14 Маъруза: Симсиз тармоқларда хавфсизлик

Симсиз тармоқларда мавжуд хавфсизлик протоколлари – Bluetooth ишлаш режимлари

Биринчи режимда икки қурилма ўзаро хавфсиз бўлмаган ҳолда улунади. Алоқа уланишда аутентификациялаш ва шифрлаш амалларидан фойдаланилмайди.
Иккинчи режим кучайтирилган даражадаги хавфсизлик хизматини таъминлаб, дастлаб мантиқий алоқа ўрнатилиб, шундан сўнг канал алоқаси ўрнатилади ва хавфсизлик жараёнлари амалга оширилади. Ушбу режимда аутентификациялаш, шифрлаш ва авторизациялаш каби хавфсизлик жараёнлари амалга оширилади.
Учинчи режим кучайтирилган канал алоқасида хавфсизликни таъминлаб, канал алоқаси ўрнатилмасдан олдин хавфсизлик таъминланади. Ушбу режимда мандатланган аутентификация амалга оширилади ва барча маълумотлар шифрланган ҳолда юборилади.
Тўртинчи режими ҳам иккинчи режим каби, дастлаб физик ва мантиқий боғлинишни талаб этиб, шундан сўнг хавфсизлик амалиётларини амалга оширади. Ушбу режимда Secure Simple Pairing (SSP) дан фойдаланилади. Олдинги режимларда эса “канал калити” асосида калитларни тақсимлаш амалга оширилади. Яъни, эллиптик эгри чизиққа асосланган Диффи-Хелман калитларни очиқ тақсимлаш протоколидан фойдаланади.

WI-FI технологиясида фойдаланилган криптографик протоколлар

Wired Equivalent Privacy (WEP)

• IEEE 802.11 стандарти 1999 йил сентябр ойида қабуд қилинган бўлиб, симсиз тармоқларда (wireless LAN) маълумотни бутунлигини, аутентификация ва тўлиқлигини таъминлашда фойдаланилади.
• Ушбу протоколда 10 ёки 26 та ўн олтилик тизимдаги калитдан фойдаланилади, ва бу калит дастлаб роутерни созлашда фойдалинилган парол билан бир хил бўлади.

WEP да аутентификациялаш

• Open System authentication;
• Shared Key authentication.

WEP протоколида аутентификациялаш

1. Клиент серверга (бошқарув нуқтасига) аутентификациялаш сўровини юборади.
2. Сервер фойдаланувчига тасодифий сонни юборади (r, 128 битдан катта бўлган).
3. Фойдаланувчи ушбу сонни умумий калит (бошқарув нуқтаси пароли) билан шифрлаб юборади (eK(r)).
4. Шифрматнни очиш натижасига қараб, аутентификациялашдан ўтилади ёки йўқ.