14-мавзу. Мамлакатнинг иқтисодий хавфсизлигини таъминлаш режа

миллий товар ишлаб чиқарувчиларнинг манфаатларини ички ва ташқи 
бозорда ҳимоя қилишга қаратилган оқилона протекционизм сиёсатини 
амалга ошириш лозим. Бу сиёсат қуйидагиларни кўзда тутиши керак: 
монополистик фаолиятни чеклаш; 
тайёр ишлаб берувчи саноат маҳсулотларини, асосан, машина ва асбоб- 
ускуналарни экспорт қилишни рағбатлантириш учун солиқ имтиёзларини, 
имтиёзли кредитлаш усулларини қўллаш; 
турли ишлаб чиқариш тармоқларида кичик бизнес ва хусусий 
тадбиркорликни, янги ташкил топган хўжалик субъектларини қўллаб- 
қувватлаш, улар учун қулай шароитлар яратиш; 
ички бозорга ноқонуний йўллар билан арзон, истеъмолчилар 
саломатлигига салбий таъсир кўрсатувчи товарларни кириб келишининг 
олдини олиш; 
ички бозорда миллий товар ишлаб чиқарувчилар манфаатини кўзлаш, 
уларни ташқи бозорга чиқишларини қўллаб-қувватлаш; 

---

йирик ишлаб чиқариш бирлашмаларини қўллаб қувватлашнинг 
оқилона тизимини яратиш. 
Мамлакат иқтисодий хавфсизлигини таъминлаш учун иқтисодиётнинг 
криминаллашувига қарши курашиш керак. 
Жиноий гуруҳларнинг 
иқтисодиётга кириб келишининг олдини олиш учун қуйидагиларни 
амалга ошириш лозим бўлади: 
даромадларни декларация қилиш тизимини такомиллаштириш; 
нодавлат хўжалик субъектларининг айрим фаолият турларини қонун 
йўли билан чеклаш; 
рўйхатга 
олинмасдан 
туриб 
тадбиркорлик 
фаолияти 
билан 
шуғулланишни ман қилиш; 
истеъмолчилар саломатлигига зарар етказувчи маҳсулотларни ва 
лицензиясиз, сифат сертификатисиз товар сотишни ман қилиш; 
банкротлик қонуни талабларини ҳаётга қатъий татбиқ этиш; 
ҳуқуқ-тартибот органларида иқтисодий қонунбузарликларга қарши 
курашиш бўлимлари фаолиятини кучайтириш; 
иқтисодиётни эркинлаштириш шароитида турли назорат ва давлат 
органларининг 
тадбиркорлар 
хўжалик 
фаолиятига 
ноқонуний 
аралашишларини чеклаш ва бунга қарши курашиш; 
иқтисодиётни тартибга солишнинг бозор механизмлари эркин амал 
қилишини таъминлаш билан бир қаторда, давлат органларининг 
иқтисодиётни тартибга солиш фаолияти самарадорлиги ва таъсирчанлигини 
ошириш кабилар мақсадга мувофиқдир. 
Мамлакат иқтисодий хавфсизлигини таъминлаш учун асосий 
маҳсулотлар бўйича импортга боғлиқликка барҳам бериш, тайёр 
маҳсулотларни экспорт қилишни кучайтириш лозим. Бунинг учун мамлакат 
иқтисодиёти таркибий тузилишини тубдан ўзгартириш, хом ашё, оралиқ 
маҳсулотлар ишлаб чиқаришга йўналтирилган иқтисодиётни, маҳсулотларни 
экспорт қилишга йўналтирилган маҳсулотга айлантириш мақсадга 
мувофиқдир. Шундагина мамлакатнинг иқтисодий аҳволи жаҳон 
бозорларидаги конюктура ўзгаришларига, ресурс баҳоларининг ўзгаришига 
боғлиқ бўлмайди. Шу боисдан, мамлакат иқтисодий хавфсизлигини 
таъминлашга қаратилган давлат стратегияси иқтисодиётда чуқур таркибий 
ўзгартиришлар қилишга, саноат, молия ва банк тизимини мустаҳкамлашга 
қаратилади. Бунинг учун, технологик жиҳатдан орқада қолишга барҳам 
бериш, ишлаб чиқаришни модернизация қилиш лозим бўлади.