13-mavzu. Axborot tizimlarini yaratish va boshqarish reja

Tizimni sinovdan o‘tkazish

Tizim to‘g‘ri natijalarni berayotganiga ishonch hosil qilish uchun uni har tomonlama va puxta sinovdan o‘tkazish lozim. Ana shunda tizim tegishli sharoitlarda biz xohlagan natijalarni bera olishini bilib olamiz. Testlar uchun ajratilgan vaqt, odatda, dastlabki rejalashtirishda sezilarli darajada kamaytiriladi (14-bob). Test sinovlaridan o‘tkazish – ancha sekin kechadigan jarayon: ma’lumotlar puxta tayyorlanishi va natijalar tekshirilishi lozim, tizimga esa, zarur hollarda, tegishli tuzatishlarni kiritish kerak. Ayrim hollarda tizimning alohida qismlarini qayta qurish talab etiladi. Ushbu bosqichda xatolar yuzaga kelishining ehtimoli ancha yuqori bo‘ladi.

Axborot tizimini test sinovlaridan o‘tkazishni uchta bosqichga bo‘lish mumkin: alohida elementlar sinovi, butun tizimni sinovdan o‘tkazish va qabul qilish sinovlari. Bunday test sinovlarini o‘tkazish dasturlar xatolardan xoli ekanini kafolatlaydi degan fikr keng tarqalgan, lekin amaliyotda bunga deyarli erishib bo‘lmaydi. Barcha kuchni xatolarni izlashga sarflagandan ko‘ra, dastur ishlamay qoladigan holatlarni aniqlash maqsadga muvofiq hisoblanadi. Bunda xatolarni topish va dasturni to‘g‘rilash osonroq kechadi.