13-ma’ruza. OpenMP. Parallel va ketma-ket sohalar

#pragma omp master
{
printf("Parallel hudud, %d oqim\n", omp_get_num_threads());
}
}
}


omp_get_max_threads() funksiyasi keyingi parallel sohada foydalanishga ruxsat etilgan maksimal oqimlar sonini qaytaradi.
C dasturlash tilida:


int omp_get_max_threads(void);


omp_get_num_procs() funksiyasi uni ishlatish boshlanganda paytida foydalanuvchi dasturi tomonidan foydalanish mumkin boʻlgan protsessorlar sonini qaytaradi. Mavjud protsessorlar soni dinamik ravishda oʻzgarishi mumkinligini yodda tutish kerak.
C dasturlash tilida:
int omp_get_num_procs(void);
Parallel sohalarni ichma-ich joylashtirish mumkin; jimlik boʻyicha, ichki oʻrnatilgan parallel soha bitta oqimda bajariladi. Bu OMP_NESTED muhit oʻzgaruvchisini oʻrnatish orqali boshqariladi. Masalan, Linuxda bash qobigʻida quyidagi buyruq bilan ichki parallellikni yoqish mumkin:


export OMP_NESTED=true

OMP_NESTED oʻzgaruvchisining qiymatini omp_set_nested() funksiyasini chaqirish orqali oʻzgartirish mumkin.

C dasturlash tilida:

void omp_set_nested(int nested)


omp_set_nested() funksiyasi ichki parallellikni yoqadi yoki oʻchiradi. C tilida parametr qiymati sifatida 0 yoki 1 beriladi. Agar ichki parallelizmga ruxsat berilgan boʻlsa, u holda parallel sohasi bor har bir oqim uni bajarish uchun yangi oqimlar guruhini yaratadi. Oʻzidan oqimlar yaratgan oqim yangi oqimlar guruhiga oqim-masterga aylanadi. Agar tizim ichki parallelizmni qoʻllab-quvvatlamasa, bu funksiya hech qanday ta’sir qilmaydi.
5-misol ichki oʻrnatilgan parallel sohalardan foydalanishni va omp_set_nested() funksiyasini koʻrsatadi. Oldin omp_set_nested() funksiyasini chaqirish ichki parallel sohalardan foydalanishga imkon beradi. Joriy parallel sohadagi oqim raqamini aniqlash uchun omp_get_thread_num() funksiyasi ishlatiladi. Tashqi parallel sohaning har bir oqimi yangi oqimlar hosil qiladi, ularning har biri oʻz raqamini va uni yaratgan oqimning raqamini chop etadi. Keyinchalik, omp_set_nested() funksiyasi ichki parallel sohalardan foydalanishni taqiqlaydi. Ikkinchi qismda, ichki parallel soha yangi oqimlar hosil qilmasdan bajariladi, bu olingan natijada koʻrinadi.