infratuzilma tarmoqlarini
kengaytitishga alohida e`tibor qaratildi.
Jumladan,
qishloqlarda
yangi
ikki
tipdagi
yosh
oilalar
uchun
maqbullashtirilgan yer uchastkasiga ega bo`lgan 2 va 3 xonali turar joy binolari
loyihasi ishlab chiqildi. Bu esa, ularning narxini qishloq aholisining barcha
qatlamlari uchun maqbul tarzda arzonlashtirish imkonini berdi.
Shaharlarda yuzlab besh va yetti qavatli uylar foydalanishga topshirildi.
2017 yilda mamlakatning bir qator shaharlarida davlat-xususiy sektor
sherikchiligi asosida maishiy chiqindilarni kompleks qayda ishlash klasterlari
tashkil etildi. Har bir tuman va shaharda “Toza hudud” korxonalari tashkil etilishi
aholiga ko`rsatilayotgan xizmatlar sifatini sezilarli darajada oshirishga imkon berdi.
Sog`liqni saqlash sohasiga e`tibor qaratildi. Tibbiy xizmatlar ko`lami va
sifatini oshirishga qaratilgan 30 dan ortiq farmon va qarorlar qqbul qilindi.
Qishloqlarda qishloq vrachlik punktlari qisqartirilib, ularning o`rniga tunu-
kun faoliyat ko`rsatadigan 793 dan ortiq qishloq oilaviy poliklinikasi tashkil etilib,
ularda tez tibbiy yordam shahobchasi hamda kunduzgi statsionar ochildi.
Sil bilan kasallanish kamaydi. Qishloqlarda faoliyat yuritayotgan 700 dan
ortiq shifokorlar xizmat uy-joylari bilan ta`minlandi.
Tez tibbiy yordam bo`limlari ixtisoslashtirilgan avtotransport vositalari,
asbob-uskuna va jihozlar bilan ta`minlandi hamda ularga ajratilgan dori vositalari
hajmi 2 baravarga ko`paytirildi.
Ijtimoiy ahamiyatga ega dori-darmon vositalari va tibbiyot buyumlarini
uzkluksiz va arzon narxlarda ta`minlash maqsadida yangi tizim joriy etilib, ularni
xarid qilish uchun Sog`liqni saqlash vazirligiga 500 milliard so`mdan ziyod
qo`shimcha byudjet mablag`lari ajratildi.
O`zbekiston Respublikasi Prezidenti va Vazirlar Mahkamasining ta`lim
tizimining takomillashishiga qaratilgan 70 dan ortiq farmon, qaror va farmoyishlar
qabul qilindi.
Avvalo, maktabgacha ta`lim sohasini isloh qilish maqsadida 5 yilllik alohida
dastur qabul qilindi. Hozirga qadar bir necha maktabgacha ta`lim muassasalari
qurildi, rekonstruksiya qilindi va kapital ta`mitdan chiqarildi. Davlat byudjeti va
xalqaro grant mablag`lari hisobiga mingdan ortiq bolalar bog`chasi zamonaviy
mebel, rivojlantiruvchi o`yinlar va jihozlar bilan ta`minlandi.
Bolalarimizni yetuk va barkamol shaxs bo`lib voyaga yetishida bog`cha
tarbiyasi katta ahamiyatga ega ekani inobatga olinib, alohida vazirlik tashkil etildi
va uning zimmasiga maktabgacha ta`lim tizimini tarkibiy jihatdan tubdan isloh
qilish, mazkur muassasalarga bolalarni to`la qamrab olish yuklatildi.
Maktab tizimi qayta ko`rib childi. Tajribali pedagog, ota-onalat va
o`quvchilar bilan o`tkazilgan muhokamalar natijasida 9-sinfni tamomlagan
o`quvchilar uchun o`qishni ixtiyoriy ravishda kollej va litseyda yoki 10-11 sinflarda
davom ettirish imkoniyati yaratildi. 70 foiz o`quvchi maktabda ta`lim olishni tanladi.
Oliy ta`lim tizimini tubdan takomillashtirish, xalqaro standartlar darajasiga
mos mutaxasislar tayyorlash maqsadida, tizimli kompleks rivojlantirishga qaratilgan
5 yillik dastur qabul qilindi va unga joriy yilda bir qator oliygohlarda qurilish va
ta`mirlash ishlari amalga oshirildi hamda zamonaviy komyuter, o`quv
labaratoriyalari bilan jihozlandi.
