14 маъруза Режа: Микрогетероген системаларнинг синфланиши

Эмульсиялар

• Эмульсиялар (лотинча emulgeo - сиқиш) – иккита суюқ фазадан ташкил топган дисперс система бўлиб, бири иккинчисида майда томчилар ҳолатида тарқалган бўлади.
• Томчи шаклида майдаланган суюқлик – дисперс фаза, томчилар орасини тўлдирувчи суюқлик ёки томчилар тарқалган суюқлик – дисперс муҳит дейилади.

• Эмульсияларда дисперс фаза заррачалари ўлчами 10-7-10-5м ва оддий кўз билан кўриш мумкин бўлган даражагача (1ммк - 50ммк гача) бўлади.
• Барқарор эмульсия бўлиши учун эмульсияни ташкил этувчи суюқликлар бир-бирида эримаслиги ёки жуда кам эрувчан бўлиши лозим.

• Бундай эмульсиялар 2 хил бўлади:
• I-тур эмульсиялар, яъни қутбланмаган суюқликларни қутбланган суюқликлардаги эмульсияси – М/С деб белгиланади; бунда мой дисперс фаза, сув эса муҳит бўлади. Улар тўғри эмульсиялар деб ҳам аталади.
• II-тур эмульсиялар, қутбланган суюқликни қутбланмаган суюқликдаги эмульсияси тескари эмульсиялар ёки С/М – эмульсияси дейилади.

• Энг кўп учрайдиган эмульсия – сув (С) ва унда эримайдиган органик суюқлик мой (М) (бензол, толуол, хлороформ, пахта мойи, вазелин ва бошқалар) дан ташкил топган эмульсиядир.

• Эмульсия турини аниқлаш учун қуйидаги усуллардан фойдаланиш мумкин:
• 1) Ортиқча қутбланган ёки қутбланмаган суюқлик билан аралаштириш усули - бир томчи эмульсия шиша буюмча устига томизилади. Уни ёнига бир томчи сув ёки мой томизилиб, шиша пластинкани қиялатиш орқали томчилар бирлаштирилади ва кузатилади.
• 2) эмульсиянинг электр ўтказувчанлиги орқали турини аниқлаш мумкин. Бу усул сув ва сувли эритмаларнинг “мой” га нисбатан сезиларли электр ўтказувчанликка эга эканлигига асосланган. Бунинг учун текширалаётган эмульсияга туширилган икки электрод ва аккумулятордан ташкил топган занжирга миллиамперметр уланади. Агар дисперсион муҳит “сув” бўлса миллиамперметр сезиларли даражада қиймат кўрсатади. Бордию, дисперсион муҳит “мой” бўлса занжирда ток бўлмайди.

• 3) Рангга бўяш усули – бунда сувда ёки мойда эрувчи бўёқ билан эмульсияни бўяш орқали тури аниқланади. Бунинг учун эмульсияни ташкил қилган суюқликлардан фақат бирида эрийдиган бўёқ олиниб, бу бўёқ эмульсияга қўшилади ва бир томчиси микроскоп остида қаралади.
•