13-mavzu. Axborot tizimlarini yaratish va boshqarish reja

Parallel strategiyadan foydalanilganida eski va yangi tizimlar baravar ishga tushiriladi va yangi tizim to‘g‘ri ishlayotgani aniq ko‘ringuniga qadar ular birga ishlatiladi. Konversiyaning bu usuli eng xavfsiz hisoblanadi, sababi, xatolar paydo bo‘lsa yoki ishda to‘xtalishlar yuzaga kelsa, eski tizimdan zaxira sifatida foydalanilishi mumkin. Biroq, bu kabi yondoshuv jiddiy xarajatlarni va yana bitta tizimga xizmat ko‘rsatish uchun qo‘shimcha xodimlar bo‘lishini talab qiladi.

To‘g‘ridan-to‘g‘ri o‘tish strategiyasida eski tizimni avvaldan belgilangan kunda butunlay yangisiga almashtirish ko‘zda tutiladi. Bir qarashda, bu strategiya parallel strategiyaga nisbatan arzonroq bo‘lib ko‘rinishi mumkin. Lekin, bunday yondoshuv katta xavf bilan bog‘liq va yangi tizimda jiddiy muammolar yuzaga kelsa, axborot tiklanishi uchun zaxira varianti bilan ta’minlanmagani sababli katta xarajatlarga olib kelishi mumkin.