O`zbekiston Fanlar akademiyasi a`zolari hamda yetakchi olimlar bilan bo`lib
o`tgan yig`ilishda bildirilgan takliflardan kelib chiqib, respublika ilm-fan nufuzini
yuksaltirish va rivojlantirish bo`yicha bir qator tadbirlar amalga oshirildi. Hamda
zamonaviy labaratoriya jihozlari bilan ta`minlash uchun 450 milliard so`m ajratildi.
O`zbekiston Respublikasining Innovatsion rivojlantirish vazirligi va
Innovatsion rivojlantirish va novatorlik g`oyalarini qo`llab-quvvatlash jamg`armasi
tashkil etildi.
Xalqaro amaliyotga muvofiq oliy o`quv yurtidan keyingi ta`limning ikki
pog`onali tayanch doktarantura va doktarantura tizimi joriy etildi.
O`zbekiston Respublikasi prezidentining tegishli qarori bilan Mirzo Ulug`bek
nomidagi ixtisoslashtirilgan davlat umumta`lim maktab-internati Astronomiya va
aeronavtika bog`i tashkil etildi.
Madaniyat va sport sohasida ham bir necha ishlar amalga oshirildi, yutuqlarga
erishildi.
Sport deganda ko`z oldimizga Shahram G`iyosov, Rustam Jangaboyev va
boshqa ko`plab hamyurtlarimiz keladi. Ularni g`urur bilan tilga olishimiz mumkin.
Aholining ehtiyojmand qatlamlari va ijtimoiy himoyasini yanada kuchaytirish
va keksalarni e`zozlashga e`tibor yanada kuchaydi. O`zbekiston Respublikasi
Prezidentining 2017 yil 14 iyuldagi qarori bilan “Ezgu maqsad” xalqaro xayriya
jamoat jamg`armasi tuzildi, uning faoliyati aholining ijtimoiy nochor qatlamlari
sog`lig`ini himoyalash, yetim bolalar “Mehribonlik” uylari tarbiyalanuvchilariga,
“Muruvvat” va “Saxovat” uylarida yashovchilarga yordam ko`rsatishga
yo`naltirildi.
Bu o`rinda O`zbekiston Respublikasi Prezidentining 2017 yil 17 iyuldagi
“Mehnat faxriysi” ko`krak nishonini ta`sis etish to`g`risida”gi qarori muhim voqea
bo`ldi. Ushbu mukofot bilan ko`p yillar davomida halol va samarali mehnat qilgan
nafaqa yoshidagi yurdoshlarimiz, shuningdek hayotini oilalar mustahkamligini
ta`minlash ishlariga bag`ishlab, jamiyatda hurmat qozongan onalar taqdirlanadi.
V. Xavfsizlik, millatlararo totuvlik va diniy bag’rikenglikni ta’minlash hamda
chuqur o’ylangan, o’zaromanfaatli va amaliy tashqi siyosat sohasidagi ustuvor
yo’nalishlar
5.1. Xavfsizlik, diniy bag’rikenglik va millatlararo totuvlikni ta’minlash
sohasidagi ustuvor yo’nalishlar:
O’zbekiston Respublikasining konstitusiyaviy tuzumi, suvereniteti, hududiy
yaxlitligini muhofaza qilish;
axborot xavfsizligini ta’minlash va axborotni himoya qilish tizimini
takomillashtirish, axborot sohasidagi tahdidlarga o’z vaqtida va munosib qarshilik
ko’rsatish;
fuqarolik, millatlararo va konfessiyalararo tinchlik hamda totuvlikni
mustahkamlash;
davlatning mudofaa qobiliyatini mustahkamlash, O’zbekiston Respublikasi
Qurolli Kuchlarining jangovar qudrati va salohiyatini oshirish;
atrof-tabiiy muhit, aholi salomatligi va genofondiga ziyon etkazadigan
ekologik muammolarni oldini olish;
favqulodda
vaziyatlarni
oldini
olish
va
bartaraf
etish
tizimini
takomillashtirish.
