13-ma’ruza: O‘zbekiston mustaqilligi davrida (1991-2011 y) jismoniy madaniyat va sport

13-ma’ruza: O‘zbekiston mustaqilligi davrida (1991-2011 y) jismoniy madaniyat va sport.

Reja:

1.“Jismoniy tarbiya va sport to‘g‘risida”gi qonunning (1992-2000 y) ahamiyati.

2.O‘zbekistonda jismoniy madaniyat va sportni rivojlantirishda Respublika Prezidenti va hukumatning g‘amxo‘rligi.

Sobiq Sovet hokimiyati yillarida jismoniy madaniyat va sportga e’tibor qanchalik ko‘p bo‘lmasin, bu sohaning maqomiy (status) tomondan qonuniy ravishda tegishli kafolatlar ishlab chiqilmagan. Faqat so‘nggi (1990-1991 yillar boshida) yillarda maxsus qonun loyihalarini ishlab chiqishga kirishildi. Lekin u qog‘ozda qolib ketdi.

O‘zbekiston mustaqilligi tufayli boshqa sohalar kabi jismoniy madaniyat va sport sohasida birinchilardan bo‘lib qonun loyihasini ishlab chiqdi va 1982 yil 14 yanvarda Respublika Oliy majlisining sessiyasida tasdiqlandi.

“Jismoniy tarbiya va sport to‘g‘risida”gi qonunda davlat va jamoat tashkilotlarining burchi, vazifalari va huquqlari alohida belgilab berildi. Qonunning 28 ta moddasida jismoniy madaniyat va sport harakati bilan bog‘liq bo‘lgan barcha sohalar kafolatlandi.

Sport ishlariga rahbarlik, aholini jismoniy madaniyat va sportga jalb etish, o‘quvchi-yoshlar, talabalar va mehnatkash ommasiga jismoniy madaniyat hamda sport bilan shug‘ullanishga shart-sharoitlar yaratib berish alohida takidlandi.

Sport inshootlarini kengaytirish, ulardan maqsadli foydalanish, kadrlar tayyorlashni ilmiy-amaliy tajribalar asosida amalga oshirish, darsliklar va o‘quv-uslubiy qo‘llanmalarni yaratish borasida yangi yo‘nalishlar ifoda etildi.

Nogironlar sportini rivojlantirish, jismoniy madaniyat va sportni moddiy-t yexnik jixatdan ta’minlash, o‘z-o‘zini boshqarish faoliyatlarini tashkil qilishga ham e’tibor qaratildi. Mustaqillikning yangi qirralari va o‘tkazilgan tub islohotlarni natijalari asosida mazkur qonun 2000- yilda yangi taxrirda qabul qilindi.Bunda homiylik, jamg‘arma uyushmalarini jismoniy madaniyat va sport sohasidagi vazifalariga keng yo‘l berildi.

Xulosa qilib aytganda mazkur qonun Respublika jismoniy madaniyat va sport ishlarini yanada yaxshilashga da’vat etdi.

Qonunning to‘la matnini o‘quvchi yoshlar bilan alohida ishlab chiqish zaruriyati borligi sababli uning moddalari bu yerda ko‘rsatilmadi. Demak darslarda va mustaqil ishlarda qonundan to‘la foydalanish zarur bo‘ladi.