5.2. Chuqur o’ylangan, o’zaro manfaatli va amaliy tashqi siyosat sohasidagi
ustuvor yo’nalishlar:
davlat mustaqilligi va suverenitetini mustahkamlash, mamlakatning xalqaro
munosabatlarning teng huquqli sub’ekti sifatidagi o’rni va rolini oshirish,
rivojlangan demokratik davlatlar qatoriga kirish, O’zbekistonning yon-atrofida
xavfsizlik, barqarorlik va ahil qo’shnichilik muhitini shakllantirish;
O’zbekiston Respublikasining xalqaro nufuzini mustahkamlash, mamlakatda
olib borilayotgan islohotlar to’g’risida jahon hamjamiyatiga xolis axborot etkazish;
O’zbekiston Respublikasining tashqi siyosiy va tashqi iqtisodiy faoliyatining
normativ huquqiy bazasini hamda xalqaro hamkorlikning shartnomaviy-huquqiy
asoslarini takomillashtirish;
davlat chegarasini delimitasiya va demarkasiya qilish masalalarini hal etish.
Davlat dasturining V bo`limiga ko`ra 13 ta normativ-huquqiy hujjatlarni,
shuningdek, konsepsiyalar va “yo`l xaritalari”ni ishlab chiqishni o`z ichiga olgan 29
ta chora-tadbirdan iborat 28 ta bandni amalga oshirish ko`zda tutilgan.
O`zbekistonning ko`p millatli xalq ekanligi, uning hayotiy ehtiyojlari va
intilishlarini hisobga olgan holda yangi istiqbolli yo`nalishlar belgilab olindi.
“Armiya va xalq birligi” tamoyiliga tayanib yangi qurolli kuchlar armiyasi
shakllantirildi. Ayrim litsey va kollejlarda yigitlarni oliy harbiy ta`lim
muassasalariga tayyorlash bo`yicha ixtisoslik joriy qilindi.
Harbiylar, ularning oila a`zolari va Qurolli Kuchlar pensionerlarining ijtimoiy
himoyasiga alohida e`tibor qaratildi. Uy-joy qurilishi dasturi doirasida 1200 dan
ortiq harbiy xizmatchi oilalari uchun 56 dan ortiq uylar bunyod etildi.
Ekologik muammolarning oldini olish hamda aholi va hududlarni favqulotda
vaziyatlardan himoya qilish masalalari Hukumatning e`tibor markazida bo`ldi.
Mintaqa aholisi yashash sharoitlari va turmush tarzini yaxshilashga
qaratilgan 2017 – 2021 yillarda Orolbo`yi hududini rivojlantirish bo`yicha davlat
dasturi ishlab chiqildi va ijrosini ta`minlash uchun 8,4 trillion so`m mablag` jalb
etish rejalashtirildi.
Yer usti raqamli televideniyesi tarmog`ini kengaytirish ishlari yakunlandi.
Tunu kun uzluksiz ishlaydigan “O`zbekiston 24” yangiliklar teleradiokanali,
shuningdek Xalqaro press-klub faoliyati yo`lga qo`yildi.
“Markaziy Osiyo – tashqi siyosatining bosh ustuvor yo`nalishi” tamoyi
amalda qo`llanildi. Rossiya, Xitoy, AQSH, Yevropa Ittifoqi, Turkiya, Janubiy
Koreya rahbarlari bilan o`tkazilgan uchrashuv va muzokaralar xalqaro hamkorlik
aloqalarino yanada yaxshiladi.
Xorijiy hamkorlar bilan 340 dan ziyod kelishuvlar tuzildi, 53 milliard
dollordan ziyod bitimlar imzolandi.
O`zbekistonning BMT Bosh Assambleyasi sessiyasi, SHHT,IHT,MDH va
Xitoyda bo`lib o`tgan “Bir makon – bir yo`l” forumida xalqaro xavfsizlik va
mintaqaviy rivojlanishning dolzarb muammolarini hal etish yuzasidan ilgari surilgan
yangicha yondashuv hamda tashabbuslari halqaro miqyosda keng qo`llab-
quvvatlandi.
O`zbekiston Respublikasi Prezidenti tashabbusi bilan davlat va jamiyat
hayotining barcha sohalarida amalga oshirilgan tub islohotlar va tadbirlar kishilarda
ishchanlik kayfiyatini yanada kuchaytirdi va fuqarolik pozitsiyasini qat`iy
mustahkamladi, davlat va jamiyat boshqaruvida har bir kishining ishtirokini
kengaytirdi, mansabdor shaxslar tomonidan qabul qilinayotgan qarorlarda
odamlarning manfaati yanada kengroq e`tirof etila boshlandi.
Do'stlaringiz bilan baham